اقمولا العا باسا بەرمەك

تۇڭعىش پرەزيدەنتىمىز نۇر­­­سۇل­تان نازارباەۆتىڭ قا­زاق­ستان حالقىنا ارناعان بيىلعى جول­داۋىن «بولاشاق­تىڭ ىرگەسىن بىرگە قالايمىز» دەگەن اسا قۋات­تى تاقىرىپتان ءتۇز­گەنى اقمولا­لىق­تاردى دا قاناتتان­دىرىپ وتىر. تالاي تاع­دىر­شەشتى وقيعالار­دىڭ كۋا­سى بو­لىپ, سول ءۇمىت, تا­لاپ­تاردىڭ جۇزەگە اسۋىنا ۇيىت­قى بولعان «كوكشەتاۋ» مادە­نيەت سارايى بۇگىن تاعى دا بيىكتەدى. مۇندا كىم جوق دەيسىز, تا­نيتىن, تا­نىمايتىن ادامدار­دىڭ جاڭا تۇعىرعا ۇمتىلۋداعى سىلكىنىس تابىن كورگەنىمىزدىڭ ءوزى مەرەي. كەڭ اۋقىمدى كورمەلەر­دەن ايگىلى ۇيىمداردىڭ عانا ەمەس, قاراپايىم ادامداردىڭ شى­عارماشىلىق شىرقاۋىن كور­گەن دە جاقسى ەكەن. بۇعان تاڭقالۋدىڭ ءجونى دە جوق سياقتى. العا باسقان ساي­ىن اسقارىمىز بيىكتەي باستا­عانى جاسىرىن ەمەس. اقمولا وبلى­سىنىڭ اكىمى سەرگەي دياچەنكو جولداۋ جيىنىندا مەم­لەكەت باس­شىسىنىڭ العا قوي­­عان تاپ­سىرمالارىنان ءوربىتىپ كوڭىل وسىرەر ءبىراز اڭگىمە ايت­تى. استانا ماڭايىنداعى اگلو­مە­راتسيا­لىق ايماقتى قۇرۋعا كىرىسكەنىمىز, ەلوردانىڭ ازىق-ت ۇلىك قور­جى­­نىن تولىقتىرىپ, «جاسىل ايماقتى» جايناتىپ جاتقانى­مىز, تۋريستىك يندۋس­تريا­نىڭ جان­دانعانى, ين­دۋس­تريالىق-ين­نو­ۆاتسيالىق دامۋ­دىڭ ۇدەمەلى ءۇردىس العانى, باس­قا دا قادام­دارعا قارىش بەرىلگەنى ناقتى مىسالدارمەن ءدارىپ­تەل­دى. الدا اسقارالى مىندەت­تەر­دىڭ تۇرعا­نىنا ەكپىن ءتۇ­سىرىلدى. وبلىستىق ىشكى ساياسات باس­قارماسىنىڭ ۋاقىت اعىمىنان ءورىس الاتىن باعىت ۇستانا­تىنىنا ريزا بولدىق. مىنبەرگە كوتەرىلىپ, جۇرتشىلىققا ءسوز ار­ناعانداردىڭ وزەكتى ءما­سە­­لە­لەر­دى تالقىعا سالعانى قۇپ­تار­لىق. وبلىس جۇرت­شى­لى­عى وسكەمەن­دىكتەردىڭ باستا­ما­سىن قولداپ, ەل­باسى وكى­لەتتىگىن ۇزارتۋ ءجو­نىن­دەگى رەفەرەندۋم وتكىزۋ شا­را­لارىنا بەلسەنە قاتىستى. ونى قولداپ قىرۋار قول جي­نال­عانى وبلىس­تاعى ساياسي احۋال­دىڭ تۇراق­تىلىعىن ايعاقتايدى. اقمولا وبلىستىق ارداگەرلەر كەڭەسىنىڭ توراعاسى, «نۇر وتان» حدپ الداعى سەزىنىڭ دەلەگاتى شاپاي ءابۋتالى­پوۆ­تىڭ نۇرسۇلتان ءابىش ۇلىنىڭ ەلىمىزدە كەزەكتەن تىس سايلاۋ وتكىزۋ تۋ­رالى شەشىم قابىل­داۋى ار­قىلى قوعامىمىزدىڭ اقىل-ويى­نىڭ وسكەنىن ايتۋىن, «كوك­شەتاۋ مينەرالدى سۋلا­رى» جشس ديرەكتورلار كەڭە­سى­نىڭ توراعاسى اسقار اليەۆتىڭ سالىق ءتۇسىمىن جىل سايىن 2 ميل­ليارد تەڭگەگە جەتكىزگەنىمەن, نەگىزسىز تەكسەرۋدىڭ نامىس­قا تيەتىنىن ايتۋىن ءجون سانادىق. بۋراباي اۋدانىنداعى «ەسىل-اگرو» جشس باس ديرەكتورى, وب­لىستىق ءماسليحاتتىڭ دەپۋ­تاتى اسىلبەك ەسماعامبەتوۆ پرەزيدەنت جولداۋىندا جەكە كاسىپ­كەرلىكتى دامىتۋعا قام­قور­لىق جاسالىپ وتىرعانىنا قاناعات سە­زىمىن ءبىلدىردى. كاسىپ­ورىن جىل ىشىندە 6500 توننا ءسۇت ءون­دىرىپ, ونىڭ 16 اتاۋىن تۇتىنۋ­شىلارعا ۇسىنادى ەكەن. ەلبا­سى­مىزدىڭ ءوزى كەلىپ, وسىن­داعى زامانالىق مال شا­رۋا­شىلىعى كەشەنىن اشقانى ەسىمىزدە. ون­داعى 6 جاس مامانعا تۇرعىن ءۇي ساتىپ الىپ بەرىلىپتى. بولاشاق وسىلاي قالىپتاسادى دەپ تۇيدىك. بۇقارالىق جيىندا «ەكوس» مەكتەپ-گيمنازياسىنىڭ دي­رەك­­تو­­رى روزا لۋگوۆوي جانە كوك­­شەتاۋ قالالىق ەمحانا­سى­نىڭ باس دارىگەرى قورلان قا­دى­روۆاعا پىكىر كەزەگى ءتيىپ, ولار ەل­باسى ن.نازارباەۆتىڭ بيىل­عى «بو­لا­شاقتىڭ ىرگەسىن بىرگە قالاي­مىز!» اتتى جول­داۋى­نىڭ ءمۇل­تىك­سىز ورىندالا­تى­نىن ءوز ۇجىم­دارىنداعى تابىستارمەن دالەل­دەدى. باقبەرگەن امالبەك. اقمولا وبلىسى.