قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №399

  2015 جىلعى 27 مامىر , استانا قالاسى ۇيىمداعى ەڭبەك قاۋىپسىزدىگى جانە ەڭبەكتى قورعاۋ قىزمەتى تۋرالى ۇلگىلىك ەرەجەنى بەكىتۋ تۋرالى قازاقستان رەسپۋبليكاسىنىڭ 2007 جىلعى 15 مامىرداعى ەڭبەك كودەكسىنىڭ 16-بابى 32) تارماقشاسىنا جانە 339-بابى 2-تارماعىنا سايكەس بۇيىرامىن: 1. قوسا بەرىلىپ وتىرعان ۇيىمداعى ەڭبەك قاۋىپسىزدىگى جانە ەڭبەكتى قورعاۋ قىزمەتى تۋرالى ۇلگىلىك ەرەجە بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگىلەنگەن تارتىپتە: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» قازاقستان رەسپۋبليكاسى نورماتيۆتىك-قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-مينيسترi د.ر. ارعىندىقوۆقا جۇكتەلسiن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 27 مامىرداعى №399 بۇيرىعىمەن بەكىتىلگەن ۇيىمداعى ەڭبەك قاۋىپسىزدىگى جانە ەڭبەكتى قورعاۋ قىزمەتى تۋرالى ۇلگىلىك ەرەجە 1. جالپى ەرەجەلەر 1. ۇيىمداعى ەڭبەك قاۋىپسىزدىگى جانە ەڭبەكتى قورعاۋ قىزمەتى تۋرالى ۇلگىلىك ەرەجە (بۇدان ءارى – ۇلگىلىك ەرەجە) قازاقستان رەسپۋبليكاسىنىڭ 2007 جىلعى 15 مامىرداعى ەڭبەك كودەكسىنىڭ 16-بابىنىڭ 32) تارماقشاسىنا جانە 339-بابىنىڭ 2-تارماعىنا (بۇدان ءارى – كودەكس) سايكەس ازىرلەندى جانە قىزمەتكەرلەرىنىڭ سانى ەلۋدەن اساتىن وندىرىستىك قىزمەتتى جۇزەگە اسىراتىن ۇيىمدارداعى (بۇدان ءارى – ۇيىم) ەڭبەك قاۋىپسىزدىگى جانە ەڭبەكتى قورعاۋ قىزمەتىنىڭ (بۇدان ءارى – قىزمەت) جۇمىسىن رەگلامەنتتەيدى. 2. قىزمەت ءوز جۇمىسىندا مەملەكەتتىك ەڭبەك ينسپەكتسياسىمەن, باسقا دا مەملەكەتتىك قاداعالاۋ جانە باقىلاۋ ورگاندارىمەن, ۇيىمنىڭ قۇرىلىمدىق بولىمشەلەرىمەن جانە ماماندارىمەن, قىزمەتكەرلەردىڭ وكىلدەرىمەن, سونداي-اق ۇيىمنىڭ ەڭبەكتى قورعاۋ جونىندەگى قوعامدىق ينسپەكتورلارىمەن ءوزارا ءىس-قيمىل جاسايدى. 2. قىزمەتتىڭ نەگىزگى مىندەتتەرى 3. قىزمەتتىڭ نەگىزگى مىندەتتەرى: 1) ەڭبەك قاۋىپسىزدىگى جانە ەڭبەكتى قورعاۋ بويىنشا ۇيىمداستىرۋشىلىق-تەحنيكالىق ءىس-شارالار جۇرگىزۋ; 2) ۇيىمنىڭ قۇرىلىمدىق بولىمشەلەرىندە ەڭبەك قاۋىپسىزدىگى جانە ەڭبەكتى قورعاۋ جونىندەگى جۇمىستى ۇيىمداستىرۋ جانە ۇيلەستىرۋ, ەڭبەك قاۋىپسىزدىگى جانە ەڭبەكتى قورعاۋدا, قىزمەتكەرلەردىڭ ەڭبەك قاۋىپسىزدىگى جانە ەڭبەكتى قورعاۋ جونىندەگى نورماتيۆتىك قۇقىقتىق اكتىلەردىڭ تالاپتارىن ورىنداۋىن ىشكى باقىلاۋدى جۇزەگە اسىرۋ بولىپ تابىلادى. 