جۇلدەگەر

شاڭعىمەن تۇعىردان سەكىرۋ قىسقى ازيا ويىندارىندا شاڭ­عىمەن تۇعىردان سەكىرۋ بۇ­قارالىق سيپات الا قويماعان سپورت ءتۇرىنىڭ ءبىرى. وعان, ءسىرا, ونىمەن اينالىسۋ ءۇشىن دە ارنايى سپورت قۇرىلىس نىسانى كەرەكتىگىنەن شىعار. ونداي سپورت قۇرىلىستارى كوپ ەلدە تاپ­شى, ءتىپتى جوق دەسە دە بولادى. ءبىزدىڭ ەلىمىزدە دە ارنايى شاڭعى­مەن تۇ­عىردان سەكىرۋ كەشەنى دە وسى قىسقى ازيا ويىندارىن وتكىزۋگە بايلا­نىس­تى سالىنىپ, پايدالانۋعا بەرىلدى. ەندى بۇل سپورت ءتۇرىنىڭ دامۋىنا ەلىمىزدە جاقسى نەگىز قالاندى دەپ نىق ايتۋىمىزعا بولعانداي. سودان دا, «ۇشاتىن شاڭ­عى­شى­لار» الماتىعا كوپ كەلە قوي­عان جوق. جاپونيا, كورەيا رەسپۋب­ليكا­سى, قى­تاي سياقتى ەلدەردەن عانا كەلسە, وعان ءبىزدىڭ جىگىتتەرىمىز قو­سىلدى. ءبىر ج­ا­عى الاڭ يەلەرى بول­عان­دىقتان دا ەڭ كوبى بىزدىكى بولدى. ولاردىڭ دا اتىن اتاپ كەتەيىك: راديك جاپاروۆ, نيكولاي كارپەنكو, الەكسەي كورولەۆ, ەۆگەني لەۆكين, كونستانتين سو­كولەنكو. ولاردى ەلىمىزدە وسى سپورت ءتۇرى قارلىعاش­تارىنىڭ ءبىرى بولعان قايرات بيەكەنوۆ جاتتىقتىردى. تاعى ءبىر اتاپ ايتاتىن جاي: سپورتتىڭ بۇل ءتۇرى جاپونيادا اي­رىقشا كۇشتى دامىعان. جاپون جىگىتتەرى الەمدىك اۋقىمدا ەڭ مىق­تى­لارمەن يىق تىرەستىرىپ ءجۇ­رە­دى. بيىل­عى ازيا ويىندارىندا دا ولار سول مىقتىلىعىن كورسەت­تى. ءۇل­كەن تۇعىردان (ك125) سەكىرۋدەن ولار التىن مەن كۇمىستى ولجالادى. ەكى سەكىرۋدىڭ العاشقىسىندا 124 مەترگە, ەكىنشىسىندە 130,5 مەترگە «ۇشقان» كازۋيا يوشيوكا 233,1 بالل جيناپ, ءبىرىنشى ورىنعا شىق­تى. ال ناگانوداعى وليمپيا ويىن­دارىنىڭ چەمپيونى كازۋوشي فۋناكي ودان 16 بالل ۇتىلىپ, ەكىنشى ورىنعا قاناعاتتاندى. ال وعان بار-جوعى 0,6 بالل عانا ۇتىلعان ءبىزدىڭ نيكولاي كارپەنكو قولا مەدالدى يەلەندى. نيكولايدىڭ جەڭىسى – ءۇل­كەن جە­تىس­تىك. وڭتۇستىك كورەيا­نىڭ جىگىتتەرى دە مۇنداي مەدالدان ۇمىتكەر ەدى. الدا ءالى ەكى كۇندىك جارىس بار. كىشى تۇعىردان (ك95) سەكىرۋ مەن كوماندالىق جارىستا دا جىگىتتەرىمىز قورجىنعا ولجا سالار دەپ ۇمىتتەنەمىز. ماماديار جاقىپ. الماتى.