كونستيتۋتسيالىق زاڭ جوباسى ماقۇلداندى

كەشە پارلامەنت ءماجىلىسىنىڭ توراعاسى ورال مۇحامەدجا­نوۆ­تىڭ جەتەكشىلىگىمەن وتكەن پالاتانىڭ جالپى وتىرىسىندا دەپۋتاتتاردىڭ تالقىسىنا «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا تولىقتىرۋلار مەن وزگەرىستەر ەنگىزۋ تۋرالى» كونستيتۋتسيالىق زاڭنىڭ جوباسى ۇسىنىلدى. جالپى وتىرىستا «قازاقستان رەسپۋبليكاسىنىڭ كەيبىر كونستي­تۋ­تسيالىق زاڭدارىنا تولىقتى­رۋ­لار مەن وزگەرىستەر ەنگىزۋ تۋ­را­لى» قازاقستان رەسپۋبليكاسىنىڭ كونستيتۋتسيالىق زاڭىنىڭ جوبا­سى تۋرالى پرەزيدەنت اكىمشىلىگى باسشىسىنىڭ ورىنباسارى تالعات دوناقوۆ بايانداما جاسادى. ءماجى­لىس­تىڭ زاڭناما جانە سوت-قۇقىق­تىق رەفورما كوميتەتىنىڭ توراعا­سى راحمەت مۇقاشەۆ قوسىمشا بايانداما جاساپ, اتالعان زاڭ جو­باسىنىڭ ماڭىزدىلىعى تۋرالى ايتىپ بەردى. زاڭ جوباسىن تالقىلاۋ با­رى­سىندا ءماجىلىس دەپۋتاتتارى اسحات بەكەنوۆ, رامازان سارپەكوۆ جانە سۆەتلانا بىچكوۆا ءوز پىكىرلەرىن ورتاعا سالدى. ماسەلەن, اسحات بەكەنوۆ پارلامەنتشىلەر ال­دىندا قازاقستان پرەزيدەنتىنىڭ كەزەكتەن تىس سايلاۋىن تاعاي­ىن­داۋ مەن وتكىزۋدىڭ كونستيتۋتسيا­لىق العىشارتتارىن بەلگىلەۋدىڭ ءمىن­دەتى تۇرعانىن, بۇل زاڭ ار­قىلى ەلىمىزدەگى ەلباسىمىزدىڭ وكىلەتتىگىن رەفەرەندۋم ارقىلى وتكىزۋدىڭ بۇكىلحالىقتىق ۇسىنى­سىن ماقۇلداي وتىرىپ, ولاي ەتۋدەن سانالى تۇردە باس تارتقان پرەزيدەنتىمىزدىڭ بۇكىل ەلدىڭ قولداۋىن, كونستيتۋتسيالىق كە­ڭەس­تىڭ شەشىمىن ەسكەرىپ, رەفەرەندۋم ورنىنا كەزەكتەن تىس سايلاۋ وتكىزۋ جايلى ۇسىنىس بەرۋى بۇل ەلدىڭ ەلدىگىن, حالىقتىڭ تەڭ­دىگىن, قۇقىعىن قورعايتىن, دەر كەزىندە جاسالعان باتىل دا پا­راساتتى شەشىم دەپ ويلايتىنىن ءبىلدىردى. ءوز ارىپتەستەرىن كونس­تيتۋ­تسيالىق زاڭعا ۇسىنىلعان تۇزەتۋلەردى ءبىراۋىزدان تۇتاستاي ماقۇلداۋدى ۇسىنىپ, وسى ۇسى­نىسىن قولداۋعا شاقىردى. دەپۋتات رامازان سارپەكوۆ ءوز سوزىندە ءبىزدىڭ تالقىلاۋعا ءتۇسىپ وتىرعان «قازاقستان رەسپۋبليكا­سىن­داعى سايلاۋ تۋرالى» جانە «قازاقستان رەسپۋبليكاسىنىڭ پرە­زيدەنتى تۋرالى» زاڭدارعا تو­لىقتىرۋلار مەن وزگەرىستەر ەنگىزۋدى كوزدەيتىن زاڭ جوباسى كەشە عانا قابىلدانعان زاڭنىڭ ىسكە اسۋىنا مۇمكىندىك بەرەتىن نورما­لاردى قاراپ وتىرعانىن كولدەنەڭ تارتتى. «قازاقستان رەسپۋبليكاسىن­دا­عى سايلاۋ تۋرالى» كونستيتۋتسيا­لىق زاڭدا كەزەكتەن تىس پرەزيدەنتتىك سايلاۋ قازاقستان رەس­پۋبليكاسى پرەزيدەنتىنىڭ شەشىمىمەن تاعايىندالادى جانە ول تاعايىندالعاننان كەيىن ەكى اي مەرزىمدە وتكىزىلەدى دەپ كوزدەلىپ وتىر. اتالعان كونستيتۋتسيالىق زاڭ سونداي-اق پرەزيدەنتتىك كەزەكتەن تىس سايلاۋ دا كەزەكتى سايلاۋ تارتىبىمەن وتكىزىلەدى دەگەن نورمامەن تولىقتىرىلعان. بۇل رەتتە, سايلاۋ ءىس-شارالارىن وتكىزۋ مەرزىمىن ورتالىق سايلاۋ كوميسسياسى ايقىندايدى دەپ بەلگىلەنگەن. ال كەزەكتەن تىس سايلاۋدان كەيىنگى پرەزيدەنتتىك كەزەكتى سايلاۋ بەس جىل وتكەن سوڭ «قا­زاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ­دا بەلگىلەنگەن مەرزىمدە جا­ريالانادى دەپ بەلگىلەنىپ وتىر. كەزەكتەن تىس سايلاۋدا سايلانعان پرەزيدەنتتىڭ انت بەرۋى سايلاۋ قورىتىندىسى جاريالان­عان كۇننەن باستاپ ءبىر اي ىشىندە وتكىزىلەدى دەگەن ەرەجە دە «قازاق­ستان رەسپۋبليكاسىنىڭ پرەزيدەنتى تۋرالى» كونستيتۋتسيالىق زاڭداعى جاڭا ەرەجە بولىپ تابىلادى. بۇل رەتتە, انت بەرۋ كۇنىن ورتالىق سايلاۋ كوميسسيا­سى ايقىندايتىن بولادى. سونى­مەن قاتار, اتالعان كونستيتۋ­تسيالىق زاڭدا كەزەكتەن تىس سايلاۋ­دا قازاقستان پرەزيدەنتى بولىپ سايلانعان ادام پرەزيدەنتتىك وكىلەتتىك مەرزىمى اياقتالعانشا ساقتايتىن كەزەڭ ايقىندالعان. جالپى, وتىرىستا «قازاقستان رەسپۋبليكاسىنىڭ كەيبىر كونستي­تۋتسيالىق زاڭدارىنا تولىقتىرۋ­لار مەن وزگەرىستەر ەنگىزۋ تۋ­رالى» قازاقستان رەسپۋبليكا­سى­نىڭ كونستيتۋتسيالىق زاڭىنىڭ جوباسى ماقۇلداندى. اسقار تۇراپباي ۇلى.