قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №304

  2015 جىلعى 30 ءساۋىر, استانا قالاسى دەنساۋلىق ساقتاۋ ۇيىمدارىندا اقىلى قىزمەتتەر كورسەتۋ قاعيدالارى مەن شارتتارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابى 1-تارماعىنىڭ 87) تارماقشاسىنا سايكەس بۇيىرامىن: 1. قوسا بەرىلىپ وتىرعان دەنساۋلىق ساقتاۋ ۇيىمدارىندا اقىلى قىزمەتتەر كورسەتۋ قاعيدالارى مەن شارتتارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ قارجى دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسمي ينتەرنەت-رەسۋرسىندا جاريالاۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق ونى العاش رەسمي جاريالاعان كۇنىنەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 ساۋىردەگى №304 بۇيرىعىمەن بەكىتىلگەن دەنساۋلىق ساقتاۋ ۇيىمدارىندا اقىلى قىزمەتتەر كورسەتۋ قاعيدالارى مەن شارتتارى 1. جالپى ەرەجەلەر 1. وسى دەنساۋلىق ساقتاۋ ۇيىمدارىندا اقىلى قىزمەتتەر كورسەتۋ قاعيدالارى مەن شارتتارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسىنە سايكەس ازىرلەندى جانە دەنساۋلىق ساقتاۋ ۇيىمدارىندا اقىلى قىزمەتتەر كورسەتۋ ءتارتىبى مەن شارتتارىن ايقىندايدى. 2. اقىلى مەديتسينالىق قىزمەتتەر مەديتسينالىق قىزمەتتەردى تۇتىنۋشىلار بولىپ تابىلاتىن جەكە تۇلعالارعا (بۇدان ءارى – پاتسيەنتتەر) كورسەتىلەدى. 3. وسى قاعيدالاردا مىناداي ۇعىمدار پايدالانىلادى: اقىلى بولىمشەلەر (پالاتالار) – دەنساۋلىق ساقتاۋ ۇيىمدارىندا اقىلى نەگىزدە تمككك-گە كىرمەيتىن مەديتسينالىق قىزمەتتەردى كورسەتۋگە ارنالعان بولىمشەلەر (پالاتالار); اقىلى قىزمەتتەر – تمككك-گە كىرمەيتىن, پاتسيەنتتەردىڭ جەكە قاراجاتى, جۇمىس بەرۋشىنىڭ, ەرىكتى مەديتسينالىق ساقتاندىرۋ جۇيەسىنىڭ قاراجاتى ەسەبىنەن, قازاقستان رەسپۋبليكاسىنىڭ زاڭناماسىندا تىيىم سالىنباعان باسقا دا كوزدەردەن اقى تولەنەتىن قىزمەتتەر; دەنساۋلىق ساقتاۋ ۇيىمى – دەنساۋلىق ساقتاۋ سالاسىنداعى قىزمەتتى جۇزەگە اسىراتىن زاڭدى تۇلعا; تەگىن مەديتسينالىق كومەكتىڭ كەپىلدىك بەرىلگەن كولەمى (بۇدان ءارى – تمككك) قازاقستان رەسپۋبليكاسىنىڭ ازاماتتارىنا جانە ورالماندارعا كورسەتىلەتىن مەديتسينالىق قىزمەتتەردىڭ تىزبەسى بويىنشا قازاقستان رەسپۋبليكاسىنىڭ ۇكىمەتى ايقىندايتىن مەديتسينالىق كومەكتىڭ بىرىڭعاي كولەمى. 2. اقىلى قىزمەتتەر كورسەتۋ ءتارتىبى 4. اقىلى مەديتسينالىق قىزمەتتەردى مەملەكەتتىك جانە جەكە مەنشىك مەديتسينا ۇيىمدارى اۋرۋدىڭ بەيىنى مەن مەديتسينالىق قىزمەتپەن اينالىسۋعا مەملەكەتتىك ليتسەنزياسى سايكەس كەلگەن كەزدە كورسەتەدى. 