زاڭ جوباسى ءبىراۋىزدان ماقۇلداندى

كەشە پارلامەنت پالاتالارىنىڭ بىرلەسكەن وتىرىسى ءوتىپ, ونى ءماجىلىس توراعاسى ورال مۇحامەدجانوۆ اشىپ, جۇرگىزىپ وتىردى. كۇن ءتارتىبى بويىنشا بىرلەسكەن وتى­رىس­تىڭ قاراۋىنا ءبىر-اق ماسەلە ەنگىزىلدى. ول «قازاقستان رەس­پۋب­ليكاسىنىڭ كونستيتۋتسياسىنا تولىقتىرۋ ەنگىزۋ تۋ­را­لى» زاڭ جوباسىن ءبىرىنشى وقىلىمدا قاراۋ ەدى. اتالعان ماسەلەنى كۇن ءتار­تى­بىنە ەنگىزۋ داۋىسقا قويىلعاندا, ول ءبىراۋىزدان قابىلداندى. وسى­دان كەيىن جاڭا زاڭ جوباسى ءجو­نىندە بايانداما جاساۋ ءۇشىن ءسوز پرەزيدەنت اكىمشىلىگى باسشى­سى­نىڭ ورىنباسارى تالعات دونا­قوۆ­قا بەرىلدى. ول ۇسىنىلىپ وتىر­عان زاڭ جوباسى اتا زاڭنىڭ 53-بابىنىڭ 1-تارماقشاسىنا جانە 91-بابىنىڭ 1-تارماعىنا سايكەس ەلباسى شەشىمىمەن ەنگىزىلىپ وتىرعانىن جەتكىزدى. زاڭ جوباسىنىڭ باستى ماقساتى – كەزەكتەن تىس پرەزيدەنتتىك سايلاۋ وتكىزۋگە كونستيتۋتسيالىق نەگىزدەردى بەلگىلەۋ بولىپ تابىلادى. ول مەملەكەت باسشىسىنا كەزەكتەن تىس پرەزيدەنتتىك سايلاۋ ءوت­كىزۋ جونىندەگى كونستيتۋتسيالىق قۇ­قىق بەرۋدى قاراستىرعان. ءبىزدىڭ­شە, دەدى ول, ۇسىنىلعان زاڭ جو­باسى وسى ماقساتتى ورىنداعان. مىنە, زاڭ جوباسىنىڭ قىسقاشا مازمۇنى وسى, قولداۋلارىڭىزدى وتىنەمىن, دەپ ول ءوزىنىڭ قىسقا بايانداماسىن اياقتادى. بايانداماشىعا ەشقانداي سۇ­راق بولماعان سوڭ زاڭ جوباسىن تال­قىلاۋ باستالدى. العاشقى بو­لىپ ءسوزدى ءماجىلىستىڭ زاڭناما جانە سوت-قۇقىقتىق رەفورما كو­ميتەتىنىڭ مۇشەسى ؟؟؟؟؟ ؟؟؟؟؟؟؟؟ بەرىك بەكجانوۆ الدى. بۇگىن تاۋەلسىز قازاقستان­نىڭ دەموكراتيالى, قۇقىقتىق مەم­لەكەت رەتىندە قالىپتاسۋ كە­زەڭىندەگى تاريحي ماڭىزى بار كۇن. ويتكەنى, ءبىز بۇگىن ەلىمىزدى ودان ءارى دەموكراتيالاندىرا ءتۇسۋ با­عىتىن كوزدەيتىن دامۋدىڭ ال­عى­شارتتارىن قالىپتاستىراتىن تا­ريحتىڭ جاڭا بەتىن اشپاقپىز, دەپ باستادى ول ءوزىنىڭ ءسوزىن تە­رەڭ­نەن تولعاپ. قازاقستان رەس­پۋبليكاسىنىڭ تۇڭعىش پرەزيدەنتى, – ەلباسى نۇرسۇلتان نازارباەۆ مەملەكەت باسشىسىنا كەزەكتەن تىس سايلاۋ وتكىزۋ جونىندەگى كونستيتۋتسيالىق قۇقىق بەرۋ ءجو­نىندەگى زاڭ جوباسىن ۇسىنۋ ار­قى­لى