قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №508 

  2015 جىلعى 23 ماۋسىم ,استانا قالاسى كلينيكالىق جانە ەپيدەميولوگيالىق كورسەتىلىمدەر بويىنشا ادامداردى ايتۆ ينفەكتسياسىنىڭ بولۋىنا مىندەتتى قۇپيا مەديتسينالىق زەرتتەپ-قاراۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 115-بابىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان كلينيكالىق جانە ەپيدەميولوگيالىق كورسەتىلىمدەر بويىنشا ادامداردى ايتۆ ينفەكتسياسىنىڭ بولۋىنا مىندەتتى قۇپيا مەديتسينالىق زەرتتەپ-قاراۋ قاعيدالارى بەكىتىلسىن. 2. «ايتۆ ينفەكتسياسىنىڭ بولۋىنا مەديتسينالىق زەرتتەپ-قاراۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 28 شىلدەدەگى № 552 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6415 بولىپ تىركەلگەن, 2010 جىلعى 9 قازانداعى № 267-268 (26328-26329) «ەگەمەن قازاقستان» گازەتىندە جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدى ءباسپاسوز باسىلىمدارىندا جانە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەر ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا كەلىسىلدى قازاقستان رەسپۋبليكاسىنىڭ ىشكى ىستەر ءمينيسترى ق.قاسىموۆ __________ 2015 جىلعى 2 شىلدە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 23 ماۋسىمداعى №508 بۇيرىعىمەن بەكىتىلگەن كلينيكالىق جانە ەپيدەميولوگيالىق كورسەتىلىمدەر بويىنشا ادامداردى ايتۆ ينفەكتسياسىنىڭ بولۋىنا مىندەتتى قۇپيا مەديتسينالىق زەرتتەپ-قاراۋ قاعيدالارى 1. جالپى ەرەجەلەر 1. وسى كلينيكالىق جانە ەپيدەميولوگيالىق كورسەتىلىمدەر بويىنشا ادامداردى ايتۆ ينفەكتسياسىنىڭ بولۋىنا مىندەتتى قۇپيا مەديتسينالىق زەرتتەپ-قاراۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 115-بابىنىڭ 2-تارماعىنا سايكەس ازىرلەندى جانە كلينيكالىق جانە ەپيدەميولوگيالىق كورسەتكىشتەر بويىنشا ادامداردى ايتۆ ينفەكتسياسىنىڭ بولۋىنا مىندەتتى قۇپيا مەديتسينالىق زەرتتەپ-قاراۋ جۇرگىزۋ ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلادى: 1) ايتۆ – ادامنىڭ يممۋن تاپشىلىعى ۆيرۋسى; 2) جۇقتىرىلعان يممۋن تاپشىلىعى سيندرومى (جيتس) – ادامنىڭ يممۋن جۇيەسىنىڭ ايتۆ-دان قاتتى زاقىمدانۋىنان بولعان پاتولوگيالىق بەلگىلەر بايقالاتىن