قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №369 

1. قازاقستاندىق ۇلتتىق دارىلىك فورمۋلياردى ازىرلەۋ جانە بەكىتۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى زاڭنامامەن بەلگىلەنگەن تارتىپتە: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن 10 كۇن جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ ۇسىنىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 22 مامىرداعى №369 بۇيرىعىمەن بەكىتىلگەن قازاقستاندىق ۇلتتىق دارىلىك فورمۋلياردى ازىرلەۋ جانە بەكىتۋ قاعيدالارى 1. جالپى ەرەجەلەر 1. وسى قازاقستاندىق ۇلتتىق دارىلىك فورمۋلياردى ازىرلەۋ جانە بەكىتۋ قاعيدالارى (بۇدان ءارى – قاعيدالار) قازاقستاندىق ۇلتتىق دارىلىك فورمۋلياردى ازىرلەۋدىڭ, بەكىتۋدىڭ جانە ەنگىزۋدىڭ بىرىڭعاي ءتارتىبىن ايقىنداۋ ماقساتىندا ازىرلەندى. 2. وسى قاعيدالاردا پايدالانىلاتىن نەگىزگى ۇعىمدار: 1) دارىلىك پرەپاراتتىڭ دالەلدەنگەن كلينيكالىق تيىمدىلىگى - كوكران دوستاستىعىنىڭ جانە (نەمەسە) اقش ۇلتتىق مەديتسينالىق كىتاپحاناسىنىڭ دەرەكقورلارىندا ۇسىنىلعان, بريتان ۇلتتىق فورمۋليارىندا جانە حالىقارالىق كلينيكالىق نۇسقاۋلاردا, ونىڭ ىشىندە ۇلىبريتانيانىڭ ۇلتتىق دەنساۋلىق جانە كلينيكالىق جەتىلدىرۋ ينستيتۋتىنىڭ كلينيكالىق نۇسقاۋلارىندا بار مەتا-تالداۋلاردا جانە (نەمەسە) جۇيەلى شولۋلاردا جانە (نەمەسە) راندوميزيرلەنگەن باقىلاناتىن كلينيكالىق زەرتتەۋلەردە دالەلدەنگەن تەراپيالىق ماقساتتارداعى فارماكولوگيالىق اسەر; 2) دارىلىك زاتتاردى وڭتايلى پايدالانۋ – دارىلىك زاتتاردى كلينيكالىق كورسەتىلىمدەرگە سايكەس, پاتسيەنتتىڭ جەكە قاجەتتىلىكتەرىنە سايكەس كەلەتىن دوزالاردا, بارابار ۋاقىت كەزەڭى ىشىندە جانە ناۋقاس ءۇشىن ەڭ تومەن باعا بويىنشا پايدالانۋ; 3) قازاقستاندىق ۇلتتىق دارىلىك فورمۋليار (بۇدان ءارى – قۇف) - شەكتى باعالارى كورسەتىلە وتىرىپ, تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ ءۇشىن قالىپتاستىرىلعان جانە دەنساۋلىق ساقتاۋ ۇيىمدارىندا دارىلىك فورمۋليارلاردى ازىرلەۋ مەن بەكىتۋ ءۇشىن مىندەتتى نەگىز بولىپ تابىلاتىن, كلينيكالىق تيىمدىلىگى مەن قاۋىپسىزدىگى دالەلدەنگەن دارىلىك زاتتاردىڭ تىزبەسى; 4) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ فورمۋليارلىق كوميسسياسى (بۇدان ءارى – فورمۋليارلىق كوميسسيا) - قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ (بۇدان ءارى – مينيسترلىك) كونسۋلتاتسيالىق-كەڭەسشى جانە ساراپتاما ورگانى . 2. قۇف ازىرلەۋ جانە بەكىتۋ ءتارتىبى 3. فورمۋليارلىق كوميسسيا مۇشەلەرىنەن قۇف ازىرلەۋ جونىندەگى جۇمىس توبى قالىپتاستىرىلادى. قاجەت بولعان كەزدە بەيىنى بويىنشا ماماندار تارتىلادى. 4. قۇف دارىلىك زاتتاردىڭ فارماكولوگيالىق-تەراپيالىق جانە (نەمەسە) اناتوميالىق-تەراپيالىق جىكتەمەسى نەگىزىندە ازىرلەنەدى. 5. قۇف قالىپتاستىرۋ ءۇشىن دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ مەملەكەتتىك ءتىزىلىمى (بۇدان ءارى – مەملەكەتتىك ءتىزىلىم) پايدالانىلادى. 6. ءاربىر دارىلىك زات مەملەكەتتىك ءتىزىلىمنىڭ حالىقارالىق پاتەنتتەلمەگەن اتاۋى بويىنشا بريتاندىق ۇلتتىق دارىلىك فورمۋلياردا (بۇدان ءارى - بۇف) بار بولۋىمەن سالىستىرىلادى. دارىلىك زات بۇف-تا بولعان كەزدە ول قۇف-قا ەنگىزىلەدى. دارىلىك زات بۇف-تا بولماعان كەزدە دارىلىك پرەپاراتتىڭ دالەلدەنگەن كلينيكالىق تيىمدىلىگىنىڭ بار بولۋىنا جۇيەلى ىزدەۋ جۇرگىزىلەدى. دالەلدەنگەن كلينيكالىق تيىمدىلىگى بولعان كەزدە دارىلىك پرەپارات قۇف-قا ەنگىزىلەدى. 