ەلدىڭ ەركىن قولدايتىن دەمو­كراتيالىق قۇندىلىقتارعا جول اشقان تاعى ءبىر ماڭىزدى قادام جاسادى, دەي كەلىپ, ول ەلباسىنىڭ پرەزيدەنتتىك وكىلەتتىگىن 2020 جىلعا دەيىن ۇزارتۋدى قولدايتىن رەفەرەندۋم وتكىزۋ تۋرالى باس­تا­مانى اۋىزعا الدى. مۇنىڭ ءوزى ءبۇ­كىلحالىقتىق قوزعالىسقا اينالعان شارا بولعان ەدى. بىراق مەملەكەت باسشىسى دەموكراتيالىق قۇندى­لىق­تاردى ەسكەرە كەلە, رەفەرەندۋم وتكىزبەۋ تۋرالى شەشىم قا­بىلداي وتىرىپ, حالىق قالاۋىن ءبىلدىرۋدىڭ دەموكراتيالىق ءتۇرى – مەرزىمىنەن بۇرىن سايلاۋ وتكىزۋدى ۇسىندى. ءسويتىپ, ول ءوزىنىڭ ويى مەن پىكىرى, ماقساتى مەن مۇددەسى حالىقپەن بىرگە ەكەنىن كورسەتتى. ءبىزدىڭ ماقساتىمىز – حالىقتىڭ مۇددەسى ءۇشىن قابىلدانعان شەشىمدى كونستيتۋتسيالىق تۇرعىدان بەكىتۋ. قولدانىستاعى اتا زاڭى­مىز پرەزيدەنتتىك لاۋازىمنىڭ كەزەكتى سايلاۋىن وتكىزۋدى عانا قا­راستىرادى, ال ونى وتكىزۋدىڭ ءتار­تى­بى مەن مەرزىمى ارنايى كونستي­تۋتسيالىق زاڭمەن بەكىتىلگەن. ءبىز حالىق بيلىگىنىڭ ۇستەمدىگىن قام­تاماسىز ەتۋ ماقساتىندا ەلىمىزدىڭ وركەندەۋى مەن قوعامدىق تۇراق­تى­لىقتى نىعايتۋدى كوزدەگەن دەمو­كراتيالىق قاعيداتتاردى جاقتاي وتىرىپ, ەلباسىنىڭ ۇسىنىسىن قولداۋىمىز كەرەك, دەپ ءسوزىن اياقتادى. ەكىنشى بولىپ ءسوز العان سەناتور ؟؟؟؟؟ ؟؟؟؟؟؟بەرىك يماشەۆ بۇل باستاما كونستيتۋتسيالىق كەڭەستىڭ «قا­زاق­ستان رەسپۋبليكاسىنىڭ كونس­تي­تۋتسياسىنا وزگەرىستەر مەن تو­لىق­تىرۋلار ەنگىزۋ جونىندەگى» پار­لامەنت 14 قاڭتاردا قابىل­دا­عان زاڭىنىڭ اتا زاڭعا سايكەس­سىزدىگى تۋرالى شەشىمىنە وراي بو­لىپ وتىرعانى بەلگىلى, دەپ باس­تا­دى ءوزىنىڭ ءسوزىن. سولاي دەي وتىرا, كونستيتۋتسيالىق كەڭەس رەسپۋب­لي­كالىق رەفەرەندۋمدا مەملەكەتىمىز ءۇشىن اسا ماڭىزدى بارلىق ءما­سە­لەلەر, سونىڭ ىشىندە تۇڭعىش پرەزيدەنت – ەلباسىنىڭ پرەزيدەنتتىك وكىلەتتىگىن ۇزارتۋ ماسە­لەسى دە شەشىلۋى مۇمكىن دەپ اتاپ ءوتتى. سونىمەن قاتار, اتالمىش زاڭدى كونستيتۋتسيالىق دەپ تاني وتىرا, كونستيتۋتسيالىق كەڭەس بۇل زاڭ بويىنشا پرەزيدەنتتىك وكى­لەت­تىكتى ۇزارتۋ ءبىر رەتتىك نەمەسە كوپ رەتتىك سيپات الا ما, سونداي-اق مەملەكەت