قاراسايلىقتار قۋانىشى

جالپى تىرشىلىكتەگى قۋانىش­تىڭ ءتۇرى كوپ. ال ءبىر كۇندە بىرنەشە جان تۇگەل مەرەيلەنسە, نۇر ۇستىنە نۇر. ماسەلەن, قاڭتاردىڭ سوڭعى كۇنى قاراسايلىقتار ءۇشىن ءتىپتى قۋانىشتى بولىپ, مۇعا­لىمدەر مەن دارىگەرلەر جانە جاس ماماندار باس­پانالى بولدى. مەملەكەتتىك تۇر­عىن ءۇي باعدار­لاماسى بويىنشا سا­لىنعان جاڭا نەسيەلىك پاتەر كىلتتەرىن اۋدان اكىمى ءلاززات تۇرلاشەۆ 48 وتبا­سىنا تاپسىرىپ, قۋانىش­تارى­نا ورتاقتاستى. باسپانالى بولعاندار ارا­سىندا جۇمابەكوۆتەر وتباسى دا بار. ولار ونشاقتى جىل كۇتكەن باسپانا­لارى­نا قول جەتكىزىپتى. بۇعان دەيىن ءپا­تەر جالداپ, كوپ قيىندىق كورگەنىن ايتادى. ۇستاز جاننا جۇمابەكوۆا ال­عاش اتا-ەنەسىمەن بىرگە تۇرسا, كەيىن وتباسى كوبەيگەندە جەكە شىعىپتى. «ۇيگە يە بولعانىم ءوڭىم بە, ءتۇسىم بە», دەيدى قۋا­نىشتان ارىلا الماعان ول. ۋنيۆەرسيتەتتەن كەيىن ەلبا­سىنىڭ «ديپلوممەن – اۋىلعا!» باستاماسىمەن مەرەي اۋىلىنا جول­­دامامەن كەلگەن دارىگەر-تەرا­پەۆت گۇلنار ەدىلباەۆا دا پاتەر كىلتىن الدى. جاس مامان مەملەكەت تاراپىنان جاسالعان قامقور­لىققا ءدان ريزا. جاس ما­ماندارعا كورسە­تىلگەن سەنىمدى اقتاۋعا كاسىبي ءبىلىمىم مەن كۇش-جىگەرىمدى ايامايمىن. ەلباسىنا راحمەت, دەدى ادام جانىنىڭ اراشاشىسى ۇمىتىلماس ءساتتى كوپپەن ءبولىسىپ. «التىن اۋىل» شاعىن اۋدا­نىنىڭ ىرگەسى 2005 جىلى قالان­عان. مۇندا تۇرعىن ءۇي قۇرىلى­سى ءالى دە جالعاسۋدا. جىل وتكەن سايىن بۇل مەكەن كوركەيىپ, شا­ھارلىقتاردىڭ مەرەيىن تاسىتىپ كەلەدى. ەندى الداعى مامىر ايىندا مەملەكەتتىك قىزمەت­كەر­لەر تاعى دا قونىس تويىن توي­لاماقشى. ويتكەنى كوپ قاباتتى تاعى ءبىر تۇرعىن ءۇي قۇرىلىسى بىتۋگە جاقىنداپتى. كۇمىسجان بايجان. الماتى وبلىسى, قاراساي اۋدانى.