5. اقىلى قىزمەتتەردىڭ تۇرلەرى جانە ولاردىڭ باعا پرەيسكۋرانتى مەديتسينا ۇيىمدارىنداعى كورنەكى اقپارات ارقىلى حالىقتىڭ نازارىنا جەتكىزىلەدى. 6. ازاماتتارعا اقىلى قىزمەتتەر كورسەتۋ كەزىندە ەسەپ جانە ەسەپتىلىك قۇجاتتاماسىن جۇرگىزۋ قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» 2010 جىلعى 23 قاراشاداعى № 907 بۇيرىعىمەن (قازاقستان رەسپۋبليكاسى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 56272 بولىپ تىركەلگەن) بەكىتىلگەن نىساندار بويىنشا جۇزەگە اسىرىلادى. 7. دەنساۋلىق ساقتاۋ ۇيىمدارى اقىلى نەگىزدە مەديتسينالىق كومەك العان پاتسيەنتتەرگە: 1) امبۋلاتوريالىق-ەمحانالىق كومەك كورسەتكەن كەزدە ءتيىستى مەديتسينا قىزمەتكەرلەرىنىڭ قورىتىندىسىن; 2) ستاتسيونارلىق, ستاتسيوناردى الماستىراتىن كومەك كورسەتۋ, قالپىنا كەلتىرۋ ەمى جانە مەديتسينالىق وڭالتۋ كەزىندە اۋرۋ تاريحىنان ءۇزىندى كوشىرمە; 3) كورسەتىلگەن مەديتسينالىق كومەككە جۇمسالعان شىعىستار تۋرالى اقپارات ۇسىنادى. 8. اقىلى مەديتسينالىق قىزمەتتەر دەنساۋلىق ساقتاۋ ۇيىمدارىندا اقىلى قىزمەتتەر كورسەتۋگە ارنالعان شارت نەگىزىندە كورسەتىلەدى. 9. مەملەكەتتىك دەنساۋلىق ساقتاۋ ۇيىمدارىندا اقىلى قىزمەتتەردىڭ باعالارى مەديتسينالىق, سەرۆيستىك قىزمەتتەر كورسەتۋگە بايلانىستى بارلىق شىعىندار جانە وزگە دە قوسىمشا شىعىستار ەسكەرىلە وتىرىپ ايقىندالادى جانە جارتى جىلدا ءبىر رەتتەن ارتىق قايتا قارالمايدى. اقىلى قىزمەتتەرگە باعا تمككك ارنالعان بيۋدجەتتىك باعدارلامالار اكىمشىسى بەلگىلەيتىن ۇقساس مەديتسينالىق قىزمەت تاريفىنەن تومەن بەلگىلەنبەيدى. 3. اقىلى قىزمەتتەر كورسەتۋ شارتتارى 10. دەنساۋلىق ساقتاۋ ۇيىمدارى اقىلى قىزمەتتەر كورسەتۋدى مىناداي جاعدايلاردا: پاتسيەنتتەردىڭ باستاماسى بويىنشا, ونىڭ ىشىندە باستاپقى مەديتسينالىق-سانيتاريالىق كومەك كورسەتۋ جانە دەنساۋلىق ساقتاۋ ۇيىمدارى ماماندارىنىڭ جولداماسىنسىز دياگنوستيكالىق جانە ەمدەۋ قىزمەتتەرىن كورسەتكەندە; ەمدىك فورمۋليارعا ەنگىزىلمەگەن ەمدىك قۇرالدارمەن ەمدەگەندە; تمككك-گە كىرمەيتىن مەديتسينالىق زەرتتەۋلەر جۇرگىزگەندە; ءتيىستى جولداماسىز ساناتوريلىك ەمدەۋدە; مەديتسينالىق كورسەتىلىمدەرسىز مەديتسينالىق-گەنەتيكالىق زەرتتەگەندە; جۇمىسقا ورنالاسۋ جانە وقۋعا ءتۇسۋ ءۇشىن ازاماتتاردى مەديتسينالىق تەكسەرىپ-قاراعاندا; ۇيىممەن شارت بويىنشا, ونىڭ ىشىندە ەرىكتى ساقتاندىرۋ بويىنشا مەديتسينالىق كومەك كورسەتكەندە; قوسىمشا سەرۆيستىك قىزمەتتەر كورسەتكەندە جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 12 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11341 بولىپ ەنگىزىلدى.