ايتۆ ينفەكتسياسىنىڭ سوڭعى ساتىسى; 3) ايتۆ ينفەكتسياسىنىڭ بولۋىنا كلينيكالىق كورسەتىلىمدەر بويىنشا زەرتتەپ-قاراۋ – كلينيكالىق كورسەتىلىمدەرى بار (وپپورتۋنيستىك اۋرۋلار, ايتۆ ينفەكتسياسىن جۇقتىرۋ مۇمكىندىگىن كورسەتەتىن سيندرومدار جانە بەلگىلەر) ادامداردى مىندەتتى قۇپيا مەديتسينالىق زەرتتەپ-قاراۋ; 4) ايتۆ ينفەكتسياسىنىڭ بولۋىنا ەپيدەميولوگيالىق كورسەتىلىمدەر بويىنشا زەرتتەپ-قاراۋ – حالىقتىڭ جەكەلەگەن توپتارىنىڭ اراسىندا جانە ايتۆ ينفەكتسياسىنىڭ ءاربىر جاعدايىنا ەپيدەميولوگيالىق تەكسەرۋ جۇرگىزۋ كەزىندە بەلگىلى ءبىر اۋماقتاعى ەپيدەميولوگيالىق جاعدايمەن تۇسىندىرىلەتىن ادامداردى مىندەتتى قۇپيا مەديتسينالىق زەرتتەپ-قاراۋ. 3. كلينيكالىق جانە ەپيدەميولوگيالىق كورسەتىلىمدەر بويىنشا ادامداردى ايتۆ ينفەكتسياسىنىڭ بولۋىنا مەديتسينالىق زەرتتەپ-قاراۋ ماقساتتارى: 1) ايتۆ ينفەكتسياسىنىڭ دياگنوزىن قويۋ; 2) قان جانە ونىڭ كومپونەنتتەرىن قۇيۋدىڭ, اعزالاردى (اعزالاردىڭ بولىكتەرىن), تىندەردى, جىنىستىق, فەتالدىق جانە وزەك جاسۋشالارىن ترانسپلانتتاۋدىڭ ينفەكتسيالىق قاۋىپسىزدىگىن قامتاماسىز ەتۋ; 3) ايتۆ ينفەكتسياسىنىڭ تىكەلەي بەرىلۋ جولىنىڭ پروفيلاكتيكاسى; 4) ەپيدەميولوگيالىق مونيتورينگ جۇرگىزۋ: ەپيدەميانى بولجاۋ, پروفيلاكتيكالىق ءىس-شارالاردى ازىرلەۋ جانە ولاردىڭ تيىمدىلىگىن باعالاۋ ءۇشىن حالىقتىڭ جەكەلەگەن توپتارىنىڭ اراسىندا ايتۆ ينفەكتسياسىنىڭ تارالۋ دەڭگەيىن باعالاۋ بولىپ تابىلادى. 4. ايتۆ ينفەكتسياسىنا: 1) قۇپيالىلىقتى قامتاماسىز ەتۋ جاعدايىندا ناتيجەلەرى تۋرالى تەك زەرتتەلىپ-قارالۋشى جانە وعان تىكەلەي كومەك كورسەتكەن مەديتسينا قىزمەتكەرلەرى عانا بىلەتىن ايتۆ ينفەكتسياسىنىڭ انتيدەنەلەرىنە جيتس-ءتىڭ الدىن الۋ جانە وعان قارسى كۇرەس جونىندەگى ورتالىقتاردىڭ زەرتحانالارى; 2) ايتۆ ينفەكتسياسىن جۇقتىرعان انالاردان تۋعان بالالاردىڭ بيوماتەريالىن (جاڭا الىنعان قان, قان پلازماسى, قان سارىسۋى) پتر جانە يممۋنوبلوت ادىسىمەن پروۆيرۋستىق دەزوكسيريبونۋكلەيندىك قىشقىلعا, ريبونۋكلەيندىك قىشقىلعا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «جيتس-ءتىڭ الدىن الۋ جانە وعان قارسى كۇرەس جونىندەگى رەسپۋبليكالىق ورتالىق» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ زەرتحاناسى; 3) ايتۆ ينفەكتسياسىنا انتيدەنەگە جانە بيولوگيالىق ماتەريال دونورلارىنىڭ باسقا دا ترانسفۋزيالىق ينفەكتسيالارىنا قان ورتالىقتارىنىڭ زەرتحانالارى زەرتتەپ-قاراۋلار جۇرگىزەدى. 