جەتىسۋ وبلىسىندا جاس كاسىپكەر ەربولات ەرەنتالوۆ قولدان پىسىرىلەتىن, اشىتقى قوسپاسىز دايىندالاتىن پايدالى نان ءوندىرىسىن اشقان. ماماندىعى ەكونوميست بولسا دا, ول ناۋبايشىلىقتى ءوز بەتىنشە مەڭگەرىپ, قازىرگى تاڭدا جەتى ءتۇرلى ءونىم شىعارادى. بۇگىندە زاۋىتتا كۇنىنە شامامەن 350 ءونىم ءوندىرىلىپ, وبلىس ورتالىعىنداعى 25 دۇكەنگە جەتكىزىلەدى. ەربولات الداعى ۋاقىتتا ءوندىرىس كولەمىن ۇلعايتىپ, اسسورتيمەنتتى كەڭەيتىپ, رەسپۋبليكالىق دەڭگەيگە شىعۋدى جوسپارلاپ وتىر, دەپ حابارلايدى Egemen.kz.
18 جاسىنان كاسىپكەرلىكپەن اينالىسىپ كەلە جاتقان ەربولات تالدىقورعان قالاسىنىڭ نارىعىن زەرتتەپ, قول نانى ءوندىرىسىن قولعا الۋعا بەل بۋعان. التى اي بويى الماتىدا تاجىريبە جيناپ, ناعىز ءۇي نانىنىڭ ءدامىن بەرەتىن تەحنولوگيانى ۇيرەنەدى.
ىشكى ساۋداعا سەرپىن: كاسىپكەرلەرگە 4,3 ملرد تەڭگە كولەمىندە قولداۋ كورسەتىلدى
«نان وندىرىسىندە جاڭالىق اشۋ مۇمكىن ەمەس سياقتى كورىنگەنىمەن, ءبىز بارشاعا تانىس ءونىمدى تابيعي ءارى پايدالى ەتە الامىز. قۇپيامىز – تەك تابيعي اشىتقى مەن قوسپاسىز ينگرەديەنتتەردى قولدانۋ. قازىرگى تاڭدا تۇراقتى تۇردە التى ادام ەڭبەك ەتەدى, بارلىعىمىز بىرىگىپ ءونىمدى كەڭەيتۋدىڭ جولىن ىزدەپ جاتىرمىز», دەيدى جاس كاسىپكەر.
قازىرگى تاڭدا كاسىپورىندا جەرگىلىكتى ۇندى پايدالانا وتىرىپ, كۇنىنە 350-گە جۋىق ءونىم دايىندالادى. دايىن ءونىم وبلىس ورتالىعىنداعى 25 دۇكەنگە جەتكىزىلەدى. ناۋبايحانا قول اشىتقىسىن پايدالانىپ, قامىردى ۇزاق ۋاقىت بويى يلەپ, كەۋەكتى ءارى قىتىرلاق قۇرىلىمعا يە ءونىم شىعارادى. قولدانىلاتىن ونىمدەر قاتارىنا تارتين نان, ءداندى جانە مۇكجيدەك قوسىلعان نان, ءداندى باگەت, بورودينو جانە قارا بيداي ناندارى, سونداي-اق چياباتتا مەن قاراقۇمىق چياباتتا كىرەدى. كۇن سايىن 60 بولكە الەۋمەتتىك نان دا پىسىرىلەدى. قاجەت بولسا, كرۋاسسان, سيننابون, سامسا جانە باسقا دا ونىمدەردى شىعارۋ مۇمكىندىگى بار.
جاس كاسىپكەرلەر سانى 12,1%-عا ءوستى
ءونىم قارقىندى مۇزداتۋ ادىسىنەن وتكىزىلەدى, بۇل ونى الىس ايماقتارعا جەتكىزۋگە مۇمكىندىك بەرەدى. ەربولات ناۋبايحانانى وبلىستىق جانە رەسپۋبليكالىق دەڭگەيگە شىعارۋ ماقساتىندا ساپالى ءارى پايدالى ءونىم وندىرۋگە بارىن سالىپ كەلەدى. ول مەملەكەت تاراپىنان قولداۋ كورسەتىلسە, ءوندىرىستى ءارى قاراي كەڭەيتۋگە دايىن.
ء«ار ادام ءوز ورنىن تاۋىپ, تابىسقا جەتە الادى. ول ءۇشىن ءىسىڭدى ءسۇيىپ, جان-تانىڭمەن بەرىلە جۇمىس ىستەۋ قاجەت», دەيدى ول.
ەربولاتتىڭ تالپىنىسى تالدىقورعان قالاسىنداعى شاعىن جانە ورتا بيزنەستىڭ دامۋىنىڭ جارقىن مىسالى بولىپ وتىر. قازىرگى كەزدە قالادا 21 مىڭ كاسىپكەرلىك سۋبەكتى جۇمىس ىستەپ, وسى سالادا 40,9 مىڭ ادام ەڭبەك ەتەدى.
جۇمىرتقا مەن سارى ماي قىمباتتاعان: جەتىسۋدا باعانى نەگىزسىز وسىرگەن كاسىپكەرلەر جاۋاپقا تارتىلدى