ادىلەت ءمينيسترى اقپارات قۇرالدارىنىڭ باسشىلارىمەن كەزدەستى

ادىلەت مينيسترلىگىندە مينيستر بەرىك يماشەۆتىڭ بۇقارالىق اقپارات قۇرالدارى باسشىلارىمەن كەزدەسۋى بولىپ ءوتتى. كەزدەسۋ بەيرەسمي تۇردە ءوتتى. وندا ب.يماشەۆ قوناقتارعا ادىلەت ورگاندارى قىزمەتىنىڭ نەگىزگى باعىتتارى تۋرالى ايتىپ, دوڭگەلەك ۇستەل باسىندا ەكىجاقتى اڭگىمە ءوربىدى. ول مينيسترلىكتىڭ نەگىزگى باعىتى بولىپ تابىلاتىن زاڭ شىعارۋ سالاسىنا ەگجەي-تەگجەيلى توقتالدى. سونىمەن قاتار, مينيسترلىكتىڭ باق-پەن ءوزارا ءىس-قيمىلى, ىنتىماقتاستىعى, قىزمەتىنىڭ كەيبىر پروبلەمالىق تاقىرىپتارىن جاريا­لاۋ ەرەكشەلىكتەرى ايتىلدى. جۋرناليستەر مينيسترگە جۇمىس كور­سەتكىشتەرىنە, قىزمەتتىڭ جەكەلەگەن باعىتتارىن, اتاپ ايتقاندا, حالىق­ارا­لىق ىنتىماقتاستىقتى قامتاماسىز ەتۋ, جەكە سوت ورىنداۋشىلارى ينستيتۋتى, زياتكەرلىك مەنشىك قۇقىعىن قورعاۋ جانە ت.ب. دامۋ پەرسپەكتيۆالارىنا قاتىستى بىرقاتار سۇراقتار قويدى. سونىمەن قاتار, باق باسشىلارى مينيسترلىك قۇزىرەتى شەڭبەرىندە الەۋمەتتىك سيپاتتاعى, سونىڭ ىشىندە بالالاردى كۇتىپ-باعۋعا اليمەنتتەردى ءوندىرىپ الۋ پروبلەمالارىن شەشۋ جولدارىنا قىزىعۋشىلىق تانىتتى. پىكىر الماسۋعا ءمينيستردىڭ ورىنباسارلارى دا قاتىسىپ, كەيبىر سۇراقتار مەن ۇسىنىستار بويىنشا تولىق تۇسىنىك بەردى. كەزدەسۋ سوڭىندا قوناقتار مينيستر­لىكتىڭ قۇرىلىمدىق بولىمشەلەرى باسشىلارىمەن الداعى جۇمىس جوسپارىن, جەكەلەگەن تاقىرىپتىق ماسەلەلەر بو­ي­ىنشا ءوزارا ءىس-قيمىل جاساۋ ءتارتىبىن جەكە-دارا تالقىلادى, دەپ حابارلادى ادىلەت مينيسترلىگىنىڭ ءباسپاسوز قىزمەتى.