الەم چەمپيوناتى بىزدە وتەدى

كەشە قىسقى ازيا ويىن­دا­رىن­دا دوپتى حوككەيدەن جارىس باستالدى. الماتىداعى «مەدەۋ» مۇز ايدىنىندا قىرعىزستان جانە موڭعوليا كوماندالارى كەزدەستى. بىراق وسىناۋ سپورت ءتۇرى جان­كۇيەرلەرىن سول كەزدەسۋ الدىن­داعى ءبىر شارا ايرىقشا قۋانتتى. وندا دوپتى حوككەيدەن كەلەسى جىلعى الەم چەمپيوناتى ءبىزدىڭ ەلىمىزدە, ءتىپتى ناقتىراق ايتساق, وسى «مەدەۋ» مۇز ايدىنىندا وتەتىنى جاريالاندى. بۇل راسىمگە الماتى قالاسى­نىڭ اكىمى احمەتجان ەسىموۆ پەن حالىقارالىق دوپتى حوككەي (بەندي) فەدەراتسياسىنىڭ پرەزيدەنتى بوريس سكرىننيك قاتىسىپ, رەسمي تۇردە 2012 جىلعى الەم چەم­پيوناتىنىڭ تۋىن ەندىگى سول جا­رىستىڭ يەلەرىنە تاپسىردى. قۇت­تىقتاۋ سوزىندە قالا اكىمى ەسىموۆ مىرزا سول ۇلكەن جارىس بۇگىنگى كۇندەرى جۇرتشىلىقتىڭ كوڭىلى­نەن شىعىپ وتىرعان ازيا ويىن­دارىنداعىداي جوعارى دەڭ­گەيدە وتەتىنىنە سەنىم ءبىلدىردى. ەندى ازيادا اۋقىمىنداعى دوپ­تى حوككەي جارىسىنا كەلسەك, ال­عاش­قى كەزدەسۋدە موڭعول حوككەيشىلەرى وزدەرىنىڭ قىرعىز ءارىپ­تەس­تەرىن ۇلكەن ەسەپپەن ويسىراتا جەڭدى. 17:2 ەسەبى استە دە كوماندالار كۇشىنىڭ ارا سالماعىن بىلدىرمەيدى. ەسەپ بۇدان دا ءىرى بولاتىن-اق ەدى, بىراق العاشقى كەزەڭدە ەسەپتى 13:1-گە جەتكىزگەن سوڭ, موڭعول حوككەيشىلەرى ەكىنشى كە­زەڭدى جاتتىعۋ دەڭ­گەيىندە وتكىزدى. سودان دا ويىننىڭ قىزىعى بو­لىڭ­قىرامادى. حالىقارالىق ۇلتتىق حوككەي فە­دەراتسياسىنا ازيادان ءتورت-اق ەل ءمۇ­شە. بيىلعى ازياداعا ءۇن­دىستان كو­مانداسى كەلە الما­عان­دىقتان, ءجۇل­دە­لى ورىندى قازاق­ستان, موڭعوليا ءجا­نە قىرعىزستان كوماندالارى ءبو­لى­سەدى. بۇگىن ءبىز­دىڭ دوپتى حوككەيشىلەرىمىز قىر­عىزستان جىگىتتەرىمەن كەزدەسەدى. ماماديار جاقىپ.