الماتى. 1 مامىر. تولاسسىز جاۋعان جاڭبىردان كەيىنگى سۋ باسقان الاتاۋ اۋدانىنىڭ اۋماعىندا قالىپقا كەلتىرۋ جۇمىستارى ودان ارى جالعاسۋ ۇستىندە. بۇل تۋرالى ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
سۋ باسقان اۋماقتىڭ زاردابىن جويۋعا الماتى قالاسى بويىنشا توتەنشە جاعدايلار دەپارتامەنتىنىڭ ءورت ءسوندىرۋ جانە اپاتتىق-قۇتقارۋ جۇمىستارى قىزمەتىنەن 40 ادام, ازاماتتىق قورعانىستىڭ سۋمەن قامتۋ قىزمەتىنەن 46 ادام, ازاماتتىق قورعانىستىڭ ينجەنەرلىك قىزمەتىنەن 26 ادام, جىلۋمەن قامتۋ قىزمەتىنىڭ 50 وكىلى, جولدار مەن كوپىرلەر قىزمەتىنەن 120 ادام, 20 تەحنيكا, «الماتى اكىمدىگى جانىنداعى قۇتقارۋ قىزمەتىنەن (109) بارلىعى 30 ادام, 8 تەحنيكا, قۇرىلىقتاعى اسكەرلەر اسكەري ينستيتۋتىنان 161 ادام, 5 تەحنيكا جۇمىلدىرىلدى.
زارداپ شەككەن اۋماقتا بۇدان تىس بارلىعى 342 ادام مەن 13 تەحنيكا بىرلىگى جۇمىس ىستەدى.
جاعداي تۇراقتالدى, سۋ تولىعىمەن كەتتى. كوشەلەر تازارتىلىپ, ەسەنتاي وزەنى مەن قارعالى وزەندەرىنىڭ جاعاسىنا ينەرتتى ماتەريالدارى بار قاپشىقتار قويىلدى.
تالعات ءسۇيىنباي.
دەرەك, فوتو: ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتى.