قازاقستان رەسپۋبليكاسى قارجى مينيسترلىگى
2015 جىلى 26 ناۋرىز №213 استانا قالاسى
قازاقستان رەسپۋبليكاسى ۇلتتىق ەكونوميكا مينيسترلىگى
2015 جىلى 26 ناۋرىز №247 استانا قالاسى
بىرلەسكەن بۇيرىق
كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە سانيتاريالىق-كارانتيندىك باقىلاۋدى جۇزەگە اسىرۋ قاعيداسىن بەكىتۋ تۋرالى
«قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 192-بابىنىڭ 8-تارماعىنا سايكەس, بۇيىرامىز:
1. قوسا بەرىلىپ وتىرعان كەدەن وداعىنىڭ كەدەندىك شەكاراسى ارقىلى اۆتوموبيل وتكىزۋ پۋنكتتەرىندە سانيتاريالىق-كارانتيندىك باقىلاۋدى جۇزەگە اسىرۋ قاعيداسى بەكىتىلسىن.
2. «كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە سانيتاريالىق-كارانتيندىك باقىلاۋدى جۇزەگە اسىرۋ قاعيداسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2011 جىلعى 27 ماۋسىمداعى № 422 جانە قازاقستان رەسپۋبليكاسى قارجى ءمينيسترىنىڭ 2011 جىلعى 29 ماۋسىمداعى № 336 بىرلەسكەن بۇيرىعىنىڭ (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە 2011 جىلعى 26 شىلدەدە № 7086 تىركەلگەن) كۇشى جويىلدى دەپ تانىلسىن.
3. قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنە (د. ە. ەرعوجين) زاڭنامامەن بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى مەملەكەتتىك تىركەۋدەن وتكىزگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ قارجى ءمينيسترى ____________ ب. سۇلتانوۆ
قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ
مىندەتىن اتقارۋشى ______________ م. قۇسايىنوۆ
قازاقستان رەسپۋبليكاسى قارجى ءمينيسترىنىڭ 2015 جىلعى 26 ناۋرىزداعى №213 جانە قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 26 ناۋرىزداعى №247 بىرلەسكەن بۇيرىعىمەن بەكىتىلگەن
كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە سانيتاريالىق-كارانتيندىك باقىلاۋدى جۇزەگە اسىرۋ قاعيداسى
1. جالپى ەرەجەلەر
1. وسى كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە سانيتارلىق-كارانتيندىك باقىلاۋدى جۇزەگە اسىرۋ قاعيداسى «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 192-بابىنىڭ 8-تارماعىنا سايكەس ازىرلەندى جانە كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە تۇلعالارعا, كولىك قۇرالدارىنا جانە باقىلاۋعا جاتاتىن تاۋارلارعا (جۇكتەرگە) قاتىستى سانيتاريالىق-كارانتيندىك باقىلاۋدى جۇزەگە اسىرۋ ءتارتىبىن (بۇدان ءارى - قاعيدا) ايقىندايدى.
