قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ قاۋلىسى № 166

2010 جىلعى 6 قاراشا, الماتى قالاسى قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «قازاقستان رەسپۋبليكاسىندا بانكتەردى ماجبۇرلەپ تاراتۋ ەرەجەسىن بەكىتۋ تۋرالى» 2006 جىلعى 25 اقپانداعى № 40 قاۋلىسىنا تولىقتىرۋلار مەن وزگەرتۋ ەنگىزۋ تۋرالى قازاقستان رەسپۋبليكاسىندا ماجبۇرلەپ تاراتىلاتىن بانكتەردىڭ تاراتۋ كوميسسيالارىنىڭ قىزمەتىن رەتتەيتىن نورماتيۆتىك قۇقىقتىق اكتىلەردى جەتىلدىرۋ ماقساتىندا قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ (بۇدان ءارى – اگەنتتىك) باسقارماسى قاۋلى ەتەدى: 1. اگەنتتىك باسقارماسىنىڭ «قازاقستان رەسپۋبليكا­سىندا بانكتەردى ماجبۇرلەپ تاراتۋ ەرەجەسىن بەكىتۋ تۋرالى» 2006 جىلعى 25 اقپانداعى № 40 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4181 تىركەلگەن, 2006 جىلعى ماۋسىمدا قازاقستان رەسپۋبليكاسىنىڭ ورتالىق اتقارۋ جانە وزگە مەملەكەتتىك ورگاندارىنىڭ اكتىلەر بيۋللەتەنىندە جا­ريالانعان, № 9-10, 219 قۇجات) مىناداي تولىقتىرۋلار مەن وزگەرتۋ ەنگىزىلسىن: كورسەتىلگەن قاۋلىمەن بەكىتىلگەن قازاقستان رەس­پۋبليكاسىندا بانكتەردى ەرىكسىز تاراتۋ ەرەجەسىندە: مىناداي مازمۇنداعى 84-1, 84-2, 84-3, 84-4, 84-5, 84-6-تارماقتارمەن تولىقتىرىلسىن: «84-1. م ۇلىكتى وسى ەرەجەدە بەلگىلەنگەن تارتىپپەن ساتقانعا دەيىن, تاراتۋ كوميسسياسى تاراتۋ شىعىستارىن بارىنشا ازايتۋ ماقساتىندا تاراتىلاتىن بانكتىڭ ءمۇل­كىن, ونىڭ ىشىندە تاراتۋ كوميسسياسىمەن اتقارۋشىلىق ءىس جۇرگىزۋ شەگىندە سوت اكتىلەرى بويىنشا قابىلدان­عانداردى, سونداي-اق بانككە كەلتىرىلگەن زياندى وتەۋ ەسەبىنەن الىنعانداردى جانە بەلگىلەنگەن تارتىپپەن تىركەلگەندەردى جالعا بەرۋدى تاراتىلاتىن بانكتىڭ كرەديتورلار كوميتەتىمەن كەلىسۋ بويىنشا جۇزەگە اسىرادى. م ۇلىكتى جالعا بەرۋدەن الىنعان اقشا تاراتۋ ماسساسىنا جىبەرىلەدى. م ۇلىكتى جالعا بەرۋ تاراتۋ كوميسسياسىنىڭ ونى ساتۋ بويىنشا ءىس-شارالاردى جۇزەگە اسىرۋىن توقتاتا تۇر­مايدى. تاراتۋ كوميسسياسىنىڭ جالعا بەرۋ شارتىن جاساسۋى جالعا الۋشىنىڭ م ۇلىكتى تاراتۋ كوميسسيانىڭ ءبىرىنشى تالابى بويىنشا بوساتۋعا (قايتارۋعا) جانە جالدانعان م ۇلىكتى قوسىمشا جالداۋعا (سۋبارەنداعا) بەرۋ مۇمكىن ەمەستىگى بويىنشا شەكتەۋلەردى قابىلداۋعا كەلىسىمى بولعان كەزدە جۇزەگە اسىرىلادى. 