ارنايى ساپار

حالىقارالىق وليمپيادا كوميتەتىنىڭ (حوك) باسشىسى جاك روگگە رەسمي ساپارمەن الماتىعا كەلدى. ونىڭ قازاقستانعا كەلۋى قىس­قى ازيا ويىندارىنىڭ باستا­لۋىنا قاتىستى بولاتىن. بۇل ءوز كەزەگىندە اسا بەدەلدى الەمدىك سپورت ۇيىمى باسشىسىنىڭ ءبىزدىڭ ەل تاريحىندا العاشقى رەسمي كەلۋى بولىپ ەسەپتەلەدى. جاك روگگە الماتىعا كەلگەن كۇنى شاڭعى-بياتلون كەشەنىندە بولدى. ول قىزداردىڭ بياتلون جانە جاقىن قاشىقتىققا جۇگىرۋ جارىسىندا جەڭىپ شىققانداردى ماراپاتتاۋ سال­­تا­­ناتىنا قاتىستى. سونداي-اق, شىمبۇلاق بازاسىن تاماشالادى. مۇندا ول كەزدە تاۋ شاڭعىسىنان جارىس ءوتىپ جاتقان-دى. سونى­مەن قاتار بالۋان شولاق اتىنداعى سپورت سارايىندا بولىپ, قىزدار­دىڭ شايبالى حوككەيدەن وتكىزىپ جاتقان جارىسىنا نازار اۋداردى. حوك باسشىسى قۇتتىقتاۋ س­و­زىن­دە بىلاي دەدى: « وتكەن جىلدىڭ قاراشا ايىندا گۋانچجوۋ قالا­سىن­دا بولعان جازعى ازيا ويىن­دارىنىڭ تابىستى وتكەنىنەن كەيىن ءدۇبىرلى جارىستىڭ قازاقستاندا دا جوعارى كاسىبي دەڭگەيدە وتەتىندى­گىنە سەنەمىن. ازيادا ويىندارىنىڭ سالتا­نا­ت­تى اشىلۋى تابىستى ءوتتى. قازاق­ستان ويىنعا سونشالىقتى مىقتى دايىندالعانىن پاش ەتتى. مەن قا­زاقستاندىقتاردىڭ ازيا ويىن­دا­رىن­دا كوتەرىڭكى كوڭىل-كۇي تانىتا­تىن­دىعىنا سەنەمىن. ال مۇنىڭ ءوزى سپورتشىلاردىڭ, كورەرمەندەردىڭ ءجا­نە بارلىق قاتىسۋشىلاردىڭ ەسىن­دە ماڭگى قالادى. ويىنعا دايىندىق بارىسىندا جاسالعان شارالاردىڭ ءبارى قا­زاقستان سپورتشىلارىنىڭ الداعى جارىسقا دايىندىعى ءۇشىن عانا ەمەس, سونىمەن بىرگە بۇكىل قازاقستان حالقىنىڭ تۇرمىس-تىرشىلىگىنە دە پايدالانىلادى».