5. قان ورتالىقتارىنىڭ زەرتحانالارىنان دونور قانىنىڭ ۇلگىسىن قايتالاپ زەرتتەۋ (ورنىن اۋىستىرۋ) كەزىندە يممۋندىق-فەرمەنتتىك تالداۋدىڭ (بۇدان ءارى – يفت) جانە (نەمەسە) پوليمەرازدىڭ تىزبەكتىك رەاكتسياسىنىڭ (بۇدان ءارى – پتر) ايتۆ ينفەكتسياسىنا كۇدىكتى نەمەسە وڭ ناتيجەسى الىنعان جاعدايدا بۇل ۇلگى راستاۋ زەرتتەۋىن جۇرگىزۋ ءۇشىن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «جيتس-ءتىڭ الدىن الۋ جانە وعان قارسى كۇرەس جونىندەگى رەسپۋبليكالىق ورتالىق» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىننىڭ زەرتحاناسىنا جىبەرۋگە جاتادى. 2. كلينيكالىق جانە ەپيدەميولوگيالىق كورسەتىلىمدەر بويىنشا ادامداردى ايتۆ ينفەكتسياسىنىڭ بولۋىنا مىندەتتى قۇپيا مەديتسينالىق زەرتتەپ-قاراۋدى جۇرگىزۋ ءتارتىبى 6. كلينيكالىق كورسەتىلىمدەر بويىنشا ايتۆ ينفەكتسياسىنىڭ بولۋىنا زەرتتەپ-قاراۋعا مىناداي اۋرۋلارى, سيندرومدارى مەن سيمپتومدارى انىقتالعان ادامدار جاتادى: 1) ۇزاقتىعى 1 ايدان اساتىن ەكى جانە ودان دا كوپ ليمفا تۇيىندەرىنىڭ ۇلكەيۋى, پەرسيستيرلەنگەن, جايىلعان ليمفادەنوپاتيا; 2) بەلگىسىز ەتيولوگياداعى قىزبا (تۇراقتى نەمەسە ۇزاقتىعى ءبىر ايدان اساتىن قايتالانۋ); 3) تۇسىندىرىلمەيتىن اۋىر كاحەكسيا نەمەسە ستاندارتتىق ەمدەۋدى ناشار قابىلدايتىن (بالالاردا) تاماقتانۋدىڭ ايقىن بۇزىلۋلارى, سالماقتى 10 % نەمەس ودان دا كوپ مولشەردە تۇسىنىكسىز جوعالتۋ; 4) 14 جانە ودان استام تاۋلىك بويىنا سوزىلعان (بالالارداعى) ديارەيا, ۇزاقتىعى ءبىر ايدان اساتىن تۇسىنىكسىز سوزىلمالى ديارەيا; 5) سەبورەيلىك دەرماتيت, قىشىما پاپۋلەزدىك بورتپە (بالالاردا); 6) انگۋليارلىق حەيليت; 7) جوعارعى تىنىس الۋ جولدارىنىڭ قايتالاناتىن ينفەكتسياسى (سينۋسيت, ورتاڭعى وتيت, فارينگيت, تراحەيت, برونحيت); 8) قۇرساۋ تەمىرەتكى; 9) كەز-كەلگەن ديسسەمينيرلەنگەن ەندەميالىق ميكوز, تەرەڭ ميكوزدار (كوكتسيديويدوز, وكپەدەن تىس كريپتوكوككوز (كريپتوكوككتىق مەنينگيت), سپوروتريحوز, اسپەرگيللەز, يزوسپوروز, وكپەدەن تىس گيستوپلازموز, سترونگيلويدوز, اكتينوميكوز