تۇركىستان وبلىسى بويىنشا باسەكەلەستىكتى قورعاۋ جانە دامىتۋ اگەنتتىگىنىڭ دەپارتامەنتى بولشەك ساۋداداعى اۋە وتىنى نارىعىن تەكسەرىپ, زاڭسىز ارەكەتتەردى انىقتادى. انىقتالعانداي, اۋەجاي كاسىپكەرلەردەن قوسىمشا تولەم تالاپ ەتكەن, دەپ حابارلايدى Egemen.kz.
تەكسەرۋ ناتيجەسىندە «تۇركىستان حالىقارالىق اۋەجايى» اق نارىقتاعى ۇستەم جاعدايىن پايدالانىپ, اۆياوتىندى بولشەك ساۋدادا وتكىزەتىن كاسىپكەردەن اۋەجاي اۋماعىندا قىزمەت كورسەتۋ قۇقىعى ءۇشىن زاڭسىز الىم ءوندىرىپ كەلگەنى انىقتالدى.
583 ملن تەڭگەدەن استام زالال: تۇركىستاندا مەكتەپ قارجىسىن جىمقىرعان 14 ادام سوتتالدى
اۋەجايعا قاتىستى تەرگەۋ جۇرگىزىلىپ جاتىر.
«تۇركىستان قالاسى اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ شەشىمىمەن «تۇركىستان حالىقارالىق اۋەجايى» اق اكىمشىلىك جاۋاپكەرشىلىككە تارتىلىپ, 14,3 ملن تەڭگە كولەمىندە ايىپپۇل سالىندى», دەپ حابارلادى اگەنتتىك وكىلدەرى.
ەسكە سالساق, بۇعان دەيىن الماتى حالىقارالىق اۋەجايى ءورت قاۋىپسىزدىگى تالاپتارىن ورىنداماعانى ءۇشىن ايىپپۇل سالىندى. سوت اۋەجايعا 2,16 ملن تەڭگە كولەمىندە ايىپپۇل سالعانىمەن, تەرمينالداردى جابۋ تۋرالى شەشىم قابىلداماعان, سەبەبى بۇل الەۋمەتتىك-ەكونوميكالىق داعدارىس تۋعىزۋى مۇمكىن ەدى.
«جارىلعىش زات بار»: اتىراۋ اۋەجايىندا جولاۋشىلار ەۆاكۋاتسيالاندى