ءۇش كەزەڭگە سوزىلعان ويىن

دوپتى حوككەي

دوپتى حوككەي (بەندي) ادەت­تە فۋتبول سياقتى ەكى كەزەڭ وي­نالادى. ال كەشە «مەدەۋ» مۇز ايدىنىندا كەزدەسكەن قازاق­ستان جانە قىرعىزستان كومان­دالارى ءۇش كەزەڭ وينادى. وعان اۋا رايى «كىنالى». قالىڭ قار جاۋىپ, تۇمان ءتۇسۋ سالدارىنان ءتىپتى ويىندى كەيىنگە جىلجىتۋ قاۋپى دە تۋعان. حالىقارالىق دوپتى حوككەي (بەندي) فەدەرا­تسياسىنىڭ تەحنيكالىق دەلە­گاتى ۆالەري موزگوۆ ويىندى 15 مينوتتىك ەكى ۇزىلىسپەن, 30 مينوتتىك ءۇش كەزەڭ ويناۋعا شەشىم قابىلدادى. ال ويىن جۇرت كۇتكەندەي, قازاقستان كومانداسىنىڭ اي­قىن باسىمدىعىمەن ءوتتى. ەسەپ – 21:0. مىقتىلار ارمانسىز گول سوقتى دەسە دە بولادى. شا­بۋىلشى راۋان يساليەۆ ءوز ەسەبىنە 8 گول جازسا, ەسكەندىر نۇع­مانوۆ قارسىلاستار قاقپاسىنا 5 گول سوقتى. ەلامان الىكباليەۆ – 3, انتون لاريونوۆ – 2, سەرگەي توكماكوۆ پەن سۇلتان قادىرجانوۆتار ءبىر-ءبىر گولدىڭ يەسى بولدى. بۇل كەزدەسۋ ءبىرىنشى جانە ەكىنشى ورىننىڭ تاعدىرىن شەش­تى. ونى قازاقستان جانە موڭ­عوليا كوماندالارى يەلەنەدى. التىن قايسىسىنا بۇيىرا­تىنى بۇل ەكى كوماندانىڭ ءبۇ­گىن­گى جانە دەمالىس كۇنگى اقتىق كەزدەسۋىندە ايقىندالادى. ال قىر­عىز اعا­يىن­دار اۋىلىنا ازيا­دا­­نىڭ قو­لا مەدالىمەن ورالادى. سوڭعى جىلدارى قىرعىز­ستانداعى ساياسي جانە ەكونومي­كا­لىق تۇراقسىزدىققا قاراماي  الا­تاۋدىڭ ارعى جاعىنداعى اعا­يىن­داردىڭ قازاقستانعا كەلىپ ازيادادا دوپتى جانە شايبالى حوككەيدەن لايىقتى ونەر كورسەتىپ جاتقانى قۋانتادى. ماماديار جاقىپ.