جانە باسقالار); 10) وكپەلىك جانە وكپەدەن تىس تۋبەركۋلەز, ونىڭ ىشىندە پەريفەريالىق ليمفوتۇيىندەردىڭ تۋبەركۋلەزىنەن باسقا, اتيپيالى ميكوباكتەريالار تۋدىرعان ديسسەمينيرلەنگەن ينفەكتسيا; 11) اۋىز قۋىسىنىڭ تۇكتى لەيكوپلاكياسى, قىزىل يەكتىڭ سىزىقتىق ەريتەماسى; 12) ادەتتەگى ەمدەۋگە كونبەيتىن اۋىر سوزىلمالى قايتالاناتىن پنەۆمونيا جانە سوزىلمالى برونحيتتەر (جىل بويى 2 جانە ودان كوپ رەتتىك جيىلىكپەن), سيمپتومى جوق جانە كلينيكالىق ايقىن ليمفويدتىق ينتەرستيتسيالدىق پنەۆمونيا; 13) سەپسيس, ىشكى اعزالاردىڭ سوزىلمالى جانە قايتالاناتىن ءىرىڭدى-باكتەريالىق اۋرۋلارى (پنەۆمونيا, پلەۆرا ەمپيەماسى, مەنينگيت, مەنينگوەنتسەفاليتتەر, سۇيەك جانە بۋىنداردىڭ ينفەكتسياسى, ءىرىڭدى ميوزيت سالمونەللەزدىك سەپتيتسەميا (Salmonella tiphi باسقا), ستوماتيتتەر, گينگيۆيتتەر, پەريودونتيتتەر جانە باسقالار); 14) پنەۆموتسيستىك پنەۆمونيا; 15) ىشكى اعزالاردى زاقىمدايتىن جانە تەرى مەن شىرىشتى قابىقتاردى, ونىڭ ىشىندە كوزدى سوزىلمالى (اۋىرعاننان ءبىر ايدان اسا ۇزاقتىقتا) زاقىمدايتىن, قاراپايىم ۇشىق ۆيرۋسى تۋدىرعان ينفەكتسيالار; 16) كارديوميوپاتيا; 17) نەفروپاتيا; 18) ەتيولوگياسى بەلگىسىز ەنتسەفالوپاتيا; 19) ۇدەمەلى مۋلتيفوكالدىق لەيكوەنتسەفالوپاتيا; 20) «كاپوشي» ساركوماسى; 21) ىسىكتەر, ونىڭ ىشىندە ليمفوما (باس ميىنىڭ) نەمەسە ۆ-جاسۋشالى ليمفوما; 22) ورتالىق نەرۆ جۇيەسىنىڭ توكسوپلازموزى; 23) وڭەشتىڭ, برونحتىڭ, كەڭىردەكتىڭ, وكپەنىڭ, اۋىز قۋىسىنىڭ شىرىشتى قابىعىنىڭ جانە مۇرىننىڭ كانديدوزى; 24) ءاتيپتى ميكوباكتەريالار تۋدىرعان ديسسەمينيرلەنگەن ينفەكتسيا; 25) ەتيولوگياسى بەلگىسىز كاحەكسيا; 26) قاراپايىم ەمدەۋگە كەلمەيتىن سوزىلمالى قايتالاناتىن پيودەرميا; 27) ەتيولوگياسى بەلگىسىز ايەلدەردىڭ جىنىس مۇشەسى اۋماعىنىڭ اۋىر سوزىلمالى قابىنۋ اۋرۋلارى; 28) ايەلدەردىڭ جىنىس مۇشەلەرىنىڭ ينۆازيۆتىك ىسىكتەرى; 29) اۋرۋ باستالعاننان كەيىن 3 ايدان سوڭ مونونۋكلەوز; 30) بەلگىلەنگەن دياگنوزى بار, جىنىستىق جولمەن بەرىلەتىن ينفەكتسيالار (مەرەز, حلاميديوز, تريحومونياز, سوز, گەنيتالدىق ۇشىق, ۆيرۋستى پاپيللوماتوز جانە باسقالار); 31) دياگنوزى راستالعان كەزدەگى «ۆ» جانە «س» ۆيرۋستى گەپاتيتتەرى; 32) اۋقىمدى سۋلى