قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №402 

  2015 جىلعى 28 مامىر, استانا قالاسى «دەنساۋلىق ساقتاۋ ۇيىمدارىنىڭ دارىلىك فورمۋليارلارىن ازىرلەۋ جانە كەلىسۋ ەرەجەسىن بەكىتۋ تۋرالى» قازاقستان رەسپۋبليكاسىنىڭ دەنساۋلىق ساقتاۋ ءمينيسترىنىڭ 2009 جىلعى 23 قاراشاداعى № 762 بۇيرىعىنا وزگەرىس ەنگىزۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7-بابى, 1-تارماعىنىڭ 70) تارماقشاسىنا سايكەس بۇيىرامىن: 1. «دەنساۋلىق ساقتاۋ ۇيىمدارىنىڭ دارىلىك فورمۋليارلارىن ازىرلەۋ جانە كەلىسۋ قاعيدالارىن بەكىتۋ تۋرالى» قازاقستان رەسپۋبليكاسىنىڭ دەنساۋلىق ساقتاۋ ءمينيسترىنىڭ 2009 جىلعى 23 قاراشاداعى № 762 بۇيرىعىنا (قازاقستان رەسپۋبليكاسى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5900 بولىپ تىركەلگەن, ورتالىق اتقارۋشى جانە قازاقستان رەسپۋبليكاسىنىڭ وزگە ورتالىق مەملەكەتتىك ورگاندارىنىڭ اكتىلەر جيناعىندا, 2010 جىلعى №2 جاريالانعان) مىناداي وزگەرىس ەنگىزىلسىن: وسى بۇيرىقپەن بەكىتىلگەن دەنساۋلىق ساقتاۋ ۇيىمدارىنىڭ دارىلىك فورمۋليارلارىن ازىرلەۋ جانە كەلىسۋ قاعيدالارى وسى بۇيرىققا قوسىمشاعا سايكەس جاڭا رەداكتسيادا جازىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 28 مامىرداعى №402 بۇيرىعىنا قوسىمشا قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 23 قاراشاداعى №762 بۇيرىعىمەن بەكىتىلگەن دەنساۋلىق ساقتاۋ ۇيىمدارىنىڭ دارىلىك فورمۋليارلارىن ازىرلەۋ جانە كەلىسۋ قاعيدالارى 1. جالپى ەرەجەلەر 1. وسى دەنساۋلىق ساقتاۋ ۇيىمدارىنىڭ دارىلىك فورمۋليارلارىن ازىرلەۋ جانە كەلىسۋ قاعيدالارى (بۇدان ءارى – قاعيدالار) دەنساۋلىق ساقتاۋ ۇيىمدارىنىڭ دارىلىك فورمۋليارلارىن ازىرلەۋ, بەكىتۋ جانە ولاردى كەلىسۋدىڭ بىرىڭعاي ءتارتىبىن ايقىنداۋ ماقساتىندا ازىرلەندى. 2. دەنساۋلىق ساقتاۋ ۇيىمدارىنىڭ دارىلىك فورمۋليارلارى دارىلىك زاتتارعا دەنساۋلىق ساقتاۋ ۇيىمدارىنىڭ بيۋدجەتىن جوسپارلاۋ ءۇشىن نەگىز بولىپ تابىلادى جانە جارتى جىلدا ءبىر رەتتەن كەم ەمەس مەرزىمدىك قايتا قاراۋعا جانە جاڭارتۋعا جاتادى. 