قوستاناي جۇرتى قوبىلاندى باتىرمەن قاۋىشتى

قوستاناي قالاسىنىڭ قاق تورىندە تۋعان جەردىڭ ايبارىن­داي تايبۋرىلىنا ءمىنىپ, قولى­نا كوك سۇڭگىلى نايزاسىن ۇستا­عان قوبىلاندى باتىردىڭ ەڭسەلى ەسكەرتكىشى بوي كوتەردى. «قو­بى­لاندى باتىر» جىرىن وقىماعان قازاق كەم شىعار. قازاقتىڭ حاس باتىرى ءار قازاقتىڭ جادىندا ەرلىك پەن ەلدىكتىڭ نىشانىنداي جازىلىپ قالعان. بوي كوتەرگەن ەسكەرتكىشى تۋعان جەردىڭ ءار سۇيەم جەرىن سىرتقى جاۋدان قورعاعان حالقىمىزدىڭ بار باتىرىنىڭ بەينەسى سەكىلدى ەلەستەيدى. ەلىمىز تاۋەلسىزدىگىنىڭ 25 جىلدىعى تويلاناتىن جىلى ۇلتتىق رۋحتى اسپانداتاتىن مۇنداي مازمۇندى ەسكەرتكىشتىڭ ارقا تورىنەن ورىن الۋى زاڭدى ەدى. – ەلىمىزدىڭ تاۋەلسىزدىگى, جەرى­مىزدىڭ اماندىعى ءۇشىن كۇرەسكەن ۇلى بابالار ەرلىگىن دارىپتەگەندە عانا جاس ۇرپاقتى ەلدىككە تاربيەلەيمىز. سوندا عانا تاۋەلسىزدىگىمىز باياندى, ماڭگىلىك ەل بولامىز, – دەدى ەس­كەرتكىشتىڭ اشىلۋ سالتاناتىندا قوستاناي قالاسىنىڭ اكىمى بازىل جاقىپوۆ. بەلگىلى اكادەميك ساعىندىق ساتىبالدين, ساعا­دات نۇرماعامبەتوۆ اتىنداعى قايىرىمدىلىق قورىنىڭ پرەزي­دەنتى ماحمۇت نالىباەۆ قوستاناي جۇرتىن قۇتتىقتاۋمەن بىرگە, قور­دىڭ وسىنداي يگىلىكتى ىستەرگە مۇرىن­دىق بولىپ وتىرعانىن تىلگە تيەك ەتتى. بۇگىندە قوردىڭ ەلى­مىزدىڭ التى وبلىسىندا فيليالى بار. دەمەۋشىلەر جيناعان قار­جىنىڭ ارقاسىندا جامبىل, وڭتۇستىك قازاقستان, قىزىلوردا وبلىستارىندا قاجىمۇقانعا, يمان­جۇسىپكە ەسكەرتكىشتەر ورناتىلدى, وزگە دە قايىرىمدىلىق ىستەر تىندىرىلدى. مىنە, قوبى­لاندى باتىرعا ورناتىلعان ءزاۋلىم ەسكەرتكىش تە قوردىڭ سەرىكباي بەيسەتاەۆ باسقاراتىن قوستاناي بولىمشەسىنىڭ اتقارعان جۇمىستارى نەگىزىندە جۇزەگە استى. تاماشا تۋىندىنى مۇسىنشىلەر – اعايىندى ابدىكارىم جانە ءابدىمۇتالىپ احمەتوۆتەر جاساپ شىقتى. قازاق حالقىنىڭ ماڭگىلىك ەرلىك ونەگەسىنە اينالعان, ورتا عا­سىر­دىڭ التىن وردا, نوعاي وردا­سى ءداۋىرىنىڭ اسا كورنەكتى تۇلعاسى قو­بىلاندى باتىرعا ەسكەرت­كىش ورناتىلۋىنا وراي ۇيىم­داستىرىلعان رەسپۋبليكالىق عىلىمي-پراك­تيكا­لىق كونفەرەنتسيا جالپى جي­نالعان جۇرتشىلىققا تا­عى­لىمدىق جاعىنان ۇلكەن اسەر ەتتى. وعان ەلى­مىزگە بەلگىلى جازۋشىلار, تاريح­شى عالىمدار قاتىسىپ, تەرەڭ دە مازمۇندى باياندامالار جاسادى. ءنازيرا جارىمبەتوۆا, «ەگەمەن قازاقتان» قوستاناي