باسشىسىن سايلاۋدان باس تارتۋدى بىلدىرە مە دەگەن دۇدامالدىقتى العا تارتتى. ءبىز­دىڭ پىكىرىمىزشە, كونستيتۋتسيالىق كەڭەستىڭ بۇل ۇستانىمى تالاس تۋدىرادى. قۇقىقتانۋشى رەتىندە مەن كونستيتۋتسيالىق كەڭەستىڭ شە­شىمىنە قارسىلىق ءبىلدىرىپ, شا­عىمدانۋ پروتسەسىن باستاۋ لوگي­كالىق جاعىنان سەنىمدى دەر ەدىم. ويتكەنى, كونستيتۋتسيالىق كەڭەس كورسەتكەن ماسەلەلەر اتا زاڭ ارقىلى ەمەس, قاجەتتىگىنە قاراي ءتيىستى كونستيتۋتسيالىق زاڭدارعا سايكەس شەشىمىن تابار ەدى, دەي كەلىپ, دەپۋتات وسى قاتارداعى پىكىرىن: «دەگەنمەن مەن كونستي­تۋ­تسيا­لىق كەڭەستىڭ شەشىمىنىڭ ماڭى­زىن تومەندەتۋدەن اۋلاقپىن», دەپ قورىتتى. بىراق, دەدى ول ءسوزىن ءارى قاراي جالعاستىرىپ, پرەزيدەنت ماسەلە­نىڭ قوعامدىق ماڭىزدىلىعىن ەسكەرىپ, تالاس ماسەلەنى زاڭدىلىق پرو­تسەدۋرالار ارقىلى جالعاس­تى­رۋ جولىن جاۋىپ تاستادى. ءوزىنىڭ قازاقستان حالقىنا جاساعان ءۇن­دەۋىندە مەملەكەت باسشىسى: «مەن كونستيتۋتسيانىڭ ساقتا­لۋى­نا كەپىلدىك بەرۋشى پرەزيدەنت رەتىندە ساياساتشىلاردىڭ كەلەسى بۋىنىنا ءدۇدامال باعدار بەرەتىن پرەتسەدەنتتىڭ جاسالۋىنا جول بەرمەيمىن», دەگەن ەدى. وسى ءسوز­دەر­دەن پرەزيدەنتتىڭ اسا ماڭىزدى ماسەلەنىڭ كونستيتۋتسياعا سايكەس ەمەستىگى تۋرالى كۇمان كولەڭكەسىن دە قالدىرعىسى كەلمەيتىندىگى كو­رى­نىپ تۇر. امەريكا فيلوسوفى فريمان كلارك: «ساياساتكەر كەلەسى سايلاۋ تۋرالى, ال مەملەكەتتىك قايراتكەر كەلەسى ۇرپاق تۋرالى وي­لايدى», دەگەن قاناتتى ءسوز ايت­قان. ەلىمىزدىڭ پرەزيدەنتى ۇسىن­عان فورمۋلاسى ارقىلى قۇقىقتىق جانە دەموكراتيالىق مەملەكەت قۇ­رۋدىڭ جاسامپازدىق جولىن وي­لايتىن جوعارى لاۋازىمدى تۇلعا ەكەنىن كورسەتىپ, ءوزىنىڭ ۇلت كوش­باسشىسى ەكەندىگىن تاعى دا ءبىر رەت ايعاقتادى. ەلباسىنىڭ ءبارى­مىز­دى بىرىكتىرەتىن بۇل باستاماسى كونستيتۋتسيالىق-قۇقىقتىق نەگىزگە يە. اتا زاڭنىڭ 53-بابىنىڭ 1-تار­ماقشاسىندا ەل پرەزيدەنتى­نىڭ ۇسىنىسىمەن پارلامەنت پا­لا­تالارىنىڭ بىرلەسكەن وتىرىسى كونستيتۋتسياعا وزگەرىستەر مەن تولىقتىرۋلار ەنگىزۋدى قاراستىرا الادى دەپ جازىلعان. سونىمەن بىرگە, كونستيتۋتسياعا ەنگىزىلەتىن وزگەرىستەر مەن