3. قىزمەتتىڭ قۇقىقتارى مەن مىندەتتەرى 4. كودەكستىڭ 339-بابى 4-تارماعىنا سايكەس قىزمەت: 1) وندىرىستىك, تۇرمىستىق جانە باسقا دا ءۇي-جايلارعا كەدەرگىسىز كىرەدى جانە تەكسەرىپ قارايدى; 2) ۇيىمنىڭ قۇرىلىمدىق بولىمشەلەرىندە قاۋىپسىز جانە سالاۋاتتى ەڭبەك جاعدايلارىن جاساۋ, وندىرىستىك جاراقاتتانۋ جانە كاسىپتىك اۋرۋلاردىڭ الدىن الۋ جونىندەگى پروفيلاكتيكالىق ءىس-شارالاردىڭ ازىرلەنۋىن جانە ورىندالۋىن باقىلاۋدى جۇزەگە اسىرادى; 3) وسى ۇلگىلىك ەرەجەگە قوسىمشاعا سايكەس نىسان بويىنشا ۇيىمنىڭ قۇرىلىمدىق بولىمشەلەرىنىڭ قىزمەتكەرلەرىنە انىقتالعان ەڭبەك قاۋىپسىزدىگى جانە ەڭبەكتى قورعاۋ تالاپتارىن بۇزۋشىلىقتاردى جويۋ جونىندە شارالار قابىلداۋ تۋرالى ورىندالۋى مىندەتتى نۇسقاۋلار بەرەدى. 5. كودەكستىڭ 339-بابى 5-تارماعىنا سايكەس قىزمەت: 1) اي سايىن ۇيىمدا وندىرىستىك جاراقاتتانۋ مەن كاسىپتىك اۋرۋلاردىڭ جاي-كۇيى مەن سەبەپتەرىنە تالداۋ جۇرگىزەدى جانە ولاردىڭ الدىن الۋ جونىندە ءىس-شارالاردى ازىرلەيدى; 2) ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا ۇيىمنىڭ قىزمەتكەرلەرىن وقىتۋدى, ولاردىڭ ءبىلىمىن تەكسەرۋدى ۇيىمداستىرادى; 3) ۇيىمدا وندىرىستەگى جازاتايىم وقيعالاردى تەرگەپ-تەكسەرۋ تارتىبىنىڭ ساقتالۋىن قامتاماسىز ەتەدى. 4. قىزمەتتى ۇيىمداستىرۋ 6. كودەكستىڭ 339-بابىنا سايكەس ەڭبەك قاۋىپسىزدىگى جانە ەڭبەكتى قورعاۋ قىزمەتى ۇيىمنىڭ تىكەلەي ءبىرىنشى باسشىسىنا نەمەسە ولار ۋاكىلەتتىك بەرگەن ادامعا باعىنادى. قىزمەتتى ۇيىمنىڭ ءبىرىنشى باسشىسى تاعايىندايتىن ونىڭ باسشىسى باسقارادى. 7. ءوندىرىستىڭ ەرەكشەلىگىن, قىزمەتكەرلەر سانىن, ەڭبەك جاعدايىن, ءوندىرىس زياندىلىعىن جانە باسقا دا فاكتورلاردى ەسكەرە وتىرىپ, وسى ۇلگىلىك ەرەجە نەگىزىندە جۇمىس بەرۋشى ءتيىستى ۇيىمنىڭ ەڭبەك قاۋىپسىزدىگى جانە ەڭبەكتى قورعاۋ ەرەجەسىن ازىرلەيدى جانە بەكىتەدى, كودەكسكە سايكەس ونىڭ قۇرىلىمىن, سانىن, نەگىزگى مىندەتتەرىن, مامانداردىڭ فۋنكتسيالارىن جانە قۇقىعىن ايقىندايدى. 5. قىزمەتتىڭ فۋنكتسيالارى 8. قىزمەتتىڭ باسشىسى ۇيىمنىڭ باسقا دا بولىمشەلەرىمەن بىرگە وندىرىستەگى جازاتايىم وقيعالاردى تەرگەپ-تەكسەرۋ جونىندەگى كوميسسيا مۇشەسى بولادى جانە جازاتايىم وقيعا تۋرالى اكتىگە قول قويادى. 