قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №626

  2015 جىلعى 28 شىلدە , استانا قالاسى كونسۋلتاتسيالىق-دياگنوستيكالىق كومەك كورسەتۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 46-بابىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان كونسۋلتاتسيالىق-دياگنوستيكالىق كومەك كورسەتۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن مەرزىمدىك ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق ونى العاشقى رەسمي جاريالاعان كۇنىنەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشى ب. نۇرىمبەتوۆ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2015 جىلعى 28 شىلدەدەگى №626 بۇيرىعىمەن بەكىتىلگەن كونسۋلتاتسيالىق-دياگنوستيكالىق كومەك كورسەتۋ قاعيدالارى 1. جالپى ەرەجەلەر 1. وسى كونسۋلتاتسيالىق-دياگنوستيكالىق كومەك كورسەتۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ (بۇدان ءارى – كودەكس) 46-بابىنىڭ 2-تارماعىنا سايكەس ازىرلەنگەن جانە مەديتسينالىق ۇيىمداردا ازاماتتارعا كونسۋلتاتسيالىق-دياگنوستيكالىق كومەك كورسەتۋ ءتارتىبىن انىقتايدى. 2. كونسۋلتاتسيالىق-دياگنوستيكالىق كومەكتى: 1) كونسۋلتاتسيالىق-دياگنوستيكالىق ورتالىقتار; 2) كونسۋلتاتسيالىق-دياگنوستيكالىق ەمحانالار; 3) كونسۋلتاتسيالىق-دياگنوستيكالىق بولىمشەلەر كورسەتەدى. 4) وسى قاعيدالاردا مىناداي نەگىزگى ۇعىمدار پايدالانىلادى: 1) بەيىندى مامان – جوعارى مەديتسينالىق ءبىلىمى, بەلگىلى ءبىر ماماندىق بويىنشا سەرتيفيكاتى بار مەديتسينا قىزمەتكەرى; 2) جوعارى مامانداندىرىلعان مەديتسينالىق كومەك – دياگنوستيكانىڭ, ەمدەۋ مەن مەديتسينالىق وڭالتۋدىڭ ەڭ جاڭا تەحنولوگيالارىن پايدالانۋدى تالاپ ەتەتىن اۋرۋلار كەزىندە مەديتسينالىق ۇيىمداردا بەيىندى ماماندار كورسەتەتىن مەديتسينالىق كومەك; 3) كونسۋلتاتسيالىق-دياگنوستيكالىق كومەك (بۇدان ءارى – كدك) – تاۋلىك بويى مەديتسينالىق باقىلاۋ جاسالمايتىن, مامانداندىرىلعان نەمەسە جوعارى مامانداندىرىلعان مەديتسينالىق كومەك; 4) مامانداندىرىلعان مەديتسينالىق كومەك – دياگنوستيكانىڭ, ەمدەۋدىڭ جانە مەديتسينالىق وڭالتۋدىڭ مامانداندىرىلعان ادىستەرىن اۋرۋلار كەزىندە بەيىندى ماماندار كورسەتەتىن, ونىڭ ىشىندە تەلەمەديتسينا قۇرالىن پايدالانا وتىرىپ كورسەتەتىن مەديتسينالىق كومەك; 5) مەديتسينالىق-سانيتاريالىق العاشقى كومەك دارىگەرى - تاۋلىك بويى مەديتسينالىق باقىلاۋ جاسامايتىن, بىلىكتى مەديتسينالىق كومەك كورسەتەتىن جالپى پراكتيكا دارىگەرى, ۋچاسكەلىك تەراپەۆت نەمەسە پەدياتر; 6) پاتسيەنت – مەديتسينالىق قىزمەتتەر كورسەتۋدىڭ تۇتىنۋشىسى بولىپ تابىلاتىن (بولىپ تابىلعان) جەكە تۇلعا. 2. كونسۋلتاتسيالىق-دياگنوستيكالىق كومەك كورسەتۋ ءتارتىبى 4. پاتسيەنتتەرگە كدك-نى مەديتسينالىق ۇيىمدار ەڭبەككە ۋاقىتشا جارامسىزدىققا ساراپتاما جۇرگىزۋدى قامتيتىن مەديتسينالىق قىزمەتتى جۇزەگە اسىرۋعا ليتسەنزياسى بولعان جاعدايدا پروفيلاكتيكالىق, دياگنوستيكالىق جانە ەمدەۋ قىزمەتتەرىن ۇسىنۋ ارقىلى كورسەتەدى. 