جۇيەلى دامۋ كەپىلى

قازاقستان حالقى جىل ساي­ىن­عى پرەزيدەنت جولداۋىن اسى­عا كۇتۋدى ۇيرەنشىكتى داع­دىعا اينالدىرعالى كوپ بولدى. سوناۋ 90-جىلداردىڭ سوڭىندا ەلىمىز ەڭ قاراپايىم تۇرمىستىق پروبلەمالاردان كۇيزەلىپ, ەلبا­سىنىڭ باتىل دا وپتيميزمگە تولى جوسپارلارىنا تۇرعىندار ءارى ۇمىتپەن, ءارى كۇدىكپەن قا­راعان كەزدەردى دە باستان كەشتىك. بولاشاق دامۋىمىزدىڭ باستاۋى «قازاقستان-2030» ستراتە­گيا­لىق باعدارلاماسى بولدى. ونىڭ ءوزى جىل وتكەن سايىن پوزيتيۆتىك تولىقتىرۋلارمەن بايىتىلىپ كەلەتىنىنە دە كوز بەن قۇلاق قانا ەمەس, بۇگىنگى شىنايى بولمى­سىمىز كۋا. تاۋەلسىز قازاقستان – ءبىزدىڭ ەڭ باستى قۇندىلىعىمىز. ونىڭ الەمدىك وزىق وركەنيەتتىڭ ال­دىڭ­عى شەبىنەن ءوز ورنىن ويىپ الىپ, بەرىك ورنىعا وتىرىپ, ىلگەرىلەي بەرۋى ءۇشىن ساياسي الەۋەتىنىڭ بيىك بولۋى جەتكىلىكسىز. ول ءۇشىن الدىمەن وزىندىك جاڭا نەگىزدە ۇزدىكسىز داميتىن تاۋەلسىز ەكونوميكاسى قالىپ­تاسۋى كەرەك ەكەنىن  ەلباسى تالماي ايتىپ قانا قويماي, ىلعي دا ءتيىمدى يدەيالار مەن جوبالار ۇسىنىپ كەلەدى.  سونىڭ ءبىرى ءارى بىرەگەيى – بىلتىر ىسكە اسىرىلا باستاعان يننوۆاتسيالىق يندۋس­تريالاندىرۋدىڭ ۇدەمەلى جوس­پا­رى. ونىڭ ءبىر جىلداعى ورىن­دالعان جوبالارىنىڭ ءوزى تاياۋداعى 5-10 جىلدا ەلىمىزدىڭ ەكونوميكاسى شيكىزات ءوندىرۋ تاۋەلدىلىگىنەن ءبىرجولاتا قۇتى­لىپ, تۇتىنۋعا دايىن ءونىم شى­عارىپ تاراتۋ دەڭگەيىنە كوتەرى­لەتىنىنە كوز جەتكىزىپ وتىر. بيىلعى جولداۋدا وسى تاراپتا ىسكە اسىرىلاتىن شارا­لار­دىڭ ەكونوميكامىزدى قالاي تۇرلەندىرەتىنىنە  ناقتى دا ءداي­ەكتى دالەلدەر كەلتىرىلگەن. ۇلى ەكونوميست-فيلوسوف  ك.ماركس ايتقانداي, ادامدار ساياساتپەن, كوركەمونەرمەن, فيلوسوفيامەن اينالىسۋى ءۇشىن ال­دى­مەن قورەگى, كيىمى جانە باس­پاناسى بو­لاتىنداي جاعدايعا جەتۋى كەرەك. ارينە, بۇل – ەڭ قاراپايىم, بىراق قاي زاماندا دا ءمانىن جوعالت­پايتىن ەڭ قا­جەتتى ولشەم. قازىرگى تىلمەن ايت­قاندا ەكونوميكانىڭ دامۋى الدىمەن حالىقتىڭ ءال-اۋقا­تىنىڭ, تۇرمىس, ءومىر ءسۇرۋ دەڭ­گەيىنىڭ جاقسارا تۇسۋىنە قىز­مەت ەتۋى كەرەك. بۇل ماسەلەدە سوناۋ سوتسياليزم داۋىرىنەن مۇراعا قالعان, شەشىمىن تولىق تاپپاعان كۇر­دەلى ماسەلەلەر كوپ-اق. الەمدىك قار­جى­لىق-ەكونوميكالىق داع­دا­رىس­تىڭ قىسپاعىنا تاپ بول­عان سوڭعى وتكەن 2 جىل ىشىندە قيىن كۇندەرى قاجەت بولادى دەپ جينالعان قور قاراجاتتىڭ ەداۋىر بولىگىن باس­تالعان الەۋ­مەتتىك  ماندەگى نى­سان­داردىڭ قۇ­رىلىسىن اياقتاۋ, جولدار سالۋ-جوندەۋ, ەلدى مەكەندەردى ابباتتاندىرۋ, تۇرعىن ءۇي-كوم­مۋنالدىق شارۋاشىلىقتاردى قايتا جوندەۋ, جاڭالاۋعا جۇم­ساۋ­دىڭ ءوزى مەملەكەت باسشى­سىنىڭ اسقان كورەگەندىگى بولدى.  مۇن­داي  شاراعا 1930 جىلدارى اقش پرەزيدەنتى ف.د.رۋزۆەلت تاۋەكەل ەتىپ, ۇلكەن ناتيجەگە قول جەتكىزىپ, ەلىنىڭ تاريحىنا ءوز اتىن ال­تىن ارىپتەرمەن جازدىرىپ قال­دىرعان ەدى. ءبىزدىڭ نۇرەكەڭ دە قيىن شاقتا وسىن­داي دەڭگەيدەن كورىنە ءبىلدى. سوندىقتان دا حالقىمىز ەلباسىنا الداعى دامۋىمىز­دىڭ تاعدىرىن سەنىپ تاپسىرۋى كەرەك دەپ بىلەمىز. المۇقان يساق, جامبىل وبلىسىنىڭ قۇرمەتتى ازاماتى. تاراز.