جاۋاپتى شاق

اقجايىقتا اكتيۆ وتكىزىلىپ, وندا باتىس قازاقستان وبلى­سى­نىڭ اكىمى ب.ىزمۇحامبەتوۆ ەل­باسى ن.ءا.نازارباەۆتىڭ  قازاق­ستان حالقىنا جولداۋىنان تۋىندايتىن مىندەتتەر جونىندە بايانداما جاسادى. – «بولاشاقتىڭ ىرگەسىن بىرگە قالايمىز» دەگەن تاقىرىپپەن بارشا قازاقستاندىقتارعا جول­دان­عان ەلباسىنىڭ بيىلعى جول­داۋى سىندارلى, تاريحي ءارى وتە جاۋاپتى شاقتا جۇرەكتەرگە جول تارتتى. وسىناۋ جىلدىڭ باس­تى قۇجاتىنىڭ ءار تارماعى مەن  ءار جولى بارىمىزگە ۇلكەن جاۋاپ­كەرشىلىكتەر جۇكتەيدى. بي­ىلعى جولداۋدىڭ باستى ەرەك­شەلىكتەرىنىڭ ءبىرى – قاراپايىم تۇرعىنداردىڭ مۇددەلەرى مەن مۇڭ-مۇقتاجدارى جان-جاقتى كو­رىنىس تابۋىندا. بۇگىنگى باستى ءمىن­دەت – جولداۋدا قويىلعان تالاپتاردى ىسكە اسىرۋ. مۇنداي جاعدايدا ىرعالىپ-جىرعالىپ جۇرۋگە ۋاقىت جوق. ءار كۇنىمىز ساناۋلى, – دەپ تۇجىرىم جاسادى وبلىس باسشىسى. ودان ءارى ول جولداۋدى وبلىس جۇرتشىلىعى ءبىراۋىزدان تولىق قولدايتىنىن ايتا كەلىپ, ونى ىسكە اسىرۋدان تۋىندايتىن مىندەتتەردى جەرگىلىكتى مەملەكەتتىك ورگاندارعا  شەگەلەي تاپسىردى. اكتيۆتە ورال  قالاسىنداعى №1 ەمحانانىڭ دارىگەر-ەندو­كري­نولوگى تامارا لەۆچيك دەنساۋلىق ساقتاۋ سالاسىنا قاتىستى ەلباسى قويعان تالاپتار ۇدەسىنەن شىعۋ جونىندەگى ءوز پىكىرىن ورتاعا سال­دى. جەرگىلىكتى جاعدايدا ساني­تارلىق اۆياتسيا قىزمەتى مەن باس­تاپقى مەديتسينالىق كومەك كور­سە­تۋدى ودان ءارى جاقسارتۋ جونىندە ۇتىمدى ۇسىنىستار ءبىلدىردى. سون­داي-اق باتىس قازاقستان وبلىس­تىق اۋىل شارۋاشىلىعى باسقار­ماسى باستىعىنىڭ ورىنباسارى ەسماديار جۇماباەۆ  اگرارلىق سەكتوردا  جولداۋدا قويىلعان  جا­ڭا مىندەتتەرگە سايكەس  جاڭا­شا ءىس-قيمىل تانىتۋ قاجەتتىگىن ايت­تى. بۇدان سوڭ اعا ۇرپاق وكىل­دەرى اتىنان تاريحشى-ولكە­تا­نۋشى جايساڭ اقباي  مىنبەرگە كوتەرى­لىپ, تاۋەلسىزدىكتىڭ  قادىر-قاسيەتى, ونى كوزدىڭ قاراشى­عىن­داي ساق­تاپ قانا قويماي, ودان ءارى نى­عايتا ءتۇسۋ جونىندە اعالىق ءارى اق­ساقالدىق تۇرعىدا تولىمدى ءتۇي­ىن جاسادى. تاۋەل­سىزدىكتىڭ ال­عاشقى قازىعىن قاققان بۇگىنگى  پرەزيدەنتىمىز نۇر­سۇلتان نازارباەۆ. تاۋەل­سىزدىك تاريحى ەلباسى ەسىمىمەن تىعىز بايلانىستى, دەپ ءوز ويىن قورىتتى ولكە تا­ريحىنىڭ تامىرشىسى. اكتيۆكە قر پرەزيدەنتى اكىم­شىلىگىنىڭ مەملەكەتتىك ينس­پەك­تورى التاي كولگىنوۆ قاتى­سىپ, ءسوز سويلەدى. وبلىس  اكتيۆىنە قا­تىسۋشىلار تالقىلانعان ماسەلە­گە  وراي ءتيىستى قارار قا­بىلدادى. تەمىر قۇسايىن. ورال.