الماتى قالاسى اكىمىنىڭ جاڭا ورىنباسارى تاعايىندالدى. مەدەۋ اۋدانىنىڭ بۇرىنعى اكىمى سۇلتانبەك ماكەجانوۆ قالا اكىمىنىڭ بۇرىنعى ورىنباسارى بولات ساۋرانباەۆتىڭ ورنىنا كەلدى. بۇل تۋرالى قالالىق اكىمدىكتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
سۇلتانبەك ماكەجانوۆ 1961 جىلى جامبىل وبلىسىندا تۋعان. ەڭبەك جولىن «كاراگانداپرومستروي» ترەسىنىڭ شەبەرى, ينجەنەر-گەودەزيست بولىپ باستاعان. الماتى تەمىرجولى كومسومولىنىڭ حاتشىسى بولعان. 1990-1992 جىلدارى «حالىق قازىناسى» كاسىپورنى توراعاسىنىڭ ورىنباسارى, «سايان» جاۋاپكەرشىلىگى شەكتەۋلى سەرىكتەستىگىنىڭ, «استانا-حولدينگ بانك» اكتسيونەرلىك قوعامىنىڭ, «كازاحينۆەست» كورپوراتسياسىنىڭ, «اەليتا», «سيريۋس» جاۋاپكەرشىلىگى شەكتەۋلى سەرىكتەستىگىنىڭ باسشىلىعىندا قىزمەت اتقارعان. 2002 جىلى ماڭعىستاۋ وبلىسى اكىمىنىڭ كومەكشىسى, 2004 جىلى ماڭعىستاۋ وبلىسى اكىمىنىڭ ورىنباسارى, 2005-2006 جىلدارى الماتى اكىمى اپپاراتىنىڭ باسشىلىعىندا قىزمەت ەتكەن.
ايان ءابدۋالي.
دەرەك: الماتى قالالىق اكىمدىگىنىڭ ءباسپاسوز قىزمەتى.
فوتو: inform.kz.