قۇقىق قورعاۋ ورگاندارى ماڭعىستاۋ وبلىسىندا ونلاين-كازينو ۇيىمداستىردى دەگەن كۇدىكپەن رانتيك باحتيار وگلىنى تەرگەپ جاتىر. تەرگەۋگە سايكەس, «bingo37.pro» پلاتفورماسى ارقىلى مىڭنان استام قۇمار ويىن تۇرىنە, ونىڭ ىشىندە «Crazy Monkey», «Keno», «Euro Game» جانە باسقا دا تانىمال ويىندارعا قولجەتىمدىلىك بەرىلگەن, دەپ حابارلايدى Egemen.kz.
ويىنشىلار Telegram جانە WhatsApp ارقىلى تارتىلعان, ولارعا جارنامالىق جانە بەينەماتەريالدار, اكتسيالار مەن بونۋستار ۇسىنىلىپ, قاراجات اۋدارعاننان كەيىن پلاتفورماعا كىرۋ لوگينى مەن قۇپياسوزى بەرىلگەن.
قاراجات اعىنىن جاسىرۋ ءۇشىن كۇدىكتى گرۋزيا مەن تاجىكستان ازاماتتارىن – دروپەرلەردى پايدالانعان. ولار قازاقستاندا بانك شوتتارى مەن ابونەنتتىك نومىرلەردى تىركەپ, كەيىن قولجەتىمدىلىكتى ۇيىمداستىرۋشىعا بەرگەن. ناتيجەسىندە دروپەرلەردىڭ اتىنا تىركەلگەن شوتتارعا 3,1 ملرد تەڭگەدەن استام قاراجات تۇسكەن.
زاڭسىز كازينو ۇيىمداستىرۋشىلاردان 420 ملن تەڭگەنىڭ مۇلكى تاركىلەندى
سونداي-اق ەكى اۆتوكولىك – PORSCHE CAYENNE جانە LEXUS GX 460 سوت شەشىمىمەن مەملەكەت كىرىسىنە تاركىلەندى.
تەرگەۋ ءىسى جالعاسىپ جاتىر. قىلمىستىق-پروتسەستىك كودەكستىڭ 201-بابىنا سايكەس, وزگە اقپارات جاريا ەتىلمەيدى.