جۇلدىزداي اققان جۇيرىكتەر

قىسقى سپورت تۇرلەرىنىڭ ىشىندە جەڭىمپازداردىڭ تاعدىرىن سە­كونتتەر شەشەتىن جارىستىڭ ءبىرى كون­كيمەن سىرعاناۋ ەكەنى بەلگىلى. كەشە استاناداعى كونكيمەن سىر­عا­­ناۋ جابىق ستاديونىندا سپورت­تىڭ وسى تۇرىنەن وتكەن 500 مەترلىك قا­شىقتىقتاعى باسەكەدە جەڭىم­پازدار مەن جۇلدەگەرلەر انىقتال­دى. مۇن­دا اتالعان جارىس بويىن­شا ءۇش ءمار­تە ازيا رەكوردى تىركەلدى. وكىنىشكە وراي, بۇل سىندا جەرلەستەرىمىز ءجۇل­دەلى ورىنداردان كورى­نە المادى. كونكيمەن سىرعاناۋ ستاديو­نىن­دا باق سىناعان ازيانىڭ سايىپ­قىراندارى ءبىرىنشى ايەلدەر اراسىن­داعى جارىستى قورىتىندىلادى. ون مىڭ ادام سياتىن ستاديونعا ار­تى­نىپ-تارتىنىپ بارعان جەرگىلىكتى جان­كۇيەرلەر ولارعا دەم بەرىپ وتىر­دى. بۇل قاشىقتىقتاعى جارىس­تا ايەلدەر اراسىندا قىتاي قىز­دارىنا تەڭ كەلەر ەشكىم بولمادى. مۇز ايدىنىندا قۇستاي ۇشقان قى­تايلىق قىز يۋ دجين ءوزىنىڭ وتاندا­سى ۆان بەيسيننىڭ 2007 جىلى قاڭتاردا كور­سەت­كەن رەكوردىن 0,17 سەكونتكە جاڭا­لاپ, ءبىرىنشى جۇگىرۋدە 37,85 سەكونت ناتيجە كورسەتتى. ال جالپى ەسەپتە ول ۆ.بەيسينگە تيەسىلى رەكوردتى 0,01 سەكونتكە جاڭالاپ, 76,09 سەكونت ءنا­تي­جەسىندە اق ازيا­دانىڭ التىن القاسىن تاقتى. كۇمىس مەدال ۆان بەيسينگە بۇيىردى. ول وتانداسىنا 0,44 سەكونتكە جول بەردى. ايتۋلى دوداداعا جۇلدەگەرلەر ۇشتىگىن ءوڭتۇس­تىك كورەيادان كەلگەن سپورتشى لي سان حۋا قورى­تىن­دىلادى. ەرلەر اراسىنداعى جارىس جولى جانكۇيەرلەردى تەك جەلپىندىرۋمەن بولدى. ءبىرىنشى جۇگىرىستە جاپوندىق جامپوز كاتو دجودجي وسىدان ءتورت جىل بۇرىن ورناعان قۇرلىقتىق رە­كورتتى جاڭارتتى. ول جارىستىق قا­شىقتىقتى 35,02 سەكونتتە سىرعىپ ءوتىپ, ەكىنشى جۇگىرىستە الگى ناتيجە­سىن تاعى 0,04 سەكونتكە جاقسارتتى. قوس جۇگىرىستىڭ قورىتىندى ەسەبى بويىنشا كاتو دجودجي ازيادانىڭ التىن القاسىن يەلەندى. ول ءوڭتۇس­تىك­كورەيالىق سپورتشى لي كان سەوكتان 0,35 سەكونتكە وزدى. ال ءۇشىنشى تۇعىرعا كاتو ءدجودجيدىڭ جەرلەسى ناگاشيما كەيچيرو كوتەرىلدى. جارىستىڭ قىزىقتى وتۋىنە وعان تىلەۋلەس جۇرتتىڭ كوپتەپ دەم بەرۋى ەكە­نىن وسى جارىستى تاماشالاۋدا تا­عى ءبىر كوز جەتكىزدىك. جا­پوندىق جام­­­پوزداردىڭ جانكۇيەر جۇرتى جان-ءتان­دەرىمەن جا­لاۋ­لارىن ۇستاپ, ۇران­داپ تۇرعان­دا­رىن كورگەن­دە ەرەكشە ريزا بولاسىڭ. سپورتتى قاي تۇرىنەن بولما­سىن, قادىر­لەۋگە بارىن سالاتىن جاپون­د­ىق جان­كۇيەرلەردىڭ سپورتشى­لارىن جىگەرلەندىرىپ وتى­رۋى جيىل­عان جۇرت­تى تامسان­دىرماي قويماي­دى. ولار جانكۇيەرلىكتىڭ نا­عىز ۇلگى­سىن كور­سەتتى بىزگە وسى ويىن بارىسىندا. جال­پى, قىسقى سپورت ءتۇرى ايتۋعا دا, ونەر كورسەتۋگە دە وڭاي ەمەس. ونىڭ ۇستىنە ازيانىڭ ازۋىن اي­عا بىلەگەن حاس جۇيرىكتەرى كەلىپ وتىرعا­نىن ەسكەرسەك, جۇلدە الۋ­دىڭ قانشا­لىق­تى جۇگى اۋىر ەكەنىن انىق بايقايسىز. ءابدىراحمان قىدىربەك.