9. قىزمەتتىڭ نەگىزگى مىندەتتەرىنە سايكەس مىناداي فۋنكتسيالاردى ورىندايدى: 1) ۇيىمنىڭ قۇرىلىمدىق بولىمشەلەرىنەن قىزمەتتىڭ قۇزىرىنا جاتاتىن ماسەلەلەر جونىندەگى اقپاراتتى جانە ماتەريالداردى بەلگىلەنگەن تارتىپپەن سۇراتادى جانە الادى; 2) ۇيىمدا ەڭبەك قاۋىپسىزدىگى جاعدايىنىڭ جاي-كۇيىن باقىلايدى, ەڭبەكتى قورعاۋدى باسقارۋ جۇيەسىن ازىرلەۋدى, ەنگىزۋدى جانە ونىڭ ءتيىمدى جۇمىس ىستەۋىن قامتاماسىز ەتەدى; 3) ۇيىم باسشىلىعىنا سالاۋاتتى جانە قاۋىپسىز ەڭبەك جاعدايلارىن جاساۋ بويىنشا جۇمىستىڭ ۇيىمداستىرىلۋىن جاقسارتۋ جونىندە ۇسىنىستار ازىرلەيدى جانە ەنگىزەدى; 4) ەڭبەك قاۋiپسiزدiگi جانە ەڭبەكتi قورعاۋ ماسەلەلەرi بويىنشا وقىتۋ باعدارلامالارىن جانە قىزمەتكەرلەردiڭ وقىتۋعا قاتىسۋىن كەلىسەدى; 5) ەڭبەك قاۋىپسىزدىگى مەن ەڭبەكتى قورعاۋ ماسەلەلەرىن تالقىلاۋ كەزىندە ۇيىمدىق شارت جاساسۋ جونىندەگى كەلىسسوزدەرگە قاتىسادى; 6) قابىلداۋ كوميسسياسىنىڭ وندىرىستىك ماقساتتاعى سالىنعان وبەكتىنى پايدالانۋعا قابىلداپ الۋ جونىندەگى جۇمىسىنا قاتىسادى; 7) ەڭبەك قاۋىپسىزدىگى مەن ەڭبەكتى قورعاۋ جونىندەگى نورماتيۆتىك-تەحنيكالىق قۇجاتتارىمەن قامتاماسىز ەتۋ, ەڭبەك قاۋىپسىزدىگى مەن ەڭبەكتى قورعاۋ كابينەتتەرىن قاجەتتى وقۋ قۇرالدارىمەن, ماكەتتەرمەن, انىقتامالىق ادەبيەتپەن, پلاكاتتارمەن, تەحنيكالىق قۇرالدارمەن جابدىقتاۋ جونىندە شارالار قابىلدايدى; 8) كاسىپورىن باسشىسىنىڭ تاپسىرماسى بويىنشا قىزمەتتىڭ قۇزىرىنا جاتاتىن ماسەلەلەر جونىندەگى قىزمەتكەرلەردىڭ حاتتارىن, وتىنىشتەرىن جانە شاعىمدارىن قارايدى; 9) وندىرىستە كاسىپتىك اۋرۋلار مەن جازاتايىم وقيعالاردىڭ الدىن-الۋ جونىندەگى ءىس-شارالاردى, سونداي-اق مۇگەدەكتەرگە ارنالعان وڭالتۋ ءىس-شارالارىن ازىرلەۋگە قاتىسادى; 10) قۇرىلىمداردىڭ ەڭبەك قاۋىپسىزدىگى مەن ەڭبەكتى قورعاۋ جونىندەگى جۇمىسىنا ادىستەمەلىك كومەك كورسەتەدى; 11) مىنالاردىڭ: مەملەكەتتىك ەڭبەك ينسپەكتسياسىنىڭ جانە وزگە دە مەملەكەتتىك قاداعالاۋ جانە باقىلاۋ ورگاندارىنىڭ ەڭبەك قاۋىپسىزدىگى مەن ەڭبەكتى قورعاۋ بولىگىندەگى شەشىمدەرىنىڭ ورىندالۋىن; ەڭبەك قاۋىپسىزدىگى مەن ەڭبەكتى قورعاۋ جونىندەگى قاعيدالاردىڭ, نورمالاردىڭ, ستاندارتتاردىڭ ەنگىزىلۋىن; ەڭبەك قاۋىپسىزدىگى مەن ەڭبەكتى قورعاۋ ماسەلەلەرى جونىندەگى ۇيىمنىڭ بۇيرىقتارى مەن وكىمدەرىنىڭ ورىندالۋىن; ەڭبەك قاۋىپسىزدىگى مەن ەڭبەكتى قورعاۋ كابينەتتەرى جۇمىسىنىڭ ۇيىمداستىرىلۋىن جانە جۇمىستىڭ وزىق تاجىريبەسىنىڭ ەنگىزىلۋىن; ارنايى كيىم, ارنايى اياق كيىم جانە باسقا دا جەكە قورعانۋ قۇرالدارىن ساتىپ الۋدىڭ, ساقتاۋدىڭ, جۋدىڭ, حيميالىق تازالاۋدىڭ, كەپتىرۋدىڭ, شاڭنان ارىلتۋدىڭ, زيانسىزداندىرۋ مەن جوندەۋدىڭ ۇيىمداستىرىلۋىن جانە قىزمەتكەرلەردىڭ ۇجىمدىق قورعانۋ قۇرالدارىمەن قامتاماسىز ەتىلۋىن; ءتيىستى قىزمەتتەردىڭ قۇرال-جابدىقتاردى, ماشينالار مەن مەحانيزمدەردى قاجەتتى