الەكساندر تكاچۋك: «ءاربىر مەدال ءۇشىن كۇرەسەتىن بولامىز»

ءVىى قىسقى ازيا ويىندارىنىڭ باس ءباسپاسوز ورتالىعىندا شاڭ­عى-بيات­لونى كەشەندەرىندە ءوتىپ جات­قان جارىستاردىڭ ءبىرىنشى كۇنى اياق­تا­لۋى­نا بايلانىستى ءباسپاسوز ءماسلي­حاتى ءوتتى. ويىن قورىتىندىسىنا بايلانىستى قازاقستان بياتلون كو­مانداسىنىڭ باس جاتتىق­تىرۋ­شى­سى الەكساندر تكاچۋك جۋرناليستەرمەن وي ءبولىستى. ءباسپاسوز ءماسليحاتىنا 7,5 شاقىرىمدىق سپرينتتە جەڭىم­پاز اتانعان قىتايلىق ۆان چۋنلي (Wang Chunli) قازاقستان بياتلونى بويىنشا مەملەكەتتىك جاتتىقتىرۋ­شى سافيا تەلەۋباەۆا جانە حا­لىقارالىق بياتلونشىلار وداعى­نىڭ دەلەگاتى (IBU) ۆلاديمير پيلبەرگ قاتىستى. «ءبىر سوزبەن ستاديوندا سالتانات قۇرعان سەزىمدى ايتىپ جەتكىزۋ مۇمكىن ەمەس. بۇل تاماشا! قازاقستاندىق سپورتشىلاردى ماراپاتتاۋ باستالعاندا ەل ورنىنان تۇرىپ, ءانۇراندى شىرقاپ كەتتى», – دەيدى سافيا تەلەۋباەۆا. قىتاي بياتلونشىسى ۆان چۋن­لي سپورتشىلار ءۇشىن جاسالعان تراس­سالاردىڭ ساپاسىنا ەرەكشە توق­تالىپ ءوتتى. «تاماشا تراسسا. ەشقان­داي كىنارات ارتا المايسىڭ. اۋا رايى دا بىزگە كومەكتەسكەندەي جى­لىپ كەتتى, جەل بولمادى. سپورت كەشەنى دە زامان تالابىنا ساي سالى­نىپتى, تريبۋنالار مەن جانكۇيەر­لەر جايعاساتىن ورىندار دا كەڭ». ال, قىزدار اراسىنداعى سپرينتتە ەلەنا حرۋستالەۆانىڭ اسپاناس­تى ەلىنەن كەلگەن باسەكەلەسىنە جول بەرىپ قويعانىنا قازاقستاندىق تاراپ ازداپ قىنجىلىپ وتىر­عان­دارىن جا­سى­را المايدى. ارينە, لە­نانىڭ جانكۇيەرلەرى جەتكىلىكتى ەدى. دەگەنمەن, قازاقستان قۇراما­سى­نىڭ باس باپكەرى الەكساندر تكاچۋك سابىر ساقتاي وتىرىپ: «ازيا ويىن­دارىنا قورىتىندى جاساۋ ءالى ەرتەرەك. ءبىز سپرينتتەن التىن الا­مىز دەپ دامەلەنگەن جوقپىز. ەلەنا حرۋستالەۆا 15 شاقىرىمدىق جەكە جارىستا مىقتى. ءبىز سول التىننان ءۇمىتتىمىز. بۇگىنگى كۇن دە ءبىز ءۇشىن ولجا­سىز بول­عان جوق. مەن ازيا­دانىڭ ءاربىر مەدالى ءۇشىن سوڭىنا دەيىن بارىمىزدى سالا­تىنىمىزدى مالىمدەيمىن!», دەدى. بياتلونشىلار ءباسپاسوز ءماسلي­حا­تىن­دا جارىس نىسانىنداعى العاش­قى كۇننىڭ كەدەرگىسىز بولماعانىن اي­تا­دى. بىراق, ول حالىقارالىق بيات­لون­شىلار وداعىنىڭ وكىلى (IBU) ۆلاديمير پيلبەرگتىڭ ايتۋىنشا, بۇل ماسەلە جەدەل شەشىلگەن. «قازاق­ستان ءۇشىن ازيا ويىندارى وسىنداي ۇلكەن اۋقىمداعى شارالاردىڭ ءبىرىنشى ساباعى عانا ەكەندىگىن بولە-جارا ايتا كەتكىم كەلەدى. سوندىقتان, ازدا­عان كەمشىلىكتەر ورىن الىپ جاتسا, وعان كوز جۇمىپ قاراۋ كەرەك. بۇل – بار بولعانى العاشقى تاجىريبە», دەدى ۆلاديمير پيلبەرگ. ايناش ەسالي.