بياتلون بەرەندەرى

سولداتسايداعى بياتلون ستا­ديونىندا 12,5 كم. قاشىقتىق بو­يىن­شا ەرلەر اراسىنداعى بياتلون جارىسى (ىزگە ءتۇسۋ) بولىپ, ون­دا ازيانىڭ جەتى ەلىنەن كەلگەن 14 سپورتشى باق سىنادى. «جۇزدەن جۇيرىك, مىڭنان تۇل­پار» دەگەن راس. الاتاۋدىڭ اق قار­لى ادەمى بوكتەرىنە سەرۋەندەۋ ءۇشىن ەمەس, تەك قانا جەڭىسكە جەتەم دەگەن جىگەرمەن كەلگەن ون ءتورتتىڭ اراسى­نان الەكساندر چەرۆياكوۆ مەجەلى قاشىقتىقتى 35:42.5 مينوتتە با­عىن­دىردى. ءسويتىپ, اقپاننىڭ ەكىنشى جۇلدىزى كۇنى قازاقستاندىق سپورت­شىلاردىڭ التىن قورجىنىن تاعى ءبىر جوعارى دەڭگەيلى مەدالمەن تولىقتىردى. سورەگە ەكىنشى بو­لىپ جەتكەن جاپون ەلىنىڭ بيات­لون­شىسى ناگاي دجۋندجي ەكىنشى ورىندى ەنشىلەپ, كۇمىس مەدالعا يە بولدى. ءۇشىنشى ورىندى قىتاي­لىق سپورتشى جەن لونگ قاناعات تۇتتى. ايتا كەتەيىك, الەكساندر چەرۆياكوۆ – ازيادا باسەكەسىنە اق­مولا وبلىسى­نىڭ جۇرتشىلىعى ۇكى­لەپ قوسقان ازامات. ال ول وزىنە ار­تىلعان سەنىمدى اقتادى. بارەكەلدى! ءبىز سولداتسايداعى ءباسپاسوز ورتالىعىندا قىتاي ەلىنىڭ سينحۋا اقپاراتتىق اگەنتتىگىنىڭ وكىلى چجاو يۋي دەگەن جاس جۋرناليستكە جولىعىپ, ەلىمىزدە ءوتىپ جاتقان ازيادا تۋرالى پىكىرىن سۇرا­عانى­مىزدا ول: – ازيادا جاقسى ۇيىمداس­تى­رىل­عان, كەمشىلىكتەر دە جوق دەي الماي­مىن, بىراق ولار مايدا-شۇيدەلەر عانا. تۇجىرىپ ايتسام, قازاق ەلىنىڭ قىسقى ازيادانى عانا ەمەس, سونى­مەن بىرگە وليمپيادا, الەم چەم­پيوناتتارى سياق­تى مارتەبەلى جا­رىس­تاردى دا ويداعىداي ۇيىمداس­تىرۋعا تابي­عا­تى تۇرعىسىنان دا, ەكونومي­كا­لىق جاعىنان دا, سپورت­شى­لارى­نىڭ شەبەرلىگى جونىنەن دە تولىق مۇمكىندىگى بار, – دەدى. – قىتاي, جاپونيا سياقتى ەلدەر قازاقستان ازياداسىنا ءوز­دەرى­نىڭ ەكىنشى, ءۇشىنشى ءنومىرلى سپورتشىلارىن جىبەردى دەگەن ءسوز بار. بۇل شىندىققا قانشالىقتى جاناسىمدى؟ مىسالى, بۇگىنگى بياتلون جارىسىن الايىق. – قىتاي ەلى قازاق ازياداسىنا ءبىرىنشى ءنومىرلى سپورتشىلارىن عانا جىبەردى. بىراق كەيبىر ەلدەردە قىسقى سپورت تۇرلەرىنەن ۇلكەن جارىستار قاتار ءوتىپ جاتقان­دىق­تان ول جاققا كەتكەن سپورتشى­لارى­مىز دا بار. «سىرت كوز سىنشى». مىنە, الىپ ەل – قىتاي ءجۋرناليسىنىڭ پىكىرى وسىنداي. كوسەمالى ساتتىباي ۇلى.