3. وسى قايعدالاردا پايدالانىلاتىن نەگىزگى ۇعىمدار: 1) دارىلىك فورمۋليار – ۋاكىلەتتى ورگان ايقىندايتىن دەنساۋلىق ساقتاۋ ۇيىمىنىڭ باسشىسى بەكىتەتىن دەنساۋلىق ساقتاۋ ۇيىمىنىڭ بەيىنى ەسكەرىلگەن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ ءۇشىن قالىپتاستىرىلعان جەتكىلىكتى مولشەردەگى بار بولۋى مىندەتتى دارىلىك زاتتاردىڭ تىزبەسى; 2) قازاقستاندىق ۇلتتىق دارىلىك فورمۋليار – شەكتى باعالارى كورسەتىلە وتىرىپ, تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ ءۇشىن قالىپتاستىرىلعان جانە دەنساۋلىق ساقتاۋ ۇيىمدارىندا دارىلىك فورمۋليارلاردى ازىرلەۋ مەن بەكىتۋ ءۇشىن مىندەتتى نەگىز بولىپ تابىلاتىن, كلينيكالىق تيىمدىلىگى مەن قاۋىپسىزدىگى دالەلدەنگەن دارىلىك زاتتاردىڭ تىزبەسى; 3) فورمۋليارلىق كوميسسيا – نەگىزگى ماقساتى فورمۋليارلىق جۇيەنى ەنگىزۋ جانە قولداۋ كورسەتۋ جانە ۋاكىلەتتى ورگان قابىلداعان نورمالار مەن ستاندارتتاردىڭ نەگىزىندە ءتيىستى مەديتسينالىق ۇيىمدا (وڭىردە) دارىلىك زاتتاردى ۇتىمدى پايدالانۋ بولىپ تابىلاتىن كونسۋلتاتسيالىق-كەڭەسشى ورگان; 2. دارىلىك فورمۋليارلاردى ازىرلەۋ جانە كەلىسۋ ءتارتىبى 4. دەنساۋلىق ساقتاۋ ۇيىمدارىنىڭ جانىنان, سونىڭ ىشىندە مەديتسينالىق كومەك كورسەتەتىن جانە ۋاكىلەتتى ورگاننىڭ قاراماعىنداعى جانە وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارىنىڭ جانىنان دەنساۋلىق ساقتاۋ سالاسىندا ءتيىستى ءبىلىمى, سونداي-اق داۋىس بەرۋ قۇقىعىمەن كلينيكالىق فارماكولوگيا جانە دالەلدى مەديتسينادا بىلىكتىلىگى بار كەمىندە جەتى ماماننان تۇراتىن فورمۋليارلىق كوميسسيا قالىپتاستىرىلادى, ولار فورمۋليارلىق كوميسسيانىڭ توراعاسى بەكىتكەن جۇمىس جوسپارىنا سايكەس جۇمىس ىستەيدى. 5. فورمۋليارلىق كوميسسيانىڭ مۇشەلەرى «قازاقستان رەسپۋبليكاسى دەنساۋلىق ساقتاۋ مينيسترلىگىنىڭ فورمۋليارلىق كوميسسياسى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ م.ا. 2013 جىلعى 12 جەلتوقسانداعى № 723 بۇيرىعىمەن انىقتالعان 1 - قوسىمشاعا سايكەس (بۇدان ءارى-ەرەجە) (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9090 بولىپ تىركەلگەن) فورمۋليارلىق كوميسسيا مۇشەلەرىنىڭ (شاقىرىلعان مۇشەنىڭ) مۇددەلەردىڭ الەۋەتتى قاقتىعىسىن اشۋ جونىندەگى دەكلاراتسيانى تولتىرادى. 6. فورمۋليارلىق كوميسسيا مۇشەلەرىنىڭ بەلگىلى ءبىر كومپانياعا قاتىستى مۇددەلەردىڭ الەۋەتتى قاقتىعىسى بار بولعان كەزدە ول بۇل كومپانياعا قاتىستى ماسەلەلەردى قاراۋ كەزىندە قاراۋ, تالقىلاۋ جانە داۋىس بەرۋگە قاتىسۋ پروتسەسىنەن شەتتەتىلەدى. 