ەگيپەتتەن شىعارىلدى

قر سىرتقى ىستەر مينيسترلىگى مەن توتەنشە جاع­دايلار جونىندەگى مينيسترلىكتىڭ بىرىككەن ءىس-شا­رالا­رى­نىڭ ارقاسىندا 1-2 اقپاندا ەگيپەتتەگى  قا­زاق­ستان­دىق­تار­دىڭ باسىم بولىگى وتاندارىنا ورال­دى. كاير – الماتى باعىتى بويىنشا ارنايى ەكى رەيس­پەن 206 ادام شى­عا­رىلدى. ولاردىڭ ىشىندە ءتا­جىكستاننىڭ ءۇش ازاماتى بار. قر ەگيپەتتەگى ەلشىلىگىنىڭ قىزمەتكەرلەرى وتانداستارمەن بايلانىس ورناتۋ, ەلدەن كەتۋشىلەردىڭ ءتى­زى­مىن جاساۋ, ارنايى رەيستەردىڭ كەتۋى مەن كەلۋىن ۇيلەستىرۋ, پاسپورتتىق تەكسەرۋدەن وتكىزۋ مەن ۇشاققا وتىرعىزۋ سەكىلدى ماڭىزدى جۇمىستاردى اتقارۋدا. ەلشىلىكتىڭ بارلىق ديپلوماتيالىق قۇرامى مەن بىرقاتار تەحنيكالىق قىزمەتكەرلەرى (بارلىعى 12 ادام) ەگيپەتتە بەلگىلى ءبىر سەبەپتەرمەن قالعان ازا­مات­تارىمىزدى ەلگە قايتارۋ جۇمىستارىمەن اينا­لى­سىپ, قىزمەتتىك بورىشتارىن وتەۋدە. قاجەتتىلىك تۋعان جاعدايدا, قازاقستان جاعى ءتيىستى كومەك كورسەتۋ ءجو­نىندە دوستاس مەملەكەتتەرمەن بايلانىستا بولادى. ەگيپەتتە قالىپتاسقان احۋالدى ەسكەرە وتىرىپ ەلى­مىزدىڭ ءسىم-ءى قازاقستاندىقتارعا جاعداي رەتتەلگەنگە دەيىن بۇل ەلگە بارۋدان باس تارتا تۇرۋ جونىندەگى ۇسىنىسىن 14 اقپانعا دەيىن ۇزارتادى, دەپ حابارلادى قر ءسىم-ءىنىڭ ءباسپاسوز قىزمەتى.