7. دارىلىك زات قۇف-قا قازاقستان رەسپۋبليكاسىنىڭ اۋماعىندا تىركەلگەن ءاربىر ساۋدالىق اتاۋى كورسەتىلە وتىرىپ حالىقارالىق پاتەنتتەلمەگەن اتاۋىمەن ەنگىزىلەدى. 8. دارىلىك زاتتىڭ ءاربىر حالىقارالىق پاتەنتتەلمەگەن اتاۋىنا قولدانۋعا ارنالعان كورسەتىلىمدەرى مەن دوزالانۋى, قارسى كورسەتىلىمدەرى, ەرەكشە نۇسقاۋلارى, دارىلىك ءوزارا ارەكەتتەسۋى, جاناما اسەرلەرى, قازاقستان رەسپۋبليكاسىنىڭ اۋماعىندا تىركەلگەن ساۋدالىق اتاۋلارى, «تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتاردىڭ, مەديتسينالىق ماقساتتاعى بۇيىمداردىڭ باعالارىنا مونيتورينگ ۇيىمداستىرۋ مەن جۇزەگە اسىرۋ, سونداي-اق ولاردى قالىپتاستىرۋ قاعيداسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2013 جىلعى 12 ساۋىردەگى № 223 بۇيرىعىنا سايكەس شەكتى باعالارى كورسەتىلە وتىرىپ, فورمۋليارلىق باپ قالىپتاستىرىلادى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8467 بولىپ تىركەلگەن). بۇف-تا جوق قۇف دارىلىك زاتتارىنىڭ بارلىق كورسەتىلىمدەرىنە وسى قاعيدالارعا قوسىمشاعا سايكەس وكسفورد دالەلدى مەديتسينا ورتالىعىنىڭ ۇسىنىمدارىنداعى دالەلدەر گراداتسياسى نەگىزىندە سەنىمدىلىك دەڭگەيى كورسەتىلەدى. قارسى كورسەتىلىمدەر رەتىندە دالەلدى مەديتسينا دەرەكقورلارىندا بار دارىلىك زاتتىڭ بارلىق مالىمەتتەرى كەلتىرىلەدى. ەرەكشە نۇسقاۋلار تۇجىرىمدامالاردىڭ مىنداي نۇسقالارىندا كەلتىرىلەدى: «ستاندارتتى ەمەس جاعدايدا قولدانۋعا رۇقسات بەرەتىن نۇسقالار تىزبەسىن كورسەتە وتىرىپ, «مىنداي پروبلەمالار بولعان كەزدە پرەپاراتتى ەرەكشە جاعدايلاردى قوسپاعاندا قولدانۋعا بولمايدى»; قالاۋسىز جاناما اسەرلەردىڭ تۋىنداۋ قاۋپى دارەجەسىن ارتتىراتىن جاعدايلار تىزبەسىن كورسەتە وتىرىپ, «مىنداي پروبلەمالار بولعان كەزدە قاۋىپ پەن پايدانى سالىستىرۋ قاجەت»; «جۇكتىلىك جانە ەمشەك سۇتىمەن قورەكتەندىرۋ جاعدايىندا قولدانۋعا قويىلاتىن شەكتەۋلەر». دارىلىك ءوزارا ارەكەتتەسۋ رەتىندە دالەلدى مەديتسينانىڭ دەرەكقورلارىنداعى دارىلىك زاتقا قاتىسى بار بارلىق مالىمەتتەر كەلتىرىلەدى. جاناما اسەرلەر رەتىندە تىركەلگەن جانە دالەلدى مەديتسينانىڭ دەرەكقورلارىندا بار بارلىق جاناما اسەرلەر كورسەتىلەدى. بەلگىلەنگەن تارتىپتە قالىپتاستىرىلعان شەكتى باعاسى كورسەتىلگەن, قۇف-تى قالىپتاستىرۋ كەزەڭىنە بارلىق تىركەلگەن ساۋدالىق اتاۋلارى كورسەتىلەدى. 9. بۇف جوباسىن فورمۋليارلىق كوميسسيا قارايدى جانە كەلىسەدى. فورمۋليارلىق كوميسسيا وتىرىسىنىڭ شەشىمدەرى حاتتامامەن رەسىمدەلەدى, ونىڭ نەگىزىندە قۇف قول قويۋعا جىبەرىلەدى. قازاقستاندىق ۇلتتىق دارىلىك فورمۋلياردى ازىرلەۋ جانە بەكىتۋ قاعيدالارىنا قوسىمشا وكسفورد دالەلدى مەديتسينا ورتالىعىنىڭ ۇسىنىمدارىنداعى دالەلدەر گراداتسياسى گراداتسيا سيپاتتاما ا مەتا-تالداۋ جانە جۇيەلى شولۋ, بارىنشا كوپ راندوميزيرلەنگەن كلينيكالىق باقىلاناتىن كلينيكالىق زەرتتەۋلەر ۆ راندوميزيرلەنگەن باقىلاناتىن كلينيكالىق زەرتتەۋلەر, بارىنشا كوپ ساپالى پروسپەكتيۆتى سالىستىرۋلار س جاقسى ورىندالعان كلينيكالىق ەكسپەريمەنتتىك ەمەس زەرتتەۋلەر: سالىستىرمالى, كوررەلياتسيالىق نەمەسە « جاعداي - باقىلاۋ» D كونسەنسۋس قورىتىندىسى, ساراپتامالىق پىكىر نە تانىلعان بەدەلدىڭ كلينيكالىق تاجىريبەسى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 24 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11429 بولىپ ەنگىزىلدى.