قايرات قايرايدى

ۇلت كوشباسشىسىنىڭ جىل سايىنعى حالىققا ءداستۇرلى جول­داۋى­نان جۇرتشىلىقتىڭ ۇلكەن ءۇمىت كۇتەتىندىگى, دامۋدىڭ جاڭا كە­زەڭىنە سەنىم كۇشەيتەتىندىگى كۇمانسىز. ەلباسىنىڭ بيىلعى جىل­عا العا قويعان مىندەتتەر مەن تاپسىرمالاردى ىنتا قويىپ تىڭداعان «فيتوحيميا» حالىقارالىق عىلىمي-وندىرىستىك حولدينگى عالىمدارى مەن ماماندارى سونداي اسەرگە بولەندى. اتال­عان ورتالىقتىڭ جەتەكشىسى, ۇعا اكادەميگى, پروفەسسور, مەملەكەتتىك سىيلىقتىڭ لاۋرەاتى سەرعازى ادەكەنوۆتەن   جولداۋ جونىندە ويىن ءبىلدىرۋدى سول ساتىندە وتىنگەن ەدىك. – پرەزيدەنتىمىزدىڭ جاڭا جول­­داۋى قازاقستاننىڭ  العا قا­رىشتى قادام جاساۋدىڭ بەت­بۇ­رىستى  كەزەڭىندە ەكەنىن اي­قىن­داپ بەردى. جارقىن بولاشا­عى­مىز­عا, ءوسىپ-وركەندەۋىمىزدىڭ جاڭ­عىرۋىنا تاعى ءبىر نىق سەنىم ۇيالاتتى. ءومىردىڭ قاي بۋى­نىن­داعى بولماسىن باعىت-باع­دار تەرەڭ ەكشەلەنىپ, جاسامپاز ىستەر ساليقالى سارالانعان قۇ­جات­تان تۋىندايتىن مىندەتتەر ۇدەسىنەن شىعۋ قاي-قاي­سى­مىز­دىڭ دا ابىرويلى بورىشىمىز بولۋ كەرەك دەپ بىلەمىن. البەتتە, ءبىز الدىمەن ءوز ءىس-قىزمەتىمىزگە قاتىستى باعدار­لا­مالىق ماسەلەلەرگە باسا قۇ­لاق تۇردىك. عىلىم مەن مەدي­تسي­نانى دامىتۋعا بايلانىستى اتاپ كورسەتىلگەن  جايلار بوي­ىن­شا ارنايى جوسپار  جاسالۋ­عا بۇگىننەن باستاپ تاپسىرما بەرىلدى. عىلىمي ىزدەنىستەردىڭ ساپالىق دەنگەيىن كوتەرۋ, ادامدار دەنساۋلىعىن قورعاۋ, جاق­سارتۋ جولىنداعى كۇرەستىڭ بەل ورتاسىنان تابىلۋعا كۇش سا­لى­نا­دى. جولداۋدا عىلىمي كادر­لار­دى قاعيداتتى تۇرعىدان جا­ڭا نەگىزدە  دايارلاۋدى ۇيىم­داس­تى­رۋ كەرەكتىگى, تەوريالىق دايىن­دىقتى  ناقتى ىستە شىڭداۋ, پاي­دا­لى زەرتتەۋلەرمەن ۇشتاستىرۋ قاجەتتىگى ايتىلدى. عىلىمعا كان­دي­داتتىق جانە دوكتورلىق ديسسەرتاتسيالار قورعاۋشىلاردان  با­راتىندار سانى تومەندىگى سى­نال­دى. بۇل قاتتى ويلاندىراتىن ءما­سەلە. وندىرىستىك تسەحتارىمىزدا, زەرتحانالارىمىزدا جىل سايىن 300-دەن استام ستۋدەنت, ماگيسترانت, دوكتورانت وقۋ, ديپ­لوم­دىق, وندىرىستىك تاجىريبەدەن وتە­دى. سولاردىڭ ىشىنەن تالاپتارىن تا­نىتا الۋشىلارعا قۇشاق اشىلا تۇسەدى. ءوز ىزدەنىستەرىنىڭ ءناتي­جە­سىن ورتاق يگىلىككە اينالدىرا الۋلارىنا قامقورلىق ايانبايدى. ءسوز ورايىندا ايتا كەتكەندە ءبۇ­گىندە جەتىستىكتەرى الىسقا تا­نىمال عىلىمي-وندىرىستىك ورتا­لى­عىمىز­دىڭ قالىپتاسىپ, قا­دامى نىعايۋى­نا تۇڭعىش پرەزيدەنت ن.­ا.نا­زار­باەۆ­تىڭ  تىكەلەي قولداۋى ۇلكەن ىق­پال ەتكەن بولاتىن. وسىدان ون بەس جىل بۇرىن العاش رەت ءىس-ىزدە­نى­سى­مىزبەن تانىسقاننان بەرى اياق الىسىمىز ۇدايى نازاردا.سو­نىڭ ارقاسىندا وسى ۋاقىت ارا­لى­عىن­دا قۇندى فارماكو­لو­گيا­لىق قا­سيەت­تەرگە يە جاڭا بىرەگەي فيتو­پرە­پاراتتاردى جاساۋ جانە ولار­دى  فارماتسەۆتي­كا­لىق وندىرىسكە, تاجىريبەلىك مە­دي­تسيناعا ەنگىزۋدەگى ەڭبەگىمىز جانىپ كەلەدى. ەلىمىزدە ءدارى-دارمەكتەرگە سۇ­رانىس ءالى كۇنگە دەيىن سىرت جەرلەردەن جەتكىزىلەتىن تۇرلەرى ارقى­لى وتەلىپ جۇرگەنى جاسى­رىن سىر ەمەس. وسىنداي جاع­داي­دان ارى­لۋ­عا قازىر مۇمكىن­دىگىمىز بار. جۇ­مىس ىستەۋگە كىرىسكەن فارماتسەۆ­تي­كالىق كە­شەن­نىڭ ءبىرىنشى جانە ەكىن­شى كەزەكتەرى اسا ماڭىزدى دارىلىك پرە­پاراتتار ءوندىرىسى كولە­مىن ەداۋىر ارتتىردى. ەلباسى جول­داۋىندا عىلىم جەتىستىك­تەرى­نىڭ نەگىزىندە يننوۆاتسيالىق تەحنولوگيالار ارقىلى ءوندىرىستى دا­مى­تۋ باستى مىندەتتىڭ ءبىرى بولىپ تا­بىلاتىندىعى اتالدى. كەشەن­نىڭ ءۇشىنشى كەزەگىن مەجەلى مەرزىمدە ىسكە قوسىپ, قاجەتتى ءونىم­مەن ىشكى تۇتىنۋدى قامتا­ماسىز ەتۋ­مەن بىرگە ەكسپورتقا شىعارۋعا دا جول كەڭەيتۋ سوعان سايكەس ماقسات. جەرگىلىكتى تابيعي وسىمدىك­تەردەن وتاندىق ءدارى-دارمەكتى جاساۋدى جانە مولىنان شى­عارۋدى كوزدەۋشى  ورتالىعىمىز زور  عىلىمي كۇش-قابىلەتكە يە. ەلباسى جولداۋى وسى مەرەيلى ماقساتقا قايرات قايرايدى. جازىپ العان  ايقىن نەسىپباي. قاراعاندى.