84-2. بانكتىڭ تاراتۋ كوميسسياسى جالعا الۋشىنى تاڭداۋدى تەندەر وتكىزۋ ارقىلى جۇزەگە اسىرادى, ونىڭ قورىتىندىسى بويىنشا ارتىقشىلىق ەڭ جاقسى جالعا الۋ شارتتارىن ۇسىنعان تۇلعاعا بەرىلەدى. 84-3. تەندەر وتكىزۋ تۋرالى حابارلاندىرۋ تەندەر وتكىزۋ كۇنىنەن كەمىندە ون كۇنتىزبەلىك كۇن بۇرىن اۋماعىندا جالعا بەرىلەتىن م ۇلىك ورنالاسقان وبلىس نەمەسە قالادا تارالاتىن رەسپۋبليكالىق ماڭىزى بار مەرزىمدى ءباسپاسوز باسىلىمدارىندا مەملەكەتتىك جانە ورىس تىلدەرىندە جاريالانادى. جالعا الۋشىنى تاڭداۋ بويىنشا تەندەر وتكىزۋ تۋرالى حابارلاندىرۋدا: 1) تەندەردى وتكىزۋ كۇنى, ورنى جانە ۋاقىتى; 2) تاراتىلاتىن بانكتىڭ اتاۋى; 3) جالعا بەرىلەتىن م ۇلىكتىڭ سيپاتتاماسى; 4) وتىنىمدەردى قابىلدايتىن ورنى, ۋاقىتى جانە مەرزىمدەرى; 5) تەندەر قۇجاتتاماسىن جانە قوسىمشا اقپارات الۋعا بولاتىن تەلەفوندار, مەكەن-جاي قامتىلادى. 84-4. تەندەرلىك قۇجاتتامادا مىناداي مالىمەتتەر قامتىلادى: 1) حابارلاندىرۋدا كورسەتىلگەن اقپارات; 2) جالعا بەرىلەتىن م ۇلىكتى كورسەتۋ كۇنى, ۋاقىتى جانە ورنى; 3) جالعا الۋ تولەمىن تولەۋ شارتتارى; 4) نەگىزىندە تەندەردىڭ جەڭىمپازى انىقتالاتىن كريتەريلەر; 5) جالعا بەرۋ شارتىنىڭ جوباسى. 84-5. تاراتىلاتىن بانكتىڭ بۇرىنعى باسشى قىزمەت­كەرلەرى, تاراتىلاتىن بانكتىڭ كرەديتورلارى بولىپ تا­بىلاتىن تۇلعالار, سونداي-اق بانكتىڭ تاراتۋ كوميسسيا­سى­نىڭ توراعاسى, مۇشەلەرى, تارتىلعان قىزمەتكەرلەرى تەندەرگە قاتىستىرىلمايدى. 84-6. ەگەر تەندەرگە ەكى قاتىسۋشىدان كەم قاتىسقان بولسا تەندەر وتپەدى دەپ سانالادى. تەندەر وتپەدى دەپ تانىلعان جاعدايدا تاراتۋ كوميسسياسى تەندەردىڭ جالعىز قاتىسۋشىسىمەن جالعا بەرۋ شارتىن جاساسۋ ماسەلەسىن قارايدى.»; 111-تارماقتا: 10) تارماقشادا «.» دەگەن تىنىس بەلگىسى «;» دەگەن تىنىس بەلگىسىنە اۋىستىرىلسىن; مىناداي مازمۇنداعى 11) تارماقشامەن تولىقتى­رىلسىن: «11) تاراتۋ كوميسسيانىڭ توراعاسى قابىلداعان تاراتىلاتىن بانكتىڭ مۇلكىن جالعا بەرۋ تۋرالى شەشىمدى جانە تەندەرلىك قۇجاتتامانى كەلىسۋ.». 2. وسى قاۋلى ول ءبىرىنشى رەت رەسمي جاريالانعان كۇننەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. ءتورايىم ە.باحمۋتوۆا –––––––––––––––––––––– بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 7 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6665 بولىپ ەنگىزىلدى.