كادە

جۇرت قۇلاعى جاعىمدى جا­ڭا­لىقتارعا قاشاندا تۇرىڭكى عوي. سونىڭ ىشىندە كوپشىلىك كو­ڭىلىنە اسا قونىمدىسى ەلى­مىز­دىڭ مەرەيلى مەرەكەسى قۇر­مە­تىنە وبلىستاعى ءار قالا مەن اۋدان­نىڭ جەرگىلىكتى تۇرعىن­دار­عا ارناپ تارتۋلار ازىرلەپ جاتقانى جايلى حابار بولىپ وتىر. بۇگىندە «تاۋەلسىزدىكتىڭ 20 جىلدىعىنا – 20 تارتۋ» دەگەن اتاۋمەن بەلگىلى بۇل باستاما جىلى قابىلدانىپ, ويدا­عى­داي ىسكە اسىرىلۋىنا مۇددە­لى­لىك ەرەكشە. ويتكەنى, وندا كوز­دەلگەندەي, ءبىراز ازامات باس­پانالى بولا الادى, بوبەكتەر بالاباقشالاردى تولتىرادى, ەل­دى مەكەندەردىڭ كوركىنە كورىك قوسىلادى, كوز تارتارلىق ءما­دەني وشاقتار ۇلعايادى. بار­شاعا تارتىمدى وسىنداي يگىلىكتى شارانىڭ شاراپاتىن كو­رۋ­گە نۇرالىقتار دا ءۇمىتتى. اي­ماقتا ونى العاش كوتەرىپ, قولعا العان استانا ىرگەسىندەگى اۋدان مە­رەكەلى جىلعا بەرەكەلى بازار­لىقتى مولىنان شاشۋ ەتۋدى مارتەبەلى مىندەت تۇتادى. ال ەل ءىشىن قۋانىشقا بولەر سىي-سياپات از ەمەس. كۇتىلگەن جاق­­سى ىستەر بيىل جىلداعىدان كوبىرەك. البەتتە ادەتتەگىدەي اۋەلگى سىيلىق بۇلدىرشىندەرگە تار­تىلادى. اۋدان ورتالىعىن­دا­عى قايتادان قالپىنا كەلتىرىلەتىن 95 ورىندىق بالاباقشا سابيلەرگە الداعى قىس باسىندا قۇشاق اشا­دى. بۇل, اسىرەسە, جوعارى ءبىلىم الىپ, تۋعان ورتاعا ورالۋشى جاس وتباسىلارعا شاتتىعى بولەك وقي­عا بولعالى تۇر. بۇرىننان دا بار ەكەۋىنە ءۇشىنشىسى قوسىلىپ, كەشەگى تۇيتكىل ماسەلەنىڭ بۇدان بىلاي قاراي ەكىنشى كەزەككە ىسىرى­لۋىنا مۇمكىندىك بەرەدى. نۇرا ءوڭىرىنىڭ دە وزىندىك تا­ريحى قىزعىلىقتى. ساكەن سەيفۋللين, ابدوللا اسىلبەكوۆ, كا­رىم مىڭباەۆ, ءسايدىل تالجانوۆ, بۇركىت ىسقاقوۆ, قابىكەن مۇ­قى­شەۆ سىندى ساڭلاقتار ءىزى قالعان كيەلى توپىراقتىڭ وتكەندەگى, ءبۇ­گىنگى تىنىس-تىرشىلىگىنىڭ لەبى اۋدان­دىق ولكەتانۋ مۇراجايىنان ءدال مەرەكە الدىندا ەسە باستاي­دى. مۇنداي تاعىلىمدىق ورىندى تىلەپ كەلگەن جەرگىلىكتى ولكە­تا­نۋ­شىلارعا ول تاماشا تارتۋ بولماق. ايماقتاعى ەڭ ادەمى ەلدى مە­كەندەردىڭ ءبىرى رەتىندە بەلگىلى كيەۆكا كەنتىندەگى تاۋەلسىزدىك اتا­لا­تىن باس كوشە كوركىن ودان سايىن كوركەيتۋ كوزدەلگەن. جاسىل جەلەككە جايقالعان ونىڭ بويى تۇر­عىنداردىڭ سۇيسىنە سەيىلدەيتىن, راحاتتانا دەمالاتىن ورىنعا اينالادى. جاس ماماندار ءۇشىن سالىنىپ جاتقان تۇر­عىن ۇيلەر ءسان تۇزەيدى. بۇرىنعىسىنان تانىعىسىز ءوز­گەرەتىن اۋداندىق كىتاپحانا كوزگە تارتىمدى عيمارات بو­لۋى­مەن بىرگە, وقىرمانداردى تولىق­قان جاڭا ادەبيەتتەرمەن, كومپيۋتەرلەر قوندىرىلعان وقۋ زالدارىمەن باۋرايتىن بولادى. بۇلار اۋدان باسىنداعى ءوز­گەرىستەر سانالسا, بۇعان قوسا ءوڭىر ءومىرى شىرايىن اشا تۇسەر جاڭارتۋلار جانە بولەك اڭگى­مەگە تاتيدى. ماسەلەن, قارا­عاندى – ەسەنكەلدى, ششەرباكوۆ – كيەۆكا كولىك جولى جوندەلىپ, وسىعان دەيىنگى ماشاقات جەڭىلدەيدى. جالپى, بۇل رەتتەگى ماسەلەنى وڭتايلى شەشۋدە اۋدان تاجىربيەسى الىسقا ايان. «تاۋەلسىزدىكتىڭ 20 جىلدى­عى­نا – 20 تارتۋ» باستاماسى ايا­سىندا بەلگىلەنگەن «اقبۇلاق» سالالىق باعدارلاماسى اۋىل تۇرعىندارىنىڭ كوپ جىلدان بەر­گى ۇسىنىس-تىلەكتەرىنەن تۋ­عان­­­دىعىن اتاپ ايتا كەتپەسكە بول­­مايدى. شالعاي ەلدى مەكەندەردى تازا اۋىز سۋمەن قامتاماسىز ەتۋگە ارنالعان ول بويىنشا قا­زىر اتقارىلۋ ۇستىندەگى جۇمىس­تار قىرۋار. جوبالانىپ وتىر­عان­داي, اۋىلدىق جەرلەر 80 پا­يىزىنىڭ ساپالى ءنار كوزىنە تۇ­تىنىمىن قاناعاتتاندىرۋعا با­عىت­تالعان ىستەر مەرەكەگە شەيىن تىندىرىلادى. – ءبىز العا قويىلعان ءىس-شا­رالاردىڭ مەرزىمىندە جۇزەگە اسى­رىلۋىن باستى نازاردا ۇس­تاۋدامىز. اتالعان تارتۋلار ىشكى مۇمكىندىكتەرىمىز بەن كۇش-قابى­لەتىمىز ەگجەي-تەگجەيلى ساراپتالۋ ارقىلى بەلگىلەنگەن. حالىققا جاقسىلىق سىيلاعاننان ارتىق قان­داي مارتەبە بار. بارىمىزدى بار­داي قىلىپ, جۇرت يگىلىگىنە جا­راتۋدىڭ باسقا-باسقا, بيىلعىداي جولى بولەك جىلداعى ءجونى دە, ءمانى دە وزگەشە. سوندىقتان تاۋەل­سىزدىكتىڭ تورقالى تويىنا ارنال­عان كادە-جورالعىلاردىڭ ءار سا­لا­نى قامتۋىن ءارى تارتىم­دى­لى­عىمەن ايرىقشا بولۋىن تاڭ­داعان ەدىك. بۇگىندەگى قيمىل-ارەكەتتەر ويلاعانىمىزدىڭ وڭىنان ورالۋى­نا سەندىرەدى, – دەيدى اۋدان اكىمى سەرىك شايداروۆ. مىنەكي, استىعىمەن اتاقتى ايماقتا بۇل كۇندە وسىنداي باس­تاماشىلىق كەڭگە قانات جايىپ كەلەدى. نۇرالىقتار ۇلگىسى ءوز­گە­لەردى دە تالپىندىرماي قوي­ماۋدا. ۇلىتاۋ اۋدانى 20 وت­با­سىعا جەكە وتاۋ سىيلاۋدى ويلاس­تىرسا, اقادىردا تەمىر جول بەكەتى بەينەسى اجارلانادى, ستاديون سالىنادى. مۇنداي سىي-سيا­پاتتار بارلىق جەردە ءازىر­لەنىپ جاتىر. ايقىن نەسىپباي. قاراعاندى وبلىسى, نۇرا اۋدانى.