5. بەيىندى ماماننىڭ پاتسيەنتكە كدك كورسەتۋى جەدەل جانە شۇعىل مەديتسينالىق كومەك كورسەتۋ جاعدايلارىن قوسپاعاندا, مەديتسينالىق-سانيتاريالىق العاشقى كومەك (بۇدان ءارى – مساك) دارىگەرىنىڭ نەمەسە باسقا بەيىندى ماماننىڭ جولداماسى بويىنشا جۇزەگە اسىرىلادى. 6. بارلىق دەڭگەيدە كدك الۋ ءۇشىن پاتسيەنتتى جىبەرۋ كەزىندە مساك دارىگەرى نەمەسە باسقا بەيىندى مامان «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) (بۇدان ءارى – بۇيرىق) № 001-4/ە نىسان بويىنشا جولدامانى جانە № 027/ە نىسان بويىنشا مەديتسينالىق كارتادان كوشىرمەنى تولتىرادى. 7. رەسپۋبليكالىق دەڭگەيدە كدك الۋ ءۇشىن پاتسيەنتتەردى جولداۋ «تەگىن مەديتسينالىق كومەكتىڭ كەپىلدىك بەرىلگەن كولەمىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2136 قاۋلىسىمەن بەكىتىلگەن كونسۋلتاتسيالىق-دياگنوستيكالىق قىزمەت تۇرلەرىمەن سايكەس تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى – تمككك) شەڭبەرىندە جۇزەگە اسىرىلادى. 8. رەسپۋبليكالىق دەڭگەيدە كدك الۋ ءۇشىن پاتسيەنتتەردى جولداۋ مەنشىك نىسانىنا قاراماستان وبلىستاردىڭ, استانا جانە الماتى قالالارىنىڭ مەديتسينالىق ۇيىمدارىنان, مەديتسينالىق ۇيىمداردا (بۇدان ءارى – مۇ كوميسسياسى) جانە وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارىندا (بۇدان ءارى – دسب كوميسسياسى) قۇرىلعان كوميسسيالار جۇزەگە اسىرادى. مۇ كوميسسياسىنىڭ قۇرامىنا جپد نەمەسە ۋچاسكەلىك دارىگەر, سونداي-اق بەيىندى مامان (قاجەت بولعان جاعدايدا) مىندەتتى تۇردە ەنگىزىلەدى. 9. مۇ كوميسسياسى 2 جۇمىس كۇنىنىڭ ىشىندە رەسپۋبليكالىق دەڭگەيدە كدك الۋعا پاتسيەنتتىڭ قۇجاتتارىن تەكسەرەدى جانە جولداۋ نەمەسە باس تارتۋ (كورسەتىلىمدەر بولماعان جاعدايدا) جونىندە شەشىم قابىلدايدى. 10. مۇ كوميسسياسى رەسپۋبليكالىق دەڭگەيدە كدك الۋعا پاتسيەنتتى جولداۋعا وڭ شەشىم قابىلداعاندا 2 جۇمىس كۇنىنىڭ ىشىندە پاتسيەنتتىڭ قۇجاتتارىن دسب كوميسسياسىنا جولدايدى. 11. وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارى پاتسيەنتتىڭ قۇجاتى تۇسكەن ساتتەن باستاپ 3 جۇمىس كۇنىنىڭ ىشىندە, دسب كوميسسياسىنىڭ شەشىمىنىڭ نەگىزىندە مەديتسينالىق ۇيىمعا نەمەسە پاتسيەنتكە بۇيرىقپەن بەكىتىلگەن № 021/ە نىسانى بويىنشا جوعارى مامانداندىرىلعان كونسۋلتاتسيالىق-دياگنوستيكالىق كومەك الۋعا جولداما بەرەدى. پاتسيەنتكە رەسپۋبليكالىق دەڭگەيدە كدك كورسەتۋدەن باس تارتقان جاعدايدا وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارى 3 جۇمىس كۇنىنىڭ ىشىندە جولداما بەرگەن مەديتسينالىق ۇيىمعا نەمەسە پاتسيەنتكە جازباشا دالەلدەنگەن باس تارتۋدى قوسا بەرە وتىرىپ, قۇجاتتاردى قايتارادى. 