زاڭناما جوباسى وندىرىسكە الىندى

كەشە ءماجىلىس توراعاسى ورال مۇحامەدجانوۆتىڭ جەتەكشىلىگىمەن پالاتانىڭ جالپى وتىرىسى بولىپ ءوتتى. وندا كەيبىر كونستي­تۋتسيا­لىق زاڭدارعا ەنگىزىلەتىن تۇزەتۋلەردى قاراۋ تۋرالى ماسەلە تال­قىعا ءتۇستى. ناقتىلاپ ايتقاندا, زاڭناما جانە سوت-قۇقىقتىق رە­فورما كوميتەتىنە «قازاقستان رەسپۋبليكاسىنىڭ كەيبىر كونس­تي­تۋتسيالىق زاڭدارىنا تولىقتىرۋلار مەن وزگەرىستەر ەنگىزۋ تۋرالى» كونستيتۋ­تسيالىق زاڭنىڭ جوباسى بويىنشا قورىتىندى ازىرلەۋ جۇكتەلدى. ماسە­لەنى قاراستىرۋ بارى­سىن­دا زاڭ جوباسىمەن «قازاقستان رەس­پۋب­لي­كاسىنداعى سايلاۋ تۋرا­لى» جانە «قازاقستان رەسپۋب­لي­كاسى پرە­زيدەنتى تۋرالى» زاڭ­دارعا وزگە­رىس­تەر ەنگىزۋ كوزدە­لە­تىنى بەلگىلى بول­دى. اتالعان زاڭ­دىق قۇ­جاتتى ءون­دى­رىسكە الۋ جونىندەگى قىسقاشا باياندامانى زاڭناما جانە سوت-قۇقىقتىق رەفورما كو­مي­تەتىنىڭ توراعاسى راحمەت مۇقا­شەۆ جا­سا­دى. كوميتەت باسشىسى تانىس­تىر­عان زاڭدىق قۇجاتتى ەلباسى ءوزى­نىڭ قازاقستان حالقىنا ۇندەۋىندە پرەزيدەنت سايلاۋىن مەرزىمىنەن بۇرىن وتكىزۋدى پارلامەنت قا­راۋى­نا ۇسىناتىندىعىن ايتقان بو­لاتىن. مىنە, وسى ءجايتتى نازار­عا العان بولۋى كەرەك, دەپۋتاتتار زاڭ جوباسىن وندىرىستىك اينا­لىم­عا الۋعا ءوز كەلىسىمدەرىن بەردى. پرەزيدەنت سايلاۋىن مەرزىمىنەن بۇرىن وتكىزۋ مەملەكەت باسشىسىنىڭ شەشىمىمەن تا­عاي­ىن­دالسا, ونى جۇزەگە اسىرۋ 2 اي ىشىندە جۇرگىزىلۋگە ءتيىس. سايلاۋ مەرزىمىن ورتالىق سايلاۋ كوميس­سياسى انىقتايتىنى بەلگىلى. وسى رەتتە زاڭدىق قۇجاتتا پرەزيدەنتتىك وكىلەتتىك 5 جىل مەرزىمگە بەلگىلەنگەندىگىن ايتا كەتۋ كەرەك. ەلباسى دا ءوز ۇندەۋىندە وكىلەت­تى­گى­نىڭ ەكى جىلعا قىسقاراتىنىن قاپەرگە سالعان ەدى. ەنگىزىلگەن ءوز­گەرىستەر بويىنشا مەرزىمىنەن بۇرىن سايلانعان پرەزيدەنتتىڭ انت قابىلداۋى سايلاۋ قورى­تىن­دىسى جاريا ەتىلگەننەن كەيىن ءبىر اي ىشىندە ورىندالادى. ال انت قابىلداۋ مەرزىمى ورتالىق سايلاۋ كوميسسياسى تاراپىنان بەلگىلەنەدى. وسى جەردە پرەزيدەنت كونستيتۋتسيالىق كەڭەس توراعا­سى­نىڭ «قازاقستان رەسپۋب­ليكا­سىنىڭ كونستيتۋتسياسىنا وزگەرىس پەن تولىقتىرۋ ەنگىزۋ تۋرالى» زاڭ­نىڭ كونستيتۋتسياعا سايكەستى­گىن اي­قىندايتىن. كونستيتۋتسيالىق كە­ڭەس­تىڭ نورماتيۆتىك قاۋلىسىنا ءتۇ­سىندىرمەنى قاپەرگە العاندىعىن ايتا كەتكەن ءجون. ويتكەنى, كونس­تي­تۋتسيالىق كەڭەس پارلامەنت تا­را­پىنان ۇسىنىلعان پرەزيدەنت وكى­لەتتىگىن 2020 جىلدىڭ 6 جەل­توق­سانىنا دەيىن ۇزارتۋ ءجونىن­دەگى رەفەرەندۋمدى وتكىزۋ تۋرالى زاڭدىق قۇجاتتى كونستيتۋتسياعا سايكەس ەمەس دەپ تاپقان-دى. وتىرىس اياقتالعان سوڭ ءبىز دە­پۋتاتتاردى ماسەلەنىڭ ءمانىسىن ءتۇسىن­دىرۋ ماقساتىندا اڭگىمەگە تارتقان ەدىك. يراك ەلەكەەۆ ءوز سوزىندە پرەزيدەنت نۇرسۇلتان نازارباەۆ وسى قا­دامى ارقىلى رەفەرەندۋم وتكىزىلسىن دەگەن 5,5 ميلليون ازاماتتىڭ داۋى­سى ەلەۋسىز قالمايتىندىعىن جانە بولا­شاق­تا كونستيتۋتسياعا وزگەرىس ەنگىزۋگە جول بەرىلمەيتىن نەگىز قا­لان­عاندىعىن ەرەكشە اتادى. مەرزىمىنەن بۇرىن پرەزيدەنتتىك سايلاۋ وتكىزۋگە بايلانىستى زاڭدىق قۇ­جات­قا تۇسىنىك بەرە كەتكەن رامازان ءسار­پە­كوۆ وسى ماسەلە بوي­ىن­شا ارنايى جۇمىس توبى قۇ­رى­لاتىنىن دا ەسكە سالدى. وسى رەتتە جۋرناليستەر تاراپىنان قويىلعان «پارلامەنت تاراتىلا ما؟» دەگەن سۇراققا وراي جاۋابىندا دەپۋتات وعان ەشقانداي نەگىز جوقتىعىن كولدەنەڭ تارتتى.