سىناقتاردان جانە تەحنيكالىق كۋالاندىرۋلاردان ۋاقتىلى وتكىزىلۋىن, قاۋىپتى جانە زياندى وندىرىستىك فاكتورلاردىڭ پارامەترلەرىن ولشەۋ كەستەلەرىنىڭ ساقتالۋىن; ەڭبەك قاۋىپسىزدىگى مەن ەڭبەكتى قورعاۋ جونىندەگى قولدانىستاعى نورمالاردىڭ, قاعيدالار مەن نۇسقاۋلىقتاردىڭ, ءوندىرىس پروتسەسىندە, سونداي-اق جاڭا رەكونسترۋكتسيالانعان وندىرىستىك وبەكتىلەردىڭ جوبالارىندا ەڭبەك قاۋىپسىزدىگىنىڭ ساقتالۋىن ىشكى باقىلاۋدى جۇزەگە اسىرادى; 12) جۇمىس بەرۋشىنىڭ كەلىسىمى بويىنشا (نە ونىڭ رۇقساتى بويىنشا) مەملەكەتتىك ەڭبەك ينسپەكتسياسىنا اقپاراتتى, مالىمەتتەردى, بەكىتىلگەن ەسەپتەر نەمەسە وزگە دە قۇجاتتاردى قاعاز جانە ەلەكتروندى جەتكىزگىشتەردە نە ولاردىڭ مىندەتتەرىنە سايكەس كوشىرمەلەرىن ۇسىنادى; 13) ۇيىمنىڭ بولىمشەلەرىنە ەڭبەك جاعدايلارى زياندى جانە اۋىر جۇمىستاردا ىستەيتىن قىزمەتكەرلەردى كەزەكتى مەديتسينالىق تەكسەرىپ-قاراۋدى جانە تەكسەرۋگە جاتاتىن ادامداردىڭ اتى-ءجونى بويىنشا ءتىزىمىن قۇراستىرۋدا ادىستەمەلىك كومەك كورسەتەدى; 14) كودەكستىڭ 320-1- بابىنا سايكەس باسقا قىزمەتتەرمەن بىرلەسىپ, ەڭبەك جاعدايلارى بويىنشا وندىرىستىك وبەكتىلەردى اتتەستاتتاۋدان وتكىزۋدى ۇيىمداستىرادى. ۇيىمداعى ەڭبەك قاۋىپسىزدىگى مەن ەڭبەكتى قورعاۋ قىزمەتى تۋرالى ۇلگىلىك ەرەجەگە قوسىمشا نىسان كىمگە ___________________________________ (تەگى, اتى, اكەسىنىڭ اتى (بار بولسا), لاۋازىمى) _______________________________________ (بولىمشەنىڭ اتاۋى) ەڭبەك قاۋىپسىزدىگى مەن ەڭبەكتى قورعاۋ بويىنشا انىقتالعان بۇزۋشىلىقتاردى جويۋ جونىندە شارالار قابىلداۋ تۋرالى نۇسقاۋلار 20 ____جىلعى «___» ________ № _____ قازاقستان رەسپۋبليكاسى ەڭبەك كودەكسىنىڭ 339-بابى 4-تارماعىنىڭ 3) تارماقشاسىنا سايكەس ەڭبەك قاۋىپسىزدىگى مەن ەڭبەكتى قورعاۋ تالاپتارىنىڭ مىناداي بۇزۋشىلىقتارىن جويۋدى تالاپ ەتەمىن: ر/س № انىقتالعان بۇزۋشىلىقتار مەن ولاردى جويۋ جونىندەگى تالاپتار ورىنداۋ مەرزىمى ەسكەرتپەلەر 1 2 3 4 نۇسقاۋلاردى ورىنداۋ تۋرالى جازباشا حاباردى وندا كورسەتىلگەن مەرزىمدەردە ەڭبەك قاۋىپسىزدىگى مەن ەڭبەكتى قورعاۋ قىزمەتىنە ۇسىنسىن. ەڭبەك قاۋىپسىزدىگى جانە ەڭبەكتى قورعاۋقىزمەتىنىڭ باسشىسى (ينجەنەر): ____________ ____________________________ (قولى) (تەگى, اتى, اكەسىنىڭ اتى (بار بولسا) نۇسقاۋدى الدىم: ____________ _____________________________ (قولى) (تەگى, اتى, اكەسىنىڭ اتى (بار بولسا) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11443 بولىپ ەنگىزىلدى.