تولىقتىرۋلاردىڭ جوباسىن پرەزيدەنت پارلامەنت­تىڭ قاراۋىنا ۇسىنادى دەگەن ءتار­تىپ كونستيتۋتسيانىڭ 91-بابىنىڭ 1-تارماعىندا قاراستىرىلعان, دەي كەلىپ, سەناتور پرەزيدەنتتىڭ كەزەكتەن تىس پرەزيدەنتتىك سايلاۋ وتكىزۋ جونىندەگى زاڭ جوباسىن ۇسىنۋى اتا زاڭعا قايشى كەلمەيتىندىگىن اتاپ ءوتتى. مۇنىڭ ءوزى زاڭدىلىق تۇرعىدان عانا ەمەس, سو­نىمەن بىرگە, لوگيكالىق تۇر­عى­دان دا نەگىزدى, دەدى ول. ويتكەنى, پرەزيدەنتتىك لاۋازىمدى اتقارىپ وتىرعان ادام رەتىندە ەلباسى كەزەكتەن تىس سايلاۋ وتكىزۋدى ۇسىن­سا, بۇل ونىڭ جەكە مۇددەسى ەمەس, حالىقتىڭ, مەملەكەتتىڭ, قوعام­نىڭ مۇددەسىن كوزدەگەنىن كورسەت­پەي مە؟ ءتىپتى بۇل جاعدايدا ونىڭ پرەزيدەنتتىك وكىلەتتىگى ەكى جىلعا قىس­قارايىن دەپ وتىرعانى دا بەلگىلى. بىراق ەلباسى وسىنىڭ ءبا­رىنە قاراماي, حالىقتىڭ قالاۋى­مەن كەزەكتەن تىس پرەزيدەنتتىك ساي­لاۋ وتكىزۋدى ۇسىنىپ وتىر. وسى ماسەلەلەردى ەسكەرە كەلىپ, ەل­باسىنا كەزەكتەن تىس پرەزيدەنتتىك سايلاۋ وتكىزۋ تۋرالى قۇقىق بەرۋ قاجەت دەپ ەسەپتەيمىن, دەپ ول ءوزىنىڭ ءسوزىن اياقتادى. ءسوز كەزەگى ءماجىلىس دەپۋتاتى نيكولاي تۋرەتسكيگە بەرىلدى. ءبۇ­گىنگى كونستيتۋتسياعا ەنگىزىلگەلى وتىرعان تولىقتىرۋ سوڭعى ەكى ايدا ەلباسىنىڭ پرەزيدەنتتىك وكىلەتتىگىن ۇزارتۋ تۋرالى ەلىمىزدە باستالعان ديسكۋسسيانىڭ جەمىسى دەپ ەسەپتەيمىن, دەپ باستادى ول ءوزىنىڭ ءسوزىن. رەفەرەندۋم وتكىزۋدى سايلاۋشىلاردىڭ جارتىسىنان كوبى, سونىمەن قاتار قوعامدىق ۇيىم­دار مەن كوپتەگەن ساياسي پار­تيا­لاردىڭ قولداعانى بەلگىلى. بىراق بۇل ديسكۋسسيانىڭ سوڭعى نۇك­تەسىن نۇرسۇلتان نازارباەۆ ءوزىنىڭ رەفەرەندۋمنان باس تارتۋ تۋرالى قازاقستان حالقىنا جاساعان ءۇن­دەۋىندە قويىپ بەردى. ەل­باسى وزىنە دەگەن سەنىم كورسەتكەنى ءۇشىن سايلاۋشىلارعا العىسىن بىلدىرە كەلىپ, ساياساتكەرلەردىڭ كەلەسى بۋىنىنا دۇدامالدىق وي قال­دىراتىن پرەتسەدەنتتىڭ بول­عا­نىن قالامايتىنىن اتاپ ءوتتى. ەلباسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى ۇسى­نىسى ازاماتتىق قوعام مەن حالىقارالىق ۇيىمدار تاراپى­نان قولداۋ تاۋىپ وتىر. مەن دە دە­پۋتات رەتىندە كونستيتۋتسياعا ەنگىزىلەتىن وسى تولىقتىرۋدى قول­داپ, ونى ءبىرىنشى وقىلىمدا ماق­ۇلداۋدى ۇسىنامىن, دەدى ن.