ەندى حقكو-دان قۇجاتتى تاۋلىكتىڭ كەز كەلگەن ساتىندە الىپ كەتۋگە بولادى

قانداي قۇجاتتاردى الۋعا بولادى؟

قازىرگى كەزدە پوستامات ارقىلى 19 ءتۇرلى قۇجات بەرىلەدى, سونىڭ ىشىندە:

نەكەگە تۇرۋ جانە اجىراسۋ كۋالىكتەرى; قايتىس بولۋ تۋرالى تۋرالى كۋالىكتەر; ارحيۆتىك انىقتامالار; قايتالاما تۋ تۋرالى كۋالىكتەر; اتتەستات, ديپلوم جانە تاعى دا باسقالارى;

ايتا كەتەيىك, الداعى ۋاقىتتا بۇل ءتىزىم كەڭەيتىلەدى.

بۇل قالاي جۇمىس ىستەيدى؟

مەملەكەتتىك قىزمەتتى راسىمدەگەن كەزدە قۇجاتتى پوستامات ارقىلى الۋ ءتاسىلىن تاڭداۋ قاجەت.

قۇجات دايىن بولعان سوڭ تەلەفونعا جەكە كود جازىلعان SMS حابارلاما كەلەدى.

جاشىكتى اشۋ ءۇشىن بيومەتريالىق يدەنتيفيكاتسيادان ءوتۋ كەرەك.

قۇجاتتى حابارلاما العاننان كەيىن ءۇش كۇن ىشىندە الىپ كەتۋگە بولادى. ەگەر وسى مەرزىمدە الىنباسا, قۇجات حقكو مامانى ارقىلى ستاندارتتى تارتىپپەن بەرىلەدى.

2026 جىلى پوستامات قىزمەتىن پايدالانۋ قۇنى 518 تەڭگەنى قۇرايدى.

قازىرگى ۋاقىتتا بۇل جوبا ەلىمىزدىڭ 10 قالاسىندا ساتتى ىسكە قوسىلعان. حالىققا ىڭعايلى بولۋ ءۇشىن بارلىعى 14 پوستامات ۇزدىكسىز جۇمىس ىستەپ تۇر.

پوستامات ورنالاسقان حقكو-دىڭ مەكەنجايلارى:

استانا – كەرەي, جانىبەك حاندار كوشەسى 4; رەسپۋبليكا داڭعىلى 43; الماتى – ماركوۆا كوشەسى 44; جاندوسوۆا كوشەسى 51; نۇركەنت شاعىن اۋدانى 5/17; شىمكەنت – جانگەلدينا كوشەسى 13ا; تولەمەتوۆا كوشەسى 35; تاراز – تولە بي داڭعىلى 89گ; قورداي – باتىس تۇرعىن الابى 25; قاراعاندى – شاحتيوروۆ داڭعىلى 5/2; قىزىلوردا – استانا داڭعىلى 46; پاۆلودار – پاۆلوۆا كوشەسى 48; تۇركىستان – 160-شى كۆارتال 236 ءۇي; سەمەي – پاپانين كوشەسى 34ا;

الاتاۋ قالاسىنىڭ حقكو-ىندا ەلەكتروندى كەزەكتى الدىن الا برونداۋ جۇيەسى ەنگىزىلدى