جارايسىڭ, جىبەك!

ىلە الاتاۋىن باۋرايلاپ جات­قان «تاباعان» سپورتتىق كەشەنىندە ەرلەر  اراسىنداعى فريس­تايل­دىڭ شاڭعى اكروباتيكاسى بويىن­شا جارىستار اياقتالدى. فريستايل موگۋلىنداعى ەرلەر مەن قىزدار اراسىنداعى ەكى التىندى دا جەكسەنبىدە قازاقستان جەڭىپ ال­سا, اك­رو­باتيكانىڭ قوس التى­نىن قىتاي­لىقتار قانجىعاسىنا بايلادى. فريستايل اكروباتيكاسى دا سپورت­تىڭ قاۋىپتى ءتۇرى سانالادى. بۇل دوداعا جۇرەك جۇتقاندار عانا بارا الماق. شاڭعىمەن اۋادا شىر كوبەلەك اينالىپ بارىپ, جەرگە ءسات­تى قوناقتاماساڭ جەلكەڭ ءۇزىل­مە­سە دە, ەڭ بولماسا اياعىڭ سىنادى. سون­دىقتان  بولار, ءبىزدىڭ موگۋلدان ال­تىن­نان القا تاققان وتانداس­تارى­مىز جەڭىستىڭ باسى الدىمەن ءوز قورقىنىشىڭدا جەڭۋ ەكەندىگىن ايتقان. وسىلايشا اۋە اكروباتيكا­سىندا ەكى رەت اۋادا شاڭعىمەن تاماشا تريۋك­تەر جاساعان قىتايلىق دجيا زونگيانگ  220,70 بالل الىپ, باس ءجۇل­دە­نى يەم­دەندى.  ونىڭ جەرلەسى ليۋ جونگ­­كينگ  210,16 باللمەن كۇمىس ءجۇل­دەگە يە بولدى.  قازاقستاندىق رۋس­لان ابلياتيفوۆ 180,30 بالل جيناپ, قولا جۇلدە تاقتى. تاعى ءبىر جەرلەسىمىز سەرگەي بەرەستوۆسكي ءتورتىن­شى ورىن­عا تابان تىرەدى (150,03 بالل). وسى كەزدە سولداتساي شاتقا­لىندا فريستايلدان قىزدار اراسىن­دا اۋە اكروباتيكاسى جارىسىنىڭ جۇلدەگەرلەرى دە انىقتالدى. التىن مەدالدى قىتاي سپورت­شىسى دجانگ كسين (151,45 بالل) جەڭىپ الدى. ول – قازاقستاندىق ماماندار «ۇزدىك اتانادى» دەپ بولجاعان جەرلەسىمىز جىبەك اراپباەۆادان وزدى (109,93 بالل). ناتيجەسىندە جىبەك ەكىنشى ورىن­دا. تۇعىردىڭ ءۇشىنشى ساتىسىندا يانگ يۋ (109,56 بالل) تۇر. قازاقستاندىق اقمار­جان قالمىرزاەۆا بەرىلگەن ەكى ءمۇم­كىندىكتىڭ قورىتىن­دىسى بويىنشا سوڭعى – ءتورتىنشى ورىندى قاناعات ەتتى. جارىس باستالار الدىن­داعى اۋىز اشتىرىپ, تاڭداي قاقتىرعان سپورتشى قىزدار­دىڭ العاشقى جات­تىعۋىنان كەيىن, ءدال ايت­قاندا, 10:20 مينوتتە اكرو­باتشى جىگىتتەر شەبەرلىك دەڭگەيلەرىنە قاراي توپ-توپقا ءبولىندى. ول جا­رىس­­تىڭ باعدارلاماسى بو­يىن­­شا اكروباتتار سالتو جانە سەكىرۋ جات­تى­عۋلارىن ورىن­­دادى. ولار ىرىكتەۋ سى­نىن­دا دا, سونداي-اق اقتىق باسەكەدە دە ءبىر-ءبىر رەتتەن جارىس جولىنا شىعىپ, وسى ەكى جاتتى­عۋدىڭ ناتيجەلەرى جالپى ەسەپكە ەندى. اكروباتتار جارىس بارى­سىندا ءار ءتۇرلى جاتتىعۋ ەلە­مەنت­تەرىن ورىن­داپ, جارىستى قازاق­ستاندىق سپورت­شى­لار  ميحايل ليحومانوۆ پەن يليا بۋگروۆ باستادى. جارىستا ءۇش ەلدىڭ – قىتاي, جاپونيا, قازاقستان اكروبات­تارى ءوزارا مەدالدار جيىن­تى­عىن بولىسكە سالدى. سپورت­شى­لاردىڭ حالىقارا­لىق جا­رىس­تار­دا قان­داي ورىن الىپ ءجۇر­گەن­دەرىنە جانە FIS اي­قىن­داعان ءدا­رە­جەلىك دەڭ­گەيىن ەسەپكە ال­عان­دا, ءبىرىنشى ورىن­نان قى­تاي اكرو­باتتارى ءبىر­دەن-ءبىر ءۇمىت­كەر ەدى.  بىراق, 30 جاس­تاعى جا­پون­­دىق اكروبات­شى تا­بارۋ ناويۋدى دا قار­سىلاس­تارى ەستەن شىعا­رۋعا بول­مايتىن­دى­عىن ايتقان. ­شاڭعى اكروباتيكاسى جا­رى­سىن­دا سپورتشىلار ارنايى جا­سال­عان ترامپليننەن كۇر­دەلى­لىگى ەكى ءتۇرلى تالاپتار بو­يىن­شا ءساي­كەس سەكىردى. ازيادادا فريس­تايل­شىلاردا نە­بارى ەكى رەت سەكىرۋ مۇمكىندىگى بول­دى – كۆاليفيكاتسيادا جانە فينالدا. قورى­تىن­دى ەسەپتە ولار­دىڭ وسى ەكى سەكىرىستە جينا­عان ۇپايلارى سانالدى. ايناش ەسالي. الماتى.