تۋرەتسكي. بۇدان كەيىن ءسوز سەنات دە­پۋتاتى, ەكونوميكالىق جانە ءوڭىر­لىك ساياسات كوميتەتىنىڭ حات­شى­سى تالعاتبەك ابايدىلدينگە بەرىلدى. دەپۋتات داۋىسىنا ءدىرىل ءبىتىپ, ءسال-ءپال تولقي سويلەدى. ءۇس­تىمىزدەگى جىلدىڭ 31 قاڭتارىندا قازاقستان رەسپۋبليكاسىنىڭ پرە­زيدەنتى – ۇلت كوشباسشىسى نۇر­سۇلتان نازارباەۆتىڭ حالىق­قا ۇندەۋىن تىڭداعاننان كەيىن قاتىسۋشىلار ءبىزدىڭ پرەزيدەنت كەزەكتى دۇرىس تا ساليقالى شەشىم قابىلدادى دەگەن ويدا بولدى, دەدى تالعاتبەك ءجامشيت ۇلى. مەملەكەت باسشىسى نۇرسۇلتان نازار­باەۆتى ءوز ليدەرى ەتىپ كورگىسى كەلەتىن قازاقستاندىقتاردىڭ قاتا­رى كۇن ساناپ وسۋدە. ميل­ليون­داعان ازاماتتاردىڭ جۇرەگى ءوز تاعدىرلارىن تاۋەلسىزدىكتى العان­نان باستاپ حالقىن باقۋات­تى­لىق­قا ۇنەمى تالماي جانە تۋرا جەتەلەپ كەلە جاتقان ادامعا سەنۋگە بۇرادى. نازارباەۆ ستراتەگياسى – بولاشاقتى ويلاۋ, العا كەتۋگە ارەكەت ەتۋ. حالىقتىڭ, ەلدىڭ جانە قوعامنىڭ مۇددەسىنەن تۋىن­داي­تىن ساياسي ماسەلەلەردى پراگما­تي­كالىق جانە ءتيىمدى شەشۋ نۇر­سۇل­تان ءابىش ۇلىنىڭ ايرىقشا قا­سيەتتەرى سانالادى. قازاقستاندى اياعىنان نىق تۇرعىزۋ جانە دا­مى­تۋداعى ەلباسىنىڭ ەرەن ەڭبەگى حالىق تاراپىنان قولداۋ تاۋىپ, وبەكتيۆتى باعاعا يە. شىنتۋاي­تىندا بۇل جىلدار پرەزيدەنت پەن قوعام ءۇشىن دە وڭاي بولعان جوق. مەملەكەت باسشىسىنىڭ پرەزيدەنتتىك سايلاۋدى مەرزىمىنەن بۇرىن وتكىزۋگە تاعى دا بارۋى تۋرالى شەشىمى ۇلت كوشباس­شى­سىنىڭ ءوز پرينتسيپىنە ادالدىعىن, ونىڭ دۇرىس جولدى تاڭداعانىن كورسەتەدى. كەز كەلگەن جاعدايدا ەلباسى دەموكرات بولىپ قالا بەرەدى. ءوز حالقىنا بەرگەن ۋادەسىن پرەزيدەنت ورىندادى. ەلىمىز كونستيتۋتسيا پرينتسيپتەرىن ساق­تاي وتىرىپ, نۇرسۇلتان ءابىش ۇلى زاڭنامالىق نەگىزدە سالماقتى دا ءابسوليۋتتى دەموكراتيالىق شەشىم قابىلدادى. سوندىقتان دا ءارىپ­تەس­تەرىمدى «قازاقستان رەس­پۋب­ليكاسىنىڭ كونستيتۋتسياسىنا تولىقتىرۋ ەنگىزۋ تۋرالى» زاڭ­نىڭ جوباسى جونىندەگى ماسەلەنى ءبىرىنشى وقىلىمدا ماقۇلداۋعا شاقىرامىن, دەپ اياقتادى ءسوزىن ت.