12. تمككك شەڭبەرىندە رەسپۋبليكالىق دەڭگەيدەگى مەديتسينالىق ۇيىمعا جىبەرۋ: دياگنوزدى راستاۋ ءۇشىن كۇردەلى, انىق ەمەس وقيعالاردى سارالانعان دياگنوستيكالاۋ; سيرەك كەزدەسەتىن, ورفاندىق اۋرۋلاردى دياگنوستيكالاۋ; زەرتتەپ-قاراۋ, ەمدەۋ ءتاسىلىن, سونداي-اق ەڭبەككە جارامسىزدىقتى ساراپتامالىق باعالاۋ ءتاسىلىن ايقىنداۋدا داۋلى جاعدايلاردى شەشۋ; شەتەلدە ەم الۋعا جىبەرۋ ءۇشىن كورسەتىلىمدەردىڭ بولۋىن ايقىنداۋ; حالىقتىڭ الەۋمەتتىك وسال توپتارىنان اۋرۋدىڭ اۋىر اعىمىمەن پاتسيەنتتەردى ەمدەۋ ءتاسىلىن انىقتاۋ; اۋرۋلاردىڭ ءجيى رەتسيديۆتەرى مەن دەكومپەنساتسياسى جاعدايلارىندا پاتسيەنتتەردى زەرتتەپ-قاراۋ جانە ەمدەۋ ءتاسىلىن ايقىنداۋ; مساك دەڭگەيىندە وتكىزىلگەن ەمدەۋ ءىس-شارالارىنىڭ تيىمسىزدىگى كەزىندە دياگنوستيكالاۋ جانە ەمدەۋ قاجەت بولعان جاعدايلاردا جۇزەگە اسىرىلادى. 13. كدك كورسەتكەن بەيىندى مامان پاتسيەنتتى كونسۋلتاتسياعا جىبەرگەن مساك دارىگەرىنە نەمەسە باسقا بەيىندى مامانعا وتكىزىلگەن تەكسەرىپ-قاراۋ مەن ەمدەۋدىڭ قورىتىندىلارى كورسەتىلگەن, سونداي-اق پاتسيەنتتى بۇدان ءارى ەمدەۋ بويىنشا ۇسىنىمدار كورسەتىلگەن, بۇيرىقپەن بەكىتىلگەن № 071/ە نىسان بويىنشا مەديتسينالىق قورىتىندىنى (بۇدان ءارى – كونسۋلتاتسيالىق-دياگنوستيكالىق قورىتىندى) ۇسىنادى. 14. مساك دارىگەرى نەمەسە باسقا بەيىندى مامان كدك كورسەتكەن بەيىندى ماماننىڭ ۇسىنىمدارىنا سايكەس كونسۋلتاتسيالىق-دياگنوستيكالىق قورىتىندىنى العاننان كەيىن پاتسيەنتتى ودان ءارى باقىلاۋدى جۇزەگە اسىرادى. 15. كورسەتىلىمدەر بولعان جاعدايدا كدك كورسەتۋدى جۇزەگە اسىرۋشى مەديتسينالىق ۇيىمنىڭ بەيىندى مامانى ناۋقاستى كودەكستىڭ 47-بابىنىڭ 3-تارماعىنىڭ نەگىزىندە ستاتسيونارلىق ەم الۋعا جىبەرەدى. 16. كدك كورسەتكەن بەيىندى مامان كورسەتىلىمدەر بولعان جاعدايدا ەڭبەككە ۋاقىتشا جارامسىزدىق پاراعىن جانە (نەمەسە) انىقتامانى بەرەدى نەمەسە ۇزارتادى, ال ەڭبەككە جارامدىلىعىن تۇراقتى جوعالتقان جاعدايدا مەديتسينالىق-الەۋمەتتىك ساراپتاماعا جىبەرۋ ءۇشىن قۇجاتتاردى راسىمدەۋگە ۇسىنىمدار بەرەدى. 17. كدك كورسەتكەن بەيىندى مامان جوعارىدا كورسەتىلگەن بۇيرىققا سايكەس باستاپقى مەديتسينالىق قۇجاتتاما جۇرگىزۋدى, «مەملەكەتتىك ستاتيستيكا تۋرالى» قازاقستان رەسپۋبليكاسىنىڭ 2010 جىلعى 15 ناۋرىزداعى زاڭىمەن جانە «دەنساۋلىق ساقتاۋ سۋبەكتىلەرىنىڭ اكىمشىلىك دەرەكتەرىن جيناۋعا ارنالعان نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2013 جىلعى 6 ناۋرىزداعى №128 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8421 بولىپ تىركەلگەن) بەلگىلەنگەن نىساندار, تۇرلەر بويىنشا, كولەمدە, تارتىپتە جانە مەرزىمدە ەسەپتەردى ۇسىنۋدى قامتاماسىز ەتەدى. 18. رەسپۋبليكالىق دەڭگەيدەگى مەديتسينالىق ۇيىمداردا كدك كورسەتۋگە وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارى: مەديتسينالىق ۇيىمدارعا كدك كورسەتۋگە بولىنەتىن كولەمدەردى ءبولۋدى جۇرگىزۋى; كدك كورسەتۋگە كولەمدەردى يگەرۋ جونىندەگى جۇمىستاردى ورىنداۋ مونيتورينگىن جۇرگىزۋى قاجەت. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 27 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11958 بولىپ ەنگىزىلدى.