7. دارىلىك فورمۋليار جانە جيىنتىق دارىلىك فورمۋليار دارىلىك زاتتاردى ىرىكتەۋدىڭ مىناداي كريتەريلەردى ەسكەرە وتىرىپ فورمۋليارلىق كوميسسيامەن ازىرلەنەدى: 1) رەسپۋبليكالىق دارىلىك فورمۋلياردا ول ازىرلەنگەنگە دەيىن قازاقستاندىق ۇلتتىق فورمۋلياردا بار بولۋى; 2) سىرقاتتانۋشىلىق بويىنشا دەرەكتەردى, سونداي-اق قازاقستان رەسپۋبليكاسىنىڭ اۋماعىندا (قازاقستاندىق ۇلتتىق دارىلىك فورمۋليار ازىرلەنگەنگە دەيىن) پايدالانىلاتىن دەنساۋلىق ساقتاۋ سالاسىنداعى قولدا بار اۆتوماتتاندىرىلعان اقپاراتتىق رەسۋرستاردان ناۋقاستاردىڭ تىركەلىمىن ەسەپكە الا وتىرىپ ۇسىنىلىپ وتىرعان دارىلىك زاتتاردى پايدالانۋدا نەگىزدەلگەن قاجەتتىلىكتىڭ بار بولۋى; 3) ۇسىنىلىپ وتىرعان دارىلىك زاتقا (قازاقستاندىق ۇلتتىق دارىلىك فورمۋليار ازىرلەنگەنگە دەيىن) دالەلدەنگەن كلينيكالىق تيىمدىلىك پەن قاۋىپسىزدىك; 4) دارىلىك فورمۋليارداعى قولدا بار انالوگپەن سالىستىرعاندا باسىمدىلىعى بولعان كەزدە دارىلىك زاتتى تاڭداۋ. اۋرۋلاردىڭ سوزىلمالى ءتۇرى بار پاتسيەنتتەردى ەمدەۋگە ارنالعان پرەپاراتتاردى اۋىستىرۋ مەديتسينالىق كورسەتىلىمدەر بويىنشا (قازاقستاندىق ۇلتتىق دارىلىك فورمۋليار ازىرلەنگەنگە دەيىن) جۇزەگە اسىرىلادى. . 8. دارىلىك فورمۋلياردى وبلىستاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارىمەن كەلىسىم بويىنشا مەديتسينالىق ۇيىمنىڭ ءبىرىنشى باسشىسى بەكىتەدى. 9. ءوڭىردىڭ جيىنتىق دارىلىك فورمۋليارىن ءوڭىردىڭ مەديتسينالىق دەنساۋلىق ساقتاۋ ۇيىمدارىنىڭ دارىلىك فورمۋليارىنىڭ نەگىزىندە ءتيىستى وڭىرگە تەگىن مەديتسينالىق كومەكتىڭ كەپىلدىك بەرىلگەن كومەگىن كورسەتۋ ءۇشىن وبلىس­تاردىڭ, استانا جانە الماتى قالالارىنىڭ دەنساۋلىق ساقتاۋ باسقارمالارىنىڭ فورمۋليارلىق كوميسسياسى ازىرلەيدى. 10. ۋاكىلەتتى ورعاننىڭ قاراماعىنداعى جانە مەديتسينالىق كومەك كورسەتەتىن دەنساۋلىق ساقتاۋ ۇيىمىنىڭ دارىلىك فورمۋليارىن ءبىرىنشى باسشى جانە ۋاكىلەتتى ورگاننىڭ كەلىسىمى بويىنشا بەكىتەدى. دارىلىك فورمۋليار ۋاكىلەتتى ورگانعا كەلەسى قارجى جىلىنىڭ الدىڭعى جىلعى 25 جەلتوقساننان كەشىكتىرىلمەي ەكى دانادا قاعاز جانە ەلەكتروندىق جەتكىزگىشتەردە ۇسىنىلادى. 11. دارىلىك فورمۋليارلارعا جانە جيىنتىق دارىلىك فورمۋليارلارعا دارىلىك پرەپاراتتى قوسۋ, الىپ تاستاۋ, اۋىستىرۋ (قازاقستاندىق ۇلتتىق دارىلىك فورمۋليار ازىرلەنگەنگە دەيىن) ەرەجەدەگى 2-قوسىمشاعا سايكەس نىسان بويىنشا ۇسىنىلعان دارىلىك فورمۋليارلارعا نەمەسە ءوڭىردىڭ جيىنتىق دارىلىك فورمۋليارلارىنا وزگەرىستەر مەن تولىقتىرۋلاردى قوسۋ (الىپ تاستاۋ) نەگىزدەمەگە سايكەس جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11463 بولىپ ەنگىزىلدى.