ءابايدىلدين. اتا زاڭعا تولىقتىرۋ ەنگىزۋ جونىندەگى ماسەلەگە قاتىستى پىكىرىن بىلدىرە كەتكەن ءماجىلىس دە­پۋتاتى سەرىك تەمىربولاتوۆ پرە­زي­دەنتتىڭ كونستيتۋتسيانىڭ 41-با­بىنا تولىقتىرۋ ەنگىزۋ تۋرالى ۇسىنىسىن قولدايتىنىن بىلدىرە كەلىپ, ارىپتەستەرىن وسى قۇجاتقا ءبىرىنشى جانە ەكىنشى وقىلىم­داردا داۋىس بەرۋگە شاقىردى. وسى رەتتە دەپۋتات زاڭدىق قۇجات ءوزىنىڭ ماعىناسى جاعىنان ما­ڭىز­دىلىعىن, الايدا كولەمى جاعىنان شاعىن بولعاندىقتان, ونى ەكىنشى وقىلىمعا پىسىقتاۋ ءۇشىن بىرلەسكەن كوميسسيا قۇرۋدىڭ قاجەتى جوقتىعىن العا تارتتى. ەنگىزىلەتىن تولىقتىرۋ مەملەكەت باسشى­سىن مەرزىمىنەن بۇرىن سايلاۋ جونىندەگى قازاقستان رەسپۋب­لي­كا­سىنىڭ پرەزيدەنتى ن.­ا.نا­زار­باەۆتىڭ شەشىمىن جۇزەگە اسىرۋ ءۇشىن قۇقىقتىق الاڭ قۇرۋمەن بايلانىستى. نەگىزىنەن كونستيتۋتسيادا كەزەكتەن تىس سايلاۋ وتكىزۋ ماسەلەسى قاراستىرىلماعان. سون­دىق­تان كونستيتۋتسيانىڭ 41-با­بى­نا تولىقتىرۋ ەنگىزۋ مەرزىمىنەن بۇرىن پرەزيدەنتتىك سايلاۋ وتكىزۋ تەتىگىن قاراستىراتىن «قا­زاقستان رەسپۋبليكاسىنداعى سايلاۋ تۋرالى» جانە «قازاقستان رەس­پۋبليكاسىنىڭ پرەزيدەنتى تۋ­رالى» كونستيتۋتسيالىق زاڭدارعا وزگەرىستەر مەن تولىقتىرۋلاردى ەنگىزۋگە مۇمكىندىك بەرەدى. سونداي-اق دەپۋتات بىلىكتى زاڭ­گەر رەتىندە پارلامەنت تاراپىنان كونستيتۋتسياعا تۇزەتۋلەرگە كونس­تيتۋتسيالىق كەڭەستىڭ شىعارعان شەشىمىنە دە ءوز ويىن بىلدىرە كەتتى. ول مۇنداي قادامدى 5 ميلليوننان استام ادامنىڭ ەركىنە باي­لانىستى جاسالعاندىعىمەن ءتۇ­سىن­دىردى. ياعني, دەپۋتاتتار كونس­تيتۋتسيانىڭ 3-بابىنىڭ 3-تار­ما­عىن نەگىزگە الا وتىرىپ, وزدەرىنىڭ كونستيتۋتسيالىق وكىلەتتىگىنە ءساي­كەس ارەكەت جاساعان. دەپۋتات وسى رەتتە باسقاشا ارەكەت ەتۋ دە مۇمكىن بولماعاندىعىن العا تارت­تى. الايدا اتالعان زاڭدىق قۇجات بويىنشا كونستيتۋتسيالىق كەڭەس شەشىم شىعارسا, پرەزيدەنت وعان ءوزىنىڭ قارسىلىعىن بىلدىرمەگەن. بۇل شەشىم قايتا قاراۋعا جاتپايدى. سوندىقتان دا كونستيتۋتسيالىق كەڭەس شەشىمى قۇرمەتتەلەدى جانە باسشىلىققا الىنادى, دەدى سەرىك عاب­دوللا ۇلى ءسوزىنىڭ سوڭىندا. قۇرمەتتى