كونديلومالار; 33) جايىلعان بورتپەلەرى بار كونتاگيوزدىق مولليۋسك, ءىرى شورلانعان كونتاگيوزدىق مولليۋسك; 34) بۇرىن دەنى ساۋ بولعان ادامدارداعى العاشقى جارىمەستىك; 35) جۇيەلى تۇردە قان جانە ونىڭ كومپونەنتتەرىن قۇيدىراتىن, گەموفيليامەن جانە باسقا دا اۋرۋلارمەن اۋىراتىن ناۋقاستار; 36) جايىلعان تسيتومەگالوۆيرۋستىق ينفەكتسيا. 7. ادامداردى ايتۆ ينفەكتسياسىنىڭ بولۋىنا ەپيدەميولوگيالىق كورسەتىلىمدەرى بويىنشا زەرتتەپ-قاراۋعا مىنالار جاتادى: 1) قان, ونىڭ كومپونەنتتەرىن, اعزالار (اعزا بولىكتەرى), تىندەر, جىنىستىق, فەتالدىق جانە ءدىڭ جاسۋشالارى مەن باسقا دا بيولوگيالىق ماتەريالداردىڭ رەتسيپيەنتتەرىنە گەموترانسفۋزياعا (ترانسپلانتاتسياعا) دەيىن جانە 1 ايدان سوڭ جانە 3 ايدان كەيىن جيتس-ءتىڭ الدىن الۋ جانە وعان قارسى كۇرەس جونىندەگى اۋماقتىق ورتالىقتاردىڭ زەرتحانالارىندا جۇرگىزىلەدى; 2) جۇگىنگەن كەزدە ايتۆ-جۇقتىرعان ادامداردىڭ جانە جيتس-پەن اۋىراتىن ناۋقاستاردىڭ جىنىستىق سەرىكتەستەرى; 3) جۇگىنگەن كەزدە ينەكتسيالىق ەسىرتكىلەردى بىرگە پايدالاناتىن سەرىكتەستەر; 4) حالىقتىڭ وسال توپتارى (بۇدان ءارى-حوت): ينەكتسيالىق ەسىرتكىلەردى تۇتىناتىن ادامدار, ونىڭ ىشىندە ناركولوگيالىق قىزمەتكە ەسەپكە الۋ كەزىندەگى ادامدار جانە ءاربىر 6 ايسايىن; جۇگىنگەن كەزدە ەرلەرمەن جىنىستىق قارىم-قاتىناسى بار ەرلەر; 5) قاماۋدا وتىرعان ادامدار جانە سوتتالعاندار تەرگەۋ يزولياتورلارىنا, تۇزەتۋ مەكەمەلەرىنە كەلىپ تۇسكەن كەزدە, تۇسكەننەن كەيىن 6 ايدان سوڭ, بوساتىلۋ الدىندا جانە مەكەمەدە بولۋ كەزىندە قالاۋى بويىنشا ايتۆ ينفەكتسياسىنا زەرتتەلىن-قارالادى; 6) جۇگىنگەن كەزدە رەتسىز جىنىستىق قاتىناستارى بار ادامدار; 7) ايتۆ جۇقتىرعان انالاردان تۋعان 1-2 ايلىق بالالار; 8) قىزمەتتىك مىندەتتەرىن ورىنداۋ كەزىندە اپاتتىق جاعداي ناتيجەسىندە (مەديتسينالىق مانيپۋلياتسيا كەزىندە) زارداپ شەككەن ادامدار جانە جۇقتىرۋ قاۋپىنە ۇشىراعان ادامدار (جىنىستىق قاتىناستا بولعاندا جانە باسقا دا جاعدايلاردا) جۇگىنۋ ساتىندە ايتۆ ينفەكتسياسىنىڭ بولۋىنا مەديتسينالىق تەكسەرۋدەن جانە ودان ءارى 1 جانە 3 ايدان كەيىن ودان ءارى زەرتتەپ-قاراۋدان وتەدى; 9) قانمەن, باسقا دا بيوماتەريالدارمەن بايلانىستى بولعان مەديتسينا قىزمەتكەرلەرى