قۇرمەت تۇعىرىندا كوك بايراعىمىز

قوس التىن, قوس كۇمىس شاڭعىمەن سپورتتىق باعدارلاۋ ازيا ويىندارىنداعى ال­عاش­قى التىنداردى سىيلاعان – قۇت­تى سولداتساي. شاڭعى ستا­ديونى. الماتى اسپانى اشىق. كۇن جى­لىمىق. قار ەپتەپ ەرىگەن. بۇگىن وسىندا سپورتتىق باعدارلاۋدان ورتا قاشىقتىق بويىنشا ەرلەر مەن ايەلدەر ازيادانىڭ مە­دال­دارىن ساراپقا سالدى. ءسوز باسىندا سولداتسايىن قۇتتى دەگەنىمىز, 31 قاڭتار كۇنى شاڭ­عى­مەن باعدارلاۋداعى سپرينتتىك جا­رىستا قازاقستاندىق سايىپ­قى­راندار ميحايل سوروكين مەن ولگا نوۆيكوۆا التىننان ولجا سالعان بولاتىن. وقىرمانعا ءتۇ­سىنىكتىرەك بولۋ ءۇشىن سپورتتىق باعدارلاۋدىڭ ەرەكشەلىكتەرى تۋ­را­لى ايتا كەتەيىك. وليم­پيا­دا­لىق ويىندار باعدارلاماسىنا ەنبەگەنىمەن, سپورتتىڭ بۇل ءتۇرى دۇنيە جۇزىنە كەڭ تاراعان. الەم چەمپيوناتى ءوتىپ تۇرادى. رەس­پۋب­ليكالىق سپورتتىق باعدارلاۋ فە­دەراتسياسىنىڭ پرەزيدەنتى ۆلاديمير تەلنوۆتىڭ سوزىنە باقساق, بۇل – شاڭعىنى اياققا بايلاپ الىپ بەلگىلەنگەن قاشىقتىقتا جۇل­دىز­داي اعىپ ءوتۋ ەمەس. وندا جىل­دامدىقپەن قاتار, ارعى-بەر­گىنى باع­دارلاي الاتىن كورەگەندىك, اقىل, ءىزشىل قاسيەتتەر قاجەت. ار­اعا ءمينوت سالىپ اتتاناتىن سپورت­شىنىڭ كەۋدەسىنە كارتا مەن كومپوس سالىنعان پلانشەت بەكىتىلەدى. ءار سپورتشى بەيمالىم, وزىنە بەكىتىلگەن اۋدان­دى كارتا, كومپوس كومەگىمەن تاۋ­ىپ, نۇكتەلەردى بەلگىلەيدى. مارە­گە شامامەن 100 مەتردەي قاشىق­تىق قالعاندا الدارىن توسقان ينس­پەكتورلارعا كارتاسىن وتكىزىپ, جارىس جولىن باسىپ وتكەندىگى ءجو­نىن­دە كۋالىك الادى. ورتا قا­شىق­تىق بويىنشا ەرلەر 7,5 شا­قىرىم جۇگىرىپ, 17 نۇكتەنى تاۋىپ بەلگىلەۋ كەرەك بولسا, قىزدار 4,5 شاقى­رىم­دىق جارىستا 10 باقى­لاۋ نۇكتەسىن تابۋ كەرەك. كارتانى جوعالتساڭ جا­رىستان شىعاسىڭ. سپورتشى­لار­دىڭ كار­تا­سى قيىر-شيىر بۇرالاڭ جول. وسىدان وزىڭە بەلگىلەگەن اۋداندى تاۋىپ, ەلەك­تروندى قوندىر­عى­لار­­عا چيپتەرىڭ­دى بەلگىلەۋ وڭايعا سوق­پايتىن­دىعىن ەسكەرسەك, سپورت­تىڭ بۇل ءتۇرىن شاڭ­عىداعى شاحماتپەن سا­لىس­تىرۋ­عا بولادى. قازاقستان سپورتتىق باعدارلاۋ فەدەراتسياسى ەرلەر سىنىنا ميحايل سوروكين مەن ۆيتالي ليلي­چەن­كونى شىعاردى. ال, قىزدار ارا­سىنداعى جۇپتى ولگا نوۆيكوۆا مەن ەۆگەنيا كۋزمينا قۇرادى. ءاۋ باستا وسى سپورتشىلارىمىزدىڭ باعالى مەدالدار ءۇشىن كۇرەسەتىن­دىگى كۇتىلگەن. بىراق, كورەي, جاپون, موڭعول, يران, قىرعىز سپورتشى­لارىنىڭ مۇمكىندىكتەرى دە ەسەپكە الىنعان