2. وسى قاعيدادا مىناداي ۇعىمدار پايدالانىلادى:
1) اقپاراتپەن الماسۋ – وسى قاعيداعا سايكەس جۇكتەلگەن فۋنكتسيالاردى ورىنداۋ بارىسىندا الىنعان قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى (بۇدان ءارى - قر قم مكك) مەن قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى (بۇدان ءارى - قر ۇەم تققك) اراسىندا قازاقستان رەسپۋبليكاسى زاڭناماسىنىڭ تالاپتارى شەڭبەرىندەگى مالىمەتتەردى بەرۋ ءراسىمى;
2) باقىلاۋعا جاتاتىن تاۋارلار – كەدەن وداعىنا مۇشە مەملەكەتتەردىڭ زاڭناماسىنا سايكەس مەملەكەتتىك سانيتاريالىق-ەپيدەمولوگيالىق قاداعالاۋعا (باقىلاۋعا) جاتاتىن, ادامعا قاۋىپ توندىرەتىن تاۋارلار, حيميالىق, بيولوگيالىق جانە راديواكتيۆتى زاتتار, قالدىقتار جانە وزگە دە جۇكتەر, كەدەن وداعىنىڭ كەدەندىك شەكاراسى ارقىلى جانە كەدەن وداعىنىڭ كەدەندىك اۋماعىنا جىلجىيتىن تاماق ونىمدەرى, ماتەريالدار جانە بۇيىمدار;
3) مەجەلى كەدەن ورگانى – قىزمەت وڭىرىندە جونەلتۋشى كەدەن ورگانى بەلگىلەگەن تاۋارلاردى جەتكىزۋ ورنى بار نە كەدەندىك ترانزيت كەدەندىك ءراسىمىن اياقتايتىن مەملەكەتتىك كىرىستەر ورگانى جانە (نەمەسە) كەدەن وداعىنا مۇشە مەملەكەتتىڭ باسقا ورگانى;
4) سانيتاريالىق-كارانتيندىك باقىلاۋ – كەدەن وداعىنىڭ كەدەندىك اۋماعىنا جۇقپالى, پارازيتارلىق اۋرۋلاردى, سونداي-اق ادام دەنساۋلىعىنا ىقتيمال قاۋىپتى زاتتاردى جانە ونىمدەردى كىرگىزۋگە جول بەرمەۋ ماقساتىندا جۇرگىزىلەتىن كەدەن وداعىنىڭ كەدەندىك شەكاراسى ارقىلى ادامدار مەن تاۋارلاردى (جۇكتەردى) وتكىزۋ كەزىندە تاۋارلاردىڭ (جۇكتەردىڭ) سانيتاريالىق-ەپيدەميولوگيالىق جانە ادامداردىڭ دەنساۋلىق جاعدايىنا باقىلاۋ.
3. كەدەن وداعىنىڭ كەدەندىك اۋماعى ارقىلى اۆتوموبيلمەن ءوتۋ پۋنكتتەرىندە سانيتاريالىق-كارانتيندىك باقىلاۋدى سانيتاريالىق-كارانتيندىك باقىلاۋدى ۇيىمداستىرۋ ءۇشىن قاجەتتى عيماراتتاردى, ءۇي-جايلار مەن قۇرىلىستارىن جابدىقتاۋ مەن تەحنيكالىق جاراقتاندىرۋعا قويىلاتىن ۇلگى تالاپتارىنا سايكەس كەلەتىن جاعدايدا مەملەكەتتىك كىرىستەر ورگاندارىنىڭ لاۋازىمدى تۇلعالارى جۇرگىزەدى.
4. لاۋازىمدى تۇلعالار, سانيتاريالىق-كارانتيندىك باقىلاۋ فۋنكتسيالارىن جۇزەگە اسىرۋ شەڭبەرىندە ءوز قىزمەتىندە «كەدەن وداعىندا سانيتارلىق شارالاردى قولدانۋ تۋرالى» كەدەن وداعى كوميسسياسىنىڭ 2010 جىلعى 28 مامىرداعى № 299 شەشىمىن, قازاقستان رەسپۋبليكاسىنىڭ جانە كەدەن وداعىنا مۇشە مەملەكەتتەردىڭ زاڭناماسىن باسشىلىققا الادى.
2. كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە
سانيتاريالىق-كارانتيندىك باقىلاۋدى جۇزەگە اسىرۋ ءتارتىبى جانە مكك مەن تققك اۋماقتىق ورگاندارىنىڭ ءوزارا ءىس-قيمىلى
5. مەملەكەتتىك كىرىستەر ورگانىنىڭ لاۋازىمدى تۇلعالارى كولىك قۇرالدارىنا, كونتەينەرلەرگە, باقىلاۋعا جاتاتىن تاۋارلارعا (جۇكتەرگە), ولار كەدەن وداعىنىڭ كەدەندىك اۋماعىنا (اۋماعىنان) كەلگەن (كەتكەن) كەزدە سانيتاريالىق-كارانتيندىك باقىلاۋ جۇرگىزۋ شەڭبەرىندە:
1) كەدەن وداعىنىڭ كەدەندىك شەكاراسىن كەسىپ وتەتىن كولىك قۇرالدارىن, كونتەينەرلەردى كوزبەن قاراپ تەكسەرۋدى, اۆتوكولىك جۇرگىزۋشىلەرىنە ساۋالنامانى;
2) كولىك قۇرالدارىن, كونتەينەرلەردى, ونىڭ ىشىندە ينفەكتسيانى تاسۋشىلار مەن ينفەكتسيانى جۇقتىرعىشتاردىڭ بار بولۋىنا (جاندىكتەر, ءتىرى جانە ولگەن كەمىرگىشتەردىڭ نەمەسە ولاردىڭ بولۋىنىڭ ءىزى) سانيتارلىق تەكسەرىپ قاراۋدى;
3) اۆتوموبيلمەن ءوتۋ پۋنكتى باسشىسىنىڭ شەشىمى بويىنشا ينفەكتسيانى جۇقتىرعىشتار مەن تاسۋشىلارى بار بولعان جاعدايدا (جاندىكتەر, ءتىرى جانە ولگەن كەمىرگىشتەردىڭ نەمەسە ولاردىڭ بولۋىنىڭ ءىزى) كولىك قۇرالدارىن, كونتەينەرلەردى سانيتاريالىق تۇراققا جەتكىزۋدى;
4) دەزينفەكتسيالىق, دەزينسەكتسيالىق جانە (نەمەسە) دەراتيزاتسيالىق ءىس-شارالاردىڭ جۇرگىزۋىن ۇيىمداستىرۋدى;
5) نارىقتا سانيتاريالىق-ەپيدەميولوگيالىق قاداعالاۋعا (باقىلاۋعا) جاتاتىن تاۋارلارعا بىرىڭعاي سانيتاريالىق-ەپيدەميولوگيالىق جانە گيگيەنالىق تالاپتارعا (بۇدان ءارى – بىرىڭعاي سانيتاريالىق تالاپتار) جانە (نەمەسە) جاڭادان قابىلدانعان ەۋرازيالىق ەكونوميكالىق وداقتىڭ تەحنيكالىق رەگلامەنتتەرىنە سايكەس كەلمەيتىن تاۋارلاردىڭ اينالىمىنا جول بەرمەۋ ماقساتىندا كوك شەشىمىمەن بەكىتىلگەن كەدەن وداعىنىڭ كەدەندىك شەكاراسىندا جانە كەدەندىك اۋماعىندا سانيتاريالىق-ەپيدەميولوگيالىق قاداعالاۋعا (باقىلاۋعا) جاتاتىن تاۋارلارعا بىرىڭعاي تىزبەگە (بۇدان ءارى – تاۋارلاردىڭ بىرىڭعاي تىزبەسى) سايكەس كەدەن وداعىنىڭ كەدەندىك شەكاراسىنداعى اۆتوموبيلمەن ءوتۋ پۋنكتتەرىندە باقىلاۋعا جاتاتىن تاۋارلارعا سانيتاريالىق-كارانتيندىك باقىلاۋدى ۇيىمداستىرۋدى;
6) ولارعا قاتىستى قازاقستان رەسپۋبليكاسىنىڭ مەملەكەتتىك سانيتارلىق باس دارىگەرىنىڭ قاۋلىسىمەن اكەلۋگە جانە قر ۇەم تققك-عا باقىلاۋ ناتيجەلەرى بويىنشا اقپاراتتى ۇسىنۋعا شەكتەۋلەرى بار ونىمدەردى (تاۋارلاردى) اكەلۋگە سانيتاريالىق-كارانتيندىك باقىلاۋ جۇرگىزۋدى;
7) اۆتوموبيلمەن ءوتۋ پۋنكتتەرىندە كەدەن وداعىنىڭ كەدەندىك شەكاراسىن كەسىپ وتەتىن جەكە تۇلعالارعا دەنە قىزۋىن قاشىقتىقتان ولشەۋگە ارنالعان جابدىقتىڭ كومەگىمەن سانيتاريالىق-كارانتيندىك باقىلاۋ ۇيىمداستىرۋدى جۇزەگە اسىرادى.
6. سانيتاريالىق-كارانتيندىك باