شىعارما ارقاۋى - سپورت

مادەني ازيادا

الماتىنىڭ ونەر قايرات­كەرلەرى قىسقى ازيا ويىندارى كەزىندە وسىناۋ ايتۋلى سپورت جارىسىنا قاتىسۋشىلار مەن قوناقتارعا وزىنشە سىي-سياپات ازىرلەدى. سونىڭ ءبىرى – سۋرەتشى راشيد قۇلباتىروۆ. ونىڭ «ونەر» كوركەمسۋرەت سالونىندا «سالەم, ازيادا» دەگەن جەكە كورمەسى اشىلدى. ونىڭ باستى ەرەكشەلىگى – كور­مەگە قويىلعان 35 كارتينا­نىڭ تاقىرىپتارى سپورتقا قا­تىس­تى. ناقتىراق ايتقاندا, ادام­نىڭ ىشكى دۇنيەسى سپورت ار­قىلى اشىلعان جانە ايرىق­شا اسەرلى. ونىڭ دا ءجونى بار ەكەن. سۋرەتشى جاس شا­عىندا سپورتپەن شۇعىلدا­نىپتى. كەيىن ونەر مەن سپورتتىڭ ءبىرىن تاڭداۋ قاجەتتىگى تۋعاندا, ونەردى كاسىپ ەتكەنمەن, سپورت ءبارىبىر شىعارمالارىنىڭ باستى تاقى­رىبى بولىپ, قالىپ قويعان. سۋرەتشى راشيد قۇلبا­تى­روۆ­تىڭ سپورت تاقىرى­بىن­داعى كارتينالارىندا تۋعان جەردىڭ كورىنىستەرى دە ەرەكشە ورىن الا­دى ەكەن. اسىرەسە, بۇل ازيادا قوناقتارىنا ايرىقشا اسەر قالدىرماق. ولار وزدەرى بولعان شىمبۇلاق, مەدەۋ سياقتى تا­بيعاتتىڭ تاماشا جەرلەرىن سۋرەتشى شىعارمالارىنان دا كو­رىپ, جاڭا اسەرگە بولەنەرى ءسوز­سىز. سپورتتىڭ جانكۇيەرى رەتىندە ءراشيدتىڭ ءوزى دە بۇگىنگى كۇندەرى ۇلكەن قۋانىش ۇستىندە. ازيا ويىندارىن قالت جىبەرمەي قاداعالايتىنى اڭعارىلا­دى. ءسىرا, بۇل ويىنداردىڭ كورى­نىستەرى دە كەيىن ونىڭ شىعار­مالارىنا ارقاۋ بولسا كەرەك. ونىڭ ءوزىنىڭ ايتۋىنشا, وعان شاڭعىمەن تۇعىردان سەكىرۋ ەرەك­شە ۇنايتىن كورىنەدى. وسى­ناۋ ازيادا قارساڭىندا الما­تىدا بوي كوتەرگەن حالىقارا­لىق شاڭعىمەن تۇعىردان سەكىرۋ كەشەنىن دە كەيىن ونىڭ كارتي­نالارىنان كورەتىن بولارمىز.