ەدى. كوڭىلدى كۇپتى قىلعان ساۋالدىڭ جاۋابىن ءوزىمىزدىڭ سپورت­شى­لارىمىز تارقاتىپ بەردى. جا­رىس­تىڭ العاشقى كۇنى سپرينتتىك جارىستا شاشاسىنا شاڭ جۇقپا­عان ميحايل سوروكين 7,5 شاقى­رىمدى 35 ءمينوت 33 سەكونتتە ءجۇرىپ ءوتىپ, مارەگە ءبىرىنشى كەلدى. ەكىنشى ورىندا – سوروكيننان 6 ءمينوتتاي قالىپ كەلگەن ۆيتالي ليليچەنكو. ۇشتىكتى يراندىق سپورت­ت­ىق باعدار­لاۋشى بيجان كانگورلۋ قورى­تىندىلادى. ال قىزدار اراسىندا 4,5 شا­قى­رىمدى 31 ءمينوت 11 سەكونتتا ءجۇ­رىپ وتكەن ولگا نوۆيكوۆا ازيادانىڭ ەكىنشى التىنىنا قول جەتكىزدى. كۇمىس مەدال ەنشىلەگەن تاعى ءبىر وتانداسىمىز ەۆگەنيا كۋزمينانىڭ ۋاقىتى 34 ءمينوت 46 سەكونت. قولا مەدال قىتاي سپورتشىسى ليۋ سياوتينگە بەرىلدى. سپورتتىق باعدارلاۋعا جاقپار تاستاردى, قۇلامالى سايلاردى جا­عا­لاپ وتەتىن جولدارى بار تاۋ­لى جەر­لەر, اعاشى قالىڭ ور­مان­دار تاڭد­الىنىپ الىنادى. سون­دىق­تان دا سپورتشىلار جارىس جو­لىنىڭ وزدەرىنە اۋىر سوققا­نىن ايتىپ جات­تى. قازاقستاندا ءوتىپ جاتقان قىسقى ازيا ويىن­دارىنا ارنايى كەلگەن حالىقارا­لىق سپورتتىق باع­دارلاۋ فەدەرا­تسياسىنىڭ ۆيتسە-پرەزيدەنتى حيۋ كامەرون مىرزا سولدات­سايىنا ورنا­لاسقان سپورت­تىق بازا­نى جوعارى باعالادى. حا­لىقارا­لىق فەدەراتسيا كەزەكتى الەم چەم­پيوناتىن وسىندا ءوت­كىزۋگە قىزى­عۋشىلىق تانىتىپ وتىر. ال, حا­لىقارالىق وليمپيادا كومي­تەتىنىڭ توراعاسى جاك روگگە ماقتاۋىن جەتكىزگەن حالىقارا­لىق ترامپليندەر كەشەنىندە الەم كۋبوگى جارىسى وتپەك. بۇل دەگەنى­ڭىز, قازاقستاندىق سپورت كەشەن­دەرى­نىڭ الەمدىك ما­ڭىز­عا يە بول­عاندىعىن بايقا­تادى. ءارى ءوز سپورتشى­لارى­مىز­دىڭ دا شەبەرلىگىن كوتەرۋگە سەپتەسىپ, جاس­تاردىڭ قىسقى سپورت تۇرلەرىنە كوپ­تەپ كەلۋىنە جاعداي تۋعىزادى. سپورتتىق باعدارلاۋ­دىڭ – شاحمات ويىنىنا كوبىرەك ۇقسايتىندىعىن ايتتىق. قيىن­دىعى سول, كەيبىر سپورت­شىلار با­عى­تىن جوعالتىپ, جا­رىس­تان شى­عىپ قالادى. ايتقان­داي, قىرعىز قىزى و.رىپاتوۆا ءما­رەگە ۋاقى­تىندا كەلە قويماعان­دىقتان جا­رىستى ۇيىمداس­تىرۋ­شى­­لار مارا­پات­ت­اۋدى باستاپ كەتتى. سولداتسايدا ەكى رەت قازاق باي­راعى كوتەرىلىپ, ەكى رەت ءان­ۇرانى وي­نالدى. – جان­كۇيەر­لەرگە راحمەت. ءوز جەرىمىزدە ءوتىپ جاتقان ازيادادا وتانىمىزدىڭ مەرەيىن كوتەرۋ ءۇشىن بارىمىزدى سالىپ جاتىرمىز. وسىن­­دايدا جانكۇيەر­لەردىڭ قول­داۋى جىگەرىمىزدى جا­نىپ, شارشاعا­نىمىزدى باسىپ, كۇشىمىزگە كۇش قوستى, – دەيدى جەڭىمپازدار. باقتيار تايجان. الماتى.