ارىپتەستەر, دەپ ءسوزىن باستاعان سەنات دەپۋتاتى الەكساندر ساۆچەنكو بى­لاي دەدى: كونستيتۋتسيالىق كەڭەس ەلىمىزدىڭ تۇڭعىش پرەزيدەنتىنىڭ وكىلەت­تىگىن 2020 جىلعا دەيىن ۇزارتۋعا ارنالعان رەسپۋبليكالىق رەفەرەندۋم وتكىزۋ جونىندەگى ءبىزدىڭ زاڭىمىز كونستيتۋتسياعا ءساي­كەس ەمەس دەپ تاپقاننان كەيىن مەملەكەت باسشىسى حالىققا ءۇن­دەۋ جاريالاپ, پرەزيدەنت ساي­لاۋىن مەرزىمىنەن بۇرىن وتكىزۋ تۋرالى ۇسىنىس ەنگىزدى. دە­پۋ­تاتتىڭ پايى­مىنشا, پرەزيدەنت وسىلاي­شا تاراپتار مۇددەسىنىڭ ىمىراعا كەلۋىنە قول جەتكىزىپ وتىر. بىزدەر, دەپۋتاتتار كورپۋسى جانە 5 ميلليوننان استام ساي­لاۋ­شىلار ارمياسى, ەلىمىزدىڭ تۇڭ­عىش پرەزيدەنتى – ۇلت كوش­باس­شىسى نۇرسۇلتان نازارباەۆ بىزبەن بولادى, بار جانە ارقاشان بىرگە دەگەن ءوز پىكىرىمىزدى بىلدىردىك, دەدى سەناتور. سوندىقتان دا باستاعان ءىسىمىزدى بىرگە اياقتاۋ, ەلىمىزدى الەمنىڭ باسەكەگە قابىلەتتى ەلدەرى ساناتىنا قوسۋ باعى­تىنداعى قادامدارىمىزدى ءارى قاراي جالعاستىرامىز. پارلامەنت پالاتالارىنىڭ كەشەگى بىرلەسكەن وتىرىسىنىڭ كۇن تارتىبىنە شىعارىلعان ماسەلە بويىنشا سويلەيمىن دەگەن دەپۋتاتتار ءالى دە كوپ ەدى. الايدا ولاردىڭ بارلىعىنىڭ پىكىرى ءبىر جەردەن شىعىپ جاتقاندىقتان, ءرا­سىم بويىنشا ءسوز العان سەنات دەپۋتاتى يران ءامىروۆ تالقى­لاۋدى وسىمەن توقتاتۋعا شاقىر­دى. سەناتوردىڭ بۇل ۇسىنىسى ارىپتەستەرى تاراپىنان قولداۋ تاپتى. سونداي-اق قوس پالاتا دە­پۋتاتتارى «قازاقستان رەسپۋب­لي­كاسىنىڭ كونستيتۋتسياسىنا تو­لىق­تىرۋ ەنگىزۋ تۋرالى» قازاق­ستان رەسپۋبليكاسى زاڭىنىڭ جو­با­سىن ءبىرىنشى وقىلىمدا ءبىر­اۋىزدان ماقۇلدادى. اتالعان زاڭ­دىق قۇجاتقا سەناتتىڭ – 42, ال ءماجىلىستىڭ 105 دەپۋتاتى قولداپ داۋىس بەردى. ءبىرىنشى وقىلىمدا قولداۋ تاپقان زاڭدىق قۇجات ءتارتىپ بويىنشا سول كۇنى كۇن تارتىبىنە ەكىنشى وقىلىمدا قاراۋ ءۇشىن ەنگىزىلدى. زاڭ جوباسىنىڭ ءمانى بارشاعا تانىس بولعان­دىق­تان, ەشقانداي پىكىر بولا قويعان جوق. ءماجىلىس توراعاسى ورال مۇحامەدجانوۆ زاڭ جوباسىن ەكىنشى وقىلىمدا داۋىسقا قوي­عان­دا, ول دەپۋتاتتار تاراپىنان ءبىر­اۋىز­دان قابىلداندى.