سەنات توراعاسى ماۋلەن اشىمباەۆ دەپۋتاتتار, ساراپشىلار جانە اناليتيكالىق قوعامداستىق وكىلدەرىنىڭ باسىن قوسىپ, دوڭگەلەك ۇستەل وتكىزدى. كەزدەسۋدىڭ باستى تاقىرىبى – جاڭا كونستيتۋتسيا جوباسىن تالقىلاۋ بولدى, دەپ حابارلايدى Egemen.kz.
ماۋلەن اشىمباەۆ كەزدەسۋ بارىسىندا جاڭا كونستيتۋتسيانىڭ جوباسى قوعامنىڭ ساياسي جۇيەنى تەرەڭ جاڭعىرتۋعا قاتىستى سۇرانىسىنىڭ جارقىن كورىنىسى ەكەنىن ايتتى.
مارات شيبۇتوۆ: اتا زاڭ جوباسى جالپىحالىقتىق رەفەرەندۋمعا شىعارۋعا دايىن
«كونستيتۋتسيالىق رەفورما – پرەزيدەنتىمىز قاسىم-جومارت كەمەل ۇلى توقاەۆتىڭ ەلىمىزدەگى ساياسي جۇيەنى تەرەڭ جانە جۇيەلى جاڭعىرتۋعا باعىتتالعان باستامالارىنىڭ زاڭدى ءارى دايەكتى جالعاسى. جاڭا كونستيتۋتسيا جوباسىنىڭ نەگىزى زاڭ مەن ءتارتىپ قاعيداتىنا, ازاماتتاردىڭ مۇددەلەرى مەن قۇقىقتارىنا, سونداي-اق, تابيعاتتى قورعاۋعا جاۋاپكەرشىلىكپەن قاراۋعا جانە ورنىقتى دامۋ باعدارىنا تابان تىرەيدى. بۇل – بەكىتىلگەن ناقتى كونستيتۋتسيالىق نورمالار ارقىلى ادىلەتتى قازاقستان يدەياسىن جۇزەگە اسىرۋدىڭ ايقىن كورىنىسى», دەدى ول.
سەنات توراعاسى ساراپشىلار قاۋىمداستىعىن مەملەكەت باسشىسىنىڭ جاڭعىرتۋ كۇن ءتارتىبى اياسىندا بىرىگۋگە شاقىردى جانە ۇسىنىلعان وزگەرىستەر ەل دامۋىنىڭ جاڭا كەزەڭىنە جول اشاتىنىن اتاپ ءوتىپ, قوعامدى مەملەكەت باسشىسىنىڭ اينالاسىنا توپتاسۋعا شاقىردى.
«كونستيتۋتسيالىق رەفورما – پرەزيدەنتىمىز قاسىم-جومارت كەمەل ۇلى توقاەۆتىڭ ەلىمىزدەگى ساياسي جۇيەنى تەرەڭ جانە جۇيەلى جاڭعىرتۋعا باعىتتالعان باستامالارىنىڭ زاڭدى ءارى دايەكتى جالعاسى. جاڭا كونستيتۋتسيا جوباسىنىڭ نەگىزى زاڭ مەن ءتارتىپ قاعيداتىنا, ازاماتتاردىڭ مۇددەلەرى مەن قۇقىقتارىنا, سونداي-اق, تابيعاتتى قورعاۋعا جاۋاپكەرشىلىكپەن قاراۋعا جانە ورنىقتى دامۋ باعدارىنا تابان تىرەيدى. بۇل – بەكىتىلگەن ناقتى كونستيتۋتسيالىق نورمالار ارقىلى ادىلەتتى قازاقستان يدەياسىن جۇزەگە اسىرۋدىڭ ايقىن كورىنىسى», دەدى ماۋلەن اشىمباەۆ.
سونىمەن قاتار سەنات توراعاسى قۇجاتتى قوعامدىق تالقىلاۋدىڭ دەڭگەيىنە جانە كونستيتۋتسيالىق كوميسسيا جۇمىسى اشىق ءارى جاريا تۇردە جۇرگىزىلىپ جاتقانىنا نازار اۋداردى.
ء«ىس جۇزىندە جاڭا كونستيتۋتسيا كەڭ اۋقىمدى قوعامدىق تالقىلاۋ بارىسىندا قالىپتاسىپ جاتىر. بۇگىنگى دوڭگەلەك ۇستەل – وسى اۋقىمدى ءارى جاۋاپتى ديالوگتىڭ ءبىر بولىگى. كوميسسياعا ازاماتتاردان كوپتەگەن ءوتىنىش-ۇسىنىس كەلىپ تۇسكەنى دە بەلگىلى. الداعى كەزەڭدە كونستيتۋتسيادا ايقىندالعان قۇندىلىقتار مەن يدەيالاردى ناقتى تەتىكتەرگە, بولاشاق زاڭدار مەن قۇقىق قولدانۋ تاجىريبەسىنە كوشىرۋدىڭ ماڭىزى زور», دەدى سەنات توراعاسى.
«ارداگەرلەر ۇيىمى» جاڭا كونستيتۋتسيا جوباسىن قولدادى
ءىس-شارا بارىسىندا پارلامەنت سەناتى توراعاسىنىڭ ورىنباسارلارى, كونستيتۋتسيالىق رەفورما جونىندەگى كوميسسيانىڭ مۇشەلەرى جاقىپ اسانوۆ پەن ولگا پەرەپەچينا, سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى, كونستيتۋتسيالىق رەفورما جونىندەگى كوميسسيانىڭ مۇشەسى نۇرلان بەكنازاروۆ ءسوز سويلەدى. سونداي-اق «AMANAT» قوعامدىق ساياسات ينستيتۋتىنىڭ ديرەكتورى ءمادينا نۇرعاليەۆا, قازاقستاندىق قوعامدىق دامۋ ينستيتۋتىنىڭ باسقارما ءتورايىمى, كونستيتۋتسيالىق رەفورما جونىندەگى كوميسسيانىڭ مۇشەسى جۇلدىزاي ىسقاقوۆا, «ۇلتتىق ەنەرگيا ۇنەمدەۋ ورتالىعىنىڭ» باسقارما توراعاسى ەلدوس اباقانوۆ جانە ءبىلىم بەرۋ سالاسىنىڭ ساراپشىسى ءمادينا تىنىباەۆا جاڭا اتا زاڭنىڭ جوباسى جونىندە پىكىر ءبىلدىردى.