جۇمىسقا تۇرۋ كەزىندە جانە ودان ءارى جىلىنا 1 رەت زەرتتەپ-قارالادى; 10) اسكەري قىزمەتكە شاقىرىلعان, كەلىسىمشارت بويىنشا جۇمىسقا تۇراتىن ادامدار; 11) جۇكتى ايەلدەر: ەسەپكە تۇرۋ كەزىندە جانە جۇكتىلىكتىڭ 28-30 اپتاسىندا (ەكى رەتتىك زەرتتەپ-قاراۋ); جۇكتىلىكتى ۇزەر الدىندا; بوساندىرۋ مەكەمەلەرىنە كەلىپ تۇسكەن ايتۆ ينفەكتسياسىنا ەكى رەتتىك زەرتتەپ-قاراۋ ناتيجەلەرى جوق نەمەسە بوسانۋعا كەلىپ تۇسكەنگە دەيىن 3 اپتادان اسا ۋاقىتتا بىرنەشە رەت زەرتتەلىپ-قارالعان; 12) ۋاقىتشا ۇستاۋ يزولياتورىنا, قابىلداۋ-ءبولۋ ورنىنا, اكىمشىلىك-قامالۋشىلارعا ارنالعان ارنايى قابىلداۋ بولىمىنە, الەۋمەتتىك بەيىمدەۋ ورتالىقتارى مەن وڭالتۋ ورتالىقتارىنا كەلىپ تۇسكەن كەزدەگى ادامدار. 8. ايتۆ ينفەكتسياسىنىڭ بولۋىنا كلينيكالىق جانە ەپيدەميولوگيالىق كورسەتىلىمدەر بويىنشا جەدەل-تەستپەن زەرتتەپ-قاراۋعا, سودان كەيىن يفت-عا زەرتتەپ-قاراۋعا جاتاتىندار: 1) جۇكتى ايەلدەر: بەلگىسىز ايتۆ-مارتەبەسى بار بوسانۋعا كەلگەندە; بوسانۋعا كەلىپ تۇسكەنگە دەيىن 3 اپتادان اسا بىرنەشە رەت ايتۆ ينفەكتسياسىنا زەرتتەلىپ-قارالعاندار; بوسانۋعا الماسۋ كارتاسىنسىز كەلىپ تۇسكەندەر; 2) اپاتتى جاعدايلاردان زارداپ شەككەندەر (ايتۆ مارتەبەسىن جانە ينفەكتسيانىڭ بولجامدى كوزىن انىقتاۋ, قاۋىپ دارەجەسىن باعالاۋ جانە بايلانىستان كەيىن انتيرەتروۆيرۋستىق پروفيلاكتيكا تاعايىنداۋ ءۇشىن); 3) حوت (جەدەل-تەستىڭ وڭ ناتيجەسى بولعاندا). 9. ادامداردى ايتۆ ينفەكتسياسىنىڭ بولۋىنا زەرتتەپ-قاراۋ الدىندا مىندەتتى تەستكە دەيىنگى كونسۋلتاتسيا جۇرگىزىلەدى, ناتيجەسىن بەرۋ كەزىندە تەستەن كەيىنگى ايتۆ ينفەكتسياسىنىڭ پروفيلاكتيكاسى ماسەلەلەرى بويىنشا مىندەتتى كونسۋلتاتسيا جۇرگىزىلەدى. اۋماقتىق جيتس ورتالىعىنىڭ دارىگەرى زەرتتەلىپ-قارالۋشىنى ايتۆ ينفەكتسياسىنىڭ وڭ ناتيجەسى, ءوزىنىڭ جانە اينالاسىنداعى ادامداردىڭ دەنساۋلىعىن قورعاۋعا باعىتتالعان قاۋىپسىزدىك شارالارىن ساقتاۋ قاجەتتىگى تۋرالى جازباشا حابارلايدى, سونداي-اق, باسقا ادامدارعا جۇقتىرعان جاعدايدا اكىمشىلىك جانە قىلمىستىق جاۋاپكەرشىگى تۋرالى ەسكەرتەدى. 10. ادامداردى ايتۆ ينفەكتسياسىنىڭ بولۋىنا كلينيكالىق جانە ەپيدەميولوگيالىق كورسەتىلىمدەر بويىنشا زەرتتەپ-قاراۋ كەزىندە مىنالار تولتىرىلادى: زەرتتەپ-قاراۋ كودى, جەكە باسىن كۋالاندىراتىن قۇجاتقا سايكەس ادامداردىڭ جەكە دەرەكتەرى (تولىق تەگى, اتى, اكەسىنىڭ اتى (بار بولسا), تۋعان جىلى), ءۇيىنىڭ مەكەنجايى, ازاماتتىعى. 11. ايتۆ ينفەكتسياسىنا زەرتتەلىپ-قارالاتىن ادامداردان قان الۋ مەنشىك نىسانىنا جانە ۆەدومستۆولىق تيىستىلىگىنە قاراماستان مەديتسينالىق ۇيىمداردا جانە قىلمىستىق-اتقارۋ جۇيەسىنىڭ مەكەمەلەرى مەن ىشكى ىستەر بولىمشەلەرىنىڭ مەديتسينالىق بولىمدەرىندە جۇرگىزىلەدى. 12. قان ۇلگىلەرى «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاماسىنىڭ نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىسىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن نىساندار بويىنشا يفت ادىسىمەن ايتۆ-عا انتيدەنەلەردى زەرتتەۋگە جولداما ارقىلى جىبەرىلەدى: جەكە – ءبىر دانادا (№264-8/ە نىسان); تىزىممەن – ەكى دانادا (№264/ە نىسان). 3. قورىتىندى ەرەجەلەر 13. ايتۆ ينفەكتسياسىنىڭ بولۋى تۋرالى ناتيجەنى اۋماقتىق جيتس ورتالىقتارى ارقىلى جۇرگىزىلگەن زەرتتەۋلەردىڭ نەگىزىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «جيتس-ءتىڭ الدىن الۋ جانە وعان قارسى كۇرەس جونىندەگى رەسپۋبليكالىق ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى بەرەدى. 14. زەرتتەلىپ-قارالۋشى ايتۆ ينفەكتسياسىنىڭ جوقتىعى تۋرالى ناتيجەنى تەستىلەۋ ورنى بويىنشا الادى. زەرتتەلىپ-قارالۋشىنىڭ تالابى بويىنشا جەكە باسىن كۋالاندىراتىن قۇجاتىن كورسەتكەن جاعدايدا جيتس-ءتىڭ الدىن الۋ جانە وعان قارسى كۇرەس جونىندەگى ورتالىقتار «ايتۆ ينفەكتسياسى ماسەلەلەرى بويىنشا تەگىن نەگىزدە قازاقستان رەسپۋبليكاسى ازاماتتارىنىڭ جانە ورالمانداردىڭ ەرىكتى تۇردە انونيمدىك جانە (نەمەسە) قۇپيا مەديتسينالىق زەرتتەلىپ-قارالۋ جانە كونسۋلتاتسيا الۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 ساۋىردەگى № 246 بۇيرىعىمەن بەكىتىلگەن, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11145 بولىپ تىركەلگەن انىقتاما-سەرتيفيكات بەرەدى. 15. كامەلەتكە تولماعاندار مەن ارەكەتكە قابىلەتسىز ادامداردى ايتۆ ينفەكتسياسىنىڭ بولۋىنا زەرتتەپ-قاراۋ ناتيجەلەرى ولاردىڭ زاڭدى وكىلدەرىنە بەرىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11803 بولىپ ەنگىزىلدى.