نەسيە ماقۇلداندى

كاسىپكەرلەر پالاتاسىندا شاعىن نەسيە­لەۋدىڭ جاڭا باعدارلاماسىنا قاتىسۋعا ءوتىنىم بەرگەن كاسىپكەرلەردىڭ جوبالارى قا­رالدى. ولار اقسۋ, بالقاش, كەربۇلاق اۋداندارىنىڭ كاسىپكەرلەرىنەن تۇسكەن 7 ءوتىنىم. نەسيە كوميتەتىنىڭ شەشىمى بويىنشا بارلىق وتىنىمدەر ءبىراۋىزدان ماقۇلداندى. ەسكە سالالىق, شاعىن بيزنەس سۋبەكتىلەرى ءۇشىن 600 ملن. تەڭگەنى «اتامەكەن» ۇكپ جانە الماتى وبلىسى اكىمدىگى ءبولدى. «قانت قىزىلشاسىن ءوسىرۋ جايلى ءتورت جوبا, مال شارۋاشىلىعى بويىنشا ەكى  جانە جالپى سوماسى 34 ملن. 300 مىڭ تەڭگە ارپا ءوسىرۋ جونىندەگى ءبىر ءوتىنىم ماقۇلداندى. قارىز الۋشىلار – شارۋا قوجالىعى وكىلدەرى جانە جەكە كاسىپكەرلەر ەكەندىگىن باسا ايتۋ كەرەك»,– دەيدى الماتى وبلىستىق كاسىپكەرلەرى پالاتاسىنىڭ ديرەكتورى ءلاززات شىڭعىسباەۆا. قازىرگى ۋاقىتتا اۋىل شارۋاشىلىعىن قارجىلىق قولداۋ قورىنا شەشىمدەر حاتتامالارى بەرىلدى. ولاردى قاراعان سوڭ قارجى ۇيىمى قارىز الۋشىلارمەن قارىز الۋ جانە اقشا  قۇرالدارىن ودان ءارى اۋدارۋعا ارنالعان كەپىل شارتىن جاسايدى. سونىمەن قاتار, شاعىن نەسيەلەۋ باعدارلاماسى بويىنشا قور 62 ءوتىنىم جونىندە قارجى-ەكونوميكالىق تالداۋ, زاڭگەرلىك ساراپتاما جۇرگىزەدى. جاعىمدى شەشىم شىققان جاعدايدا جوبالاردى نەسيە كوميتەتىنىڭ  مۇشەلەرى قارايدى. اتاپ وتەلىك, كوميتەتتىڭ العاشقى ءماجى­لىسىن­دە جالپى سوماسى 75 ملن. تەڭگەدەن استام 20 ءوتىنىم قارالدى جانە ماقۇلداندى. بۇل جوبالاردىڭ بارلىعى ءوڭىردىڭ قىزىلشا سالاسىن دامىتۋعا باعىتتالعان. شاعىن نەسيەلەۋ باعدارلاماسىنىڭ باستى ەرەكشەلىگى – جەر ۋچاسكەلەرىن, تۇرعىن ءۇي قۇرىلىستارىن جانە باسقاداي م ۇلىكتى كەپىل رەتىندە قاراۋ. سونداي-اق, سىياقى مولشەرلەمەسى جىلدىق  6%-دى  قۇرايدى,  سىياقىنىڭ جىلدىق ءتيىمدى مولشەرلەمەسى 6,7%-دان اسپايدى. «ەگەمەن-اقپارات»