العان اسەرىم شەكسىز

تاي ان كۆون, وڭتۇستىك كورەيا قۇراماسىنىڭ حوككەيشىسى. قازاقستاندى مەن ۇزدىكسىز دامۋ ۇستىندەگى ەل رەتىندە تانيمىن. بۇل ەلدى ەستىگەندە, ءوز قۇندى­لى­عىن جويماعان, قۇتتى قادام­دارى­مەن تەك العا قاراي قارىشتاپ كەلە جاتقان مەملەكەت پەن ايداي اسەم, جاڭا عيماراتتارعا وتە باي استانا قالاسى كوزگە ەلەستەيدى. ءوزىم حوككەيشى بولعاندىقتان, الەم­دەگى حوككەي كوماندالارى جاي­لى جاڭالىق­تاردى ۇزبەي با­قى­لاپ وتىرامىن. سول سەبەپتى دە, قازاق ەلىنەن از دا بولسا, حا­بارىم بار. سونىڭ ىشىندە, «بارىس» كو­مان­داسى جونىندە كوپ ەستىگەنمىن. ءوز باسىم, قازاق­ستان­دىق حوككەيشىلەردى ەرەكشە باعا­لايمىن. بۇل ەلدەگى حوككەي سپورتى بارىنشا دامۋ ۇستىندە. الداعى ۋاقىتتاردا دا بيىك بەلەستەردەن كورىنەتىنىنە كۇمانىم جوق. قىسقى ازيا ويىندارىنىڭ قازاق ەلىندە وتەتىندىگىن, وسى ەلگە كەلۋ مۇمكىندىگى ماعان دا بەرىلگەندىگىن ەرەكشە ماقتانىشپەن قاسيەت تۇتامىن. سىرتتاي ءبىلىپ جۇرگەن ەل جايلى, وسىندا كەلەتىنىم بەلگىلى بولعان كۇننەن باستاپ, عالامتور­دان قازاقستاندى ىزدەۋ كۇندەلىكتى ادەتىمە اينالدى. تاعى دا ايتقىم كەلەتىنى, بۇلاي تەك قانا مەن ەمەس, مەنىڭ جولسەرىكتەرىم مەن باسقا دا سپورتشىلار ەرەكشە نازار اۋدار­عان­دىعىنا سەنىمدىمىن. تاۋەلسىزدىگىنە 20 جىل تولۋ ءۇس­تىن­دە تۇرعان جاس قازاقستانعا وسى قىسقى ازيا ويىندارىنىڭ ءناتي­جەسىندە ءوزىنىڭ وڭ ءيميدجىن وزگە مەملەكەتتەرگە تانىتۋدىڭ رەتى كەلىپ تۇرعانداي. ال مۇندا كەلگەلى بەرى, شىنىن ايتقاندا, تىنىمسىز جاتتىعۋدان بوس ۋاقىت بولماي, قا­لانىڭ كورنەكتى نى­سان­­دارىن ارا­لاۋدىڭ ءساتى تۇسپەي وتىر. بۇگىندە تەك دۇكەندەردى عانا ارالاپ ءجۇر­مىز. بۇل جاقتىڭ تا­عام­دارىن, نە اتاۋلارى مەن ق­ۇ­رامىن ءتۇسىنۋ ءبىز سياقتى شەتەلدىكتەرگە اسا قيىن. الايدا, شە­­تەل­دەردەن كەلگەن سپورت­شىلارعا ارنايى ۆولونتەرلار ءبول­گەننىڭ ناتيجەسىندە, ءوز ەلىمىزدە جۇرگەن­دەي ەركىن سەزىنۋدەمىن. ولار كۇنى بويىنا ءبىزدىڭ جانىمىزدا ءجۇرىپ, قاجەت بولعان جاعدايدا كەز كەلگەن ۇلتتىڭ وكىلدەرىمەن ءتىل­دەسۋدىڭ, قاي نىسانداردى ارالاپ, قانداي تاعاممەن تاماقتانۋدىڭ رەتىن تۇسىندىرۋدە. قىسقى ازيا ويىن­دارىن ۇيىمداستىرۋ كوميتەتى وسى جاعىنا ەرەكشە نازار اۋ­دار­­عاندىعى ءۇشىن العىسىم شەكسىز. ورنالاستىرعان قوناق ءۇي دە تاماشا جابدىقتالعان. بۇلاردىڭ بارلىعى جاس قازاقستان ءۇشىن ءۇل­كەن جەتىستىك. وسىنداي جاس مەم­­لەكەت پەن تازا قالانى تاما­شا­لاۋعا كۋاگەر بولۋىم – سپورتقا دەگەن قىزىعۋشىلىقتان تۋىنداپ وتىر. مۇنداي حالىقارالىق جا­رى­س­قا قاتىسقانىم ءۇشىن, قازاق جەرىنە تابان تىرەگەنىم ءۇشىن باقىتتىمىن. ازيادا قاتىسۋ­شى­لارىنا تەك جەڭىس, قازاقستان ەلىنە ءىرى جەتىستىكتەر تىلەيمىن. جۇلدىز ءبايدىلدا.