مەملەكەت تاياۋ شىعىستان وتانداستارىمىزدى ەۆاكۋاتسيالاۋعا شامامەن 4 ميلليون دوللار جۇمسادى. بۇل تۋرالى ۇكىمەتتەگى بريفينگتە كولىك ءمينيسترى نۇرلان ساۋرانباەۆ مالىمدەدى, دەپ حابارلايدى Egemen.kz.
نۇرلان ساۋرانباەۆتىڭ ايتۋىنشا, 10 مىڭنان استام ازامات ەلگە قايتارىلدى.
«العاشقى كەزەڭدە شامامەن 4 مىڭ ادام تۋرالى ايتىلعان ەدى. الايدا ەۆاكۋاتسيا باستالعان كەزدە ول جاقتا ءبىزدىڭ 10 مىڭنان استام ازاماتىمىز بار ەكەنى انىقتالدى. ورتا ەسەپپەن مەملەكەت بۇل شارالارعا شامامەن 4 ميلليون دوللار جۇمسادى», دەدى مينيستر.
ونىڭ سوزىنشە, اۋە كومپانيالارىنىڭ شىعىندارىنىڭ ءبىر بولىگى مەملەكەت تاراپىنان وتەلگەن. سونىمەن قاتار كەيبىر جولاۋشىلار بيلەتتەردى وزدەرى ساتىپ العان, ياعني قىزمەت قۇنىنىڭ ءبىر بولىگى ازاماتتاردىڭ ءوز قاراجاتى ەسەبىنەن تولەنگەن.
«تيىسىنشە, ءبىز اۋە كومپانيالارى شىعىندارىنىڭ ءبىر بولىگىن وتەدىك. بۇعان ساقتاندىرۋ تاۋەكەلدەرى دە كىرەدى. سونداي-اق ازاماتتاردىڭ ءبىر بولىگىن جاعداي تۇراقتىراق بولعان دۋباي مەن وعان جاقىن ەلدەردەن جەتكىزۋ قاجەت بولدى. جالپى بۇل ماقساتتارعا شامامەن 4 ميلليون دوللار جۇمسالدى», دەدى مينيستر.
ەسكە سالا كەتەيىك, يزرايل 28 اقپاندا تاڭەرتەڭ يرانعا سوققى جاسادى. دۋباي, ابۋ-دابي جانە راس-ەل-حايمادا جۇرگەن قازاقستان ازاماتتارى رەيستەردىڭ توقتاتىلۋىنا بايلانىستى ەلگە قايتا الماي قالعان ەدى.