جاقسى ومىرگە باعىتتايدى

«نۇر وتان» حدپ قوستاناي قالالىق فيليالىنىڭ مۇشەلەرى شاھارداعى ءىرى كاسىپورىنداردى ارالادى. الدىمەن «اگروماشحولدينگ» اكتسيونەرلىك قوعامىنا كەلگەندە, وسى كاسىپورىننىڭ 400 جۇمىسشىسى ماشينە قۇراستىراتىن  اتشاپتىرىم تسەحقا قويىلعان ەكران ارقىلى ەلباسى نۇرسۇلتان نازارباەۆتىڭ قا­زاقستان حالقىنا جولداۋىن تىڭداپ وتىرعان ەدى. نۇر­وتان­دىق­تار دا وتىرا قالىپ, ەلباسى جولداۋىن زاۋىت جۇمىس­شى­لارى­مەن بىرگە كورىپ, تاماشالادى. جولداۋ اياقتالعان سوڭ  «نۇر وتان» حدپ قوستاناي قالالىق  فيليالىنىڭ ءتورايىمى, پەداگوگيكا  عىلىمدارىنىڭ دوكتورى, پروفەسسور ريمما بەك­تۇرعانوۆانى اڭگىمەگە تارتقان ەدىك: – ريمما شىڭعىسقىزى, جول­داۋدان العان اسەرىڭىز قان­داي؟ – مەن جانە مەنىڭ ءارىپ­تەس­تەرىم دە ۇلكەن اسەر قۇشا­عىن­دا­مىز. پرەزيدەنت جولداۋىن تسەح جۇمىسشىلارىمەن بىرگە كورىپ, تىڭدادىق. جۇمىس­شى­لار­دىڭ ەكرانعا اسا زەيىنمەن قا­راعانى كوڭىلدى تولتىرا ءتۇس­كەندەي. مىنە, اسا ءىرى «اگروماشحولدينگ» زاۋىتى جۇمىس ىستەپ تۇر. قانشاما ادام وسى تسەحتان تابىس تاۋىپ, وتبا­سى­لا­رىن اسىراپ وتىر. سوڭعى كەزدە زاۋىت كورەيالىق ماشينەلەر قۇ­راستىرا باستادى. وسىنداي ءىرى جوبانىڭ جۇزەگە اسۋى الەمدىك دەڭگەيدەگى ساياسي قايراتكەر جانە دانا ەكونوميست پرەزي­دەنتىمىزدىڭ ارقاسى ەكەنىن ەشكىم جوققا شىعارا المايدى. ەلباسىمىز نۇرسۇلتان نا­زار­باەۆتىڭ ءوزى دە ماعان جوعارى كوڭىل-كۇيدە سياقتى كورىندى. نەگىزى نۇرسۇلتان ءابىش ۇلىنىڭ شەشەندىگىنە ەش داۋ جوق. جول­داۋداعى ءار ءسوزى وپتيميزمگە تو­لى, تىڭداۋشىنىڭ دا رۋحىن كوتەرىپ تاستادى. ول كىسىنىڭ ءسو­زىن­دە بوسقا ۇرانداتۋ جوق, جەتكەن جەتىستىكتەرىمىزبەن قاتار, كەمشىلىكتەردى دە بۇكپەسىز ايت­تى. ءار قازاقستاندىقتىڭ كوزىن شىندىققا جەتكىزگەندەي, ناقتى ءومىردىڭ كورىنىسىن بەردى. الداعى كۇندەرگە اداستىرماي باعىت­تاي­تىن جولداۋ بىزگە وسىنداي شى­نايىلىعىمەن قىمبات دەر ەدىم. – جولداۋدا ايتىلعان قان­داي ماسەلەلەر كوبىرەك ۇنا­دى؟ – پرەزيدەنت الدىمەن حالىق­تىڭ الەۋمەتتىك جاعدايىنا كوڭىل بولەدى. ال بۇل – ەكونوميكانى دامىتقاندا عانا مۇمكىن بولاتىن جاعداي. سوندىقتان نۇرسۇلتان ءابىش ۇلى بيزنەستى, شاعىن جانە ورتا بيزنەستى دامىتۋعا تاعى دا نازار اۋداردى. ال وسى جولداۋدا ءبىلىم بەرۋ ءىسىنىڭ ماسەلەلەرى ەلىمىزدە كوكەيكەستى ەكەنى بايقالدى. ەلباسى مەملەكەتتىڭ وركەنيەتتى ەلدەر قاتارىنان كورىنۋىنە بىردەن-ءبىر تىرەك بولاتىن سالاداعى كەمشىلىكتەردى دە جاسىرمادى. مى­سا­لى, وسى كەزگە دەيىن ەشقانداي عى­لىمي كونفەرەنتسيالاردا, باسقو­سۋ­لاردا ەشقانداي عىلىمي بايانداما جاساپ كورمەگەن كىسىلەردى سۇ­راستىرا كەلسەڭ عىلىم كاندي­داتى نەمەسە دارداي عىلىم دوكتور ەكەنىن بىلەسىڭ. عىلىمداعى كوز­بوياۋشىلىق ەلىمىزدىڭ ەرتەڭى ءۇشىن قاۋىپتى نارسە. ديسسەرتا­تسيا­لىق كەڭەستىڭ جابىلاتىنىن مەن دە قولدايمىن. پرەزيدەنت دۇرىس ايتتى. – جولداۋدا ايتىلعان ماسە­لە­­لەر­دى ۋاقتىلى جۇزەگە اسىرۋ ءۇشىن نە ىستەۋ كەرەك دەپ وي­لاي­سىز؟ – نەگىزى, پرەزيدەنت جول­داۋ­لارىندا ايتىلعان جايلار تاۋەل­سىز مەملەكەتىمىزدى جار­قىن ىستەرگە باعىتتاۋ بولىپ تا­بى­لادى دەدىم عوي. ال بۇدان بۇ­رىنعى جولداۋلارىنداعى قا­داۋ-قاداۋ ماسەلەلەر بىرتىندەپ ومىرلىك شىندىققا اينالىپ كەلەدى. مىسالى, ەكونوميكانى ۇدە­مەلى يننوۆاتسيالىق-ينۆەس­تي­تسيالىق دامىتۋ باعدار­لا­ما­سى, تاعى باسقا مىسالدار جەتكىلىكتى ەمەس پە؟ ءبىلىم بەرۋ سا­لا­سىندا دا سونى ىستەر قولعا الى­نىپ جاتىر. جۇيەنى پىسىقتاۋ جونىندە وسى جولداۋدا ايتىل­عان­داردىڭ بارلىعى دا بولا­شاق­تا ناقتى شەشىمىن تابادى دەپ بىلەمىن. مەنىڭ ايتارىم, پرەزيدەنت بىرەۋ, ءبىز كوپپىز. ەلباسى با­عىت­تادى ما, ونى جۇزەگە اسىرۋ ءۇشىن بارلىعىمىز دا جۇدى­رىق­تاي جۇمىلۋىمىز كەرەك. نۇر­سۇل­تان نازارباەۆ وسىنىڭ بار­لىعىن دا قازاقستان حالقىنىڭ يگىلىگى ءۇشىن جاساپ جاتسا, ءبىز سول قازاقستاننىڭ پاتريوتى بو­لۋى­مىز كەرەك. نيەت دۇرىس بو­لۋى كەرەك. تاۋداي ىستەر تاماشا باستالىپ, سوڭى قالىپ قويماسا ەكەن. پرەزيدەنت ايتقان كوپ­تە­گەن ماسەلەلەر ۇزاق مەرزىمگە ەسەپ­تەلگەن. ال ونىڭ ناتيجەسىن 2020 جىلى پرەزيدەنتىمىزبەن بىرگە كورۋگە جازسىن دەڭىز. اڭگىمەلەسكەن ءنازيرا جارىمبەتوۆا. قوستاناي. -------------------------------- سۋرەتتە: «اگروماشحولدينگ» اق جۇمىسشىلارى مەن ساياسي پارتيا وكىلدەرى جولداۋدى بىرىگىپ كوردى. سۋرەتتى تۇسىرگەن ۆ.ۆەدەنكو.