باق شاپپايدى, باپ شابادى

ويدى وي قوزعايدى. وسىدان بەس جىل بۇرىن يتاليانىڭ تۋرين قالاسىندا وتكەن قىسقى وليمپيا ويىندارى كەزىندە ەلدىڭ ەكىنشى قا­لاسىندا 20 گرادۋس جىلىلىقتى كور­سەتىپ, ول شاڭعىشىلارعا كوپ اۋىرت­پالىق جۇكتەگەن ەدى. الايدا, بيىكتىگى 3 مىڭ مەتردەن اساتىن ءالپى تاۋلارى ەتەگىندە ءوتىپ جاتقان شاڭ­عى جارىستارى كەزىندە -2 -3 گرا­دۋستى كورسەتىپ تۇردى. ءبىر قىزىم ءبىر قىزىمنان سوراقى دەگەندەي, الماتىداعى اۋا رايى +10 گرادۋستان اسىپ 5 جانە 10 شاقى­رىمدىق شاڭعىشىلار جا­رى­سى كەزىندە ال­ما­تىنىڭ اق جاۋىنى تو­لاسسىز سىركىرەپ كەتتى. وكىنىشكە وراي, قىز­دارى­مىز تاعى دا توبىق­تاي جاپون قىز­دارىنىڭ كولەڭكە­سىندە قالىپ قوي­دى. جا­پون­­نىڭ قوس جۇلدىزى يشيدا ماساكو مەن نادسۋمي مادوكا مارە سىزىعىن بىرىنەن كەيىن ءبىرى قيىپ التىن مەن كۇمىستى قاعىپ ءتۇس­تى. ءۇشىنشى ورىندا قىتايدىڭ قارا قىزى لي حونگكيە, ەلەنا كولومينا مەن سۆەتلانا مالاحوۆا ءتور­تىنشى, بەسىنشى ورىنداردى قا­نا­عات تۇتتى. جارىس اياقتالعاننان كەيىن س.ما­لاحوۆامەن تىلدەسىپ ۇلگەردىك. – شارشاعانىمىز راس, التىن الماساق تا جۇلدەگەرلەر قاتارىنا ىلىگەمىز بە دەپ بار كۇشىمىزدى سا­لىپ ەدىك. امال بار ما, جاپوننىڭ قوس قىزى بىزدەن ايلاسىن اسىرىپ كەتتى. شاڭعى مايلاۋدا دا كەمشىلىك بول­دى ما دەپ ويلايمىن, – دەدى ەنتىگىن باسا الماي تۇرعان جەرلەسىمىز. بىزدىڭشە, ماسەلە شاڭعى مايلاۋدا ەمەس سياقتى. بۇل جەردە ماسەلە باپكەرلەردىڭ قاتەلىگىندە شىعار. جاپون مەن قىتاي قىز­دارى استانا مەن الماتىداعى ازيا ويىندارى باستالار كەزدە الەم كۋبوگىنىڭ سوڭعى كەزەڭ­دەرىنە قاتىسقان جوق. ياعني, ولار تاكتيكالىق جاعىنان ۇتىپ, قا­زاق­ستانعا تىڭ ءارى سەرگەك كەلدى. ونىڭ ۇستىنە, جاسىراتىنى جوق, قىزدارىمىز شارشاپ قالعان سياقتى. جاستارىنىڭ دا كەلىپ قالعانىن نازاردان شىعارماعان ءجون. دەمەك, ولارعا لايىق ءىزباسارلار ازىرلەسەك, ۇتارىمىز انىق. قىزدار جارىسىندا 8 جۇيرىك بولسا, 10 شاقىرىمدىق شاڭعى جا­رى­سىندا 6 ازاماتىمىز جارىس جو­لىنا شىقتى. جاڭبىر تولاستار ەمەس. اۋا رايىنىڭ قولايسىز­دىعى­نا قاراماستان جانكۇيەر­لەردىڭ اي­قايى سولداتساي اۋما­عىن كۇمبىر­لەتىپ جىبەردى. 5 شا­قى­رىمدا الەكسەي پولتورانين 0,3 سەكونتپەن كوش باستاعاندا قۋا­نىپ ەدىك. تاعى دا جاپوننىڭ قوس جۇيرىگى يۋشيدا مەن شيميزۋ ءبىرازدان كەيىن الەكسەي مەن نيكولاي چەباتكونى شاڭ قاپ­تىرىپ كەتتى. اتتەڭ! قولدا تۇرعان ال­تىن­نان تاعى دا ايرىلىپ قال­دىق. ناتيجەسىندە نيكولاي چەباتكو ەكىنشى, الەكسەي پولتورانين ءۇشىن­شى بولىپ مارە سىزىعىن قيدى. – اۋا رايىنىڭ قولايسىز بول­عانى بەلگىلى, بىراق تا جىگىتتەر قانشا تالپىنعانمەن شاڭعى مايى ساي كەلمەي كىبىرتىكتەپ قالا بەردى. بۇگىن جىگىتتەرىمىز دەمالا­دى, ەس­تافەتادا ەسەمىزدى جىبەرمەيتىن شى­­­عارمىز, –  دەپ اعىنان جا­رىل­دى جارىستان كەيىن ريددەردەگى دا­رىندى بالالارعا ار­نال­­عان سپورت مەكتەبىنىڭ ديرەك­تورى, بەلگىلى شاڭ­­عىشى ۆلاديمير كناۋب. ريددەردەگى سپورت مەكتەبىندە قا­زىر 150-گە جۋىق بالا جات­تى­عۋدا. ونىڭ ىشىندە ۇرجارداعى بەلگىلى باپكەر قاينيكامال ءجۇسى­پ­وۆانىڭ ءبىر­نەشە شاكىرتى ءبىلىمى مەن بىلىكتىلىگىن جەتىلدىرىپ جا­تىر. جاس­وسپىرىمدەر اراسىندا الەم چەمپيو­ناتىنىڭ ءجۇل­دە­گەرلەرى دە كورىنۋدە. ەندەشە, بەرەرىن بەرىپ, العانىن ال­عان شاڭ­عىشى قىز-جىگىتتەرگە سەنىم ارتا بەرمەي, وسىنداي تالانتتى جاس­تارعا كوڭىل اۋدارساق, ۇپايى­مىز تۇگەل بولارى ءسوزسىز. سوندا عا­نا قىس­قى سپورت ءتۇر­لەرىنەن قازاق ەلى وليمپيا ويىن­دارىندا كوش سو­ڭىن­دا قا­لىپ قوي­مايتىنى ءسوزسىز. بۇل ەندى بارلىق جانكۇيەرلەردىڭ جۇرە­گى­­نەن شىققان تىلەگى. سون­دىقتان باپكەرلەر مەن باسشى­لارعا وسى با­عىت­تا جۇمىس ىستەپ, ەلىمىزدىڭ نامى­سى ءۇشىن بارىن سالاتىن كەزى جەتتى دەپ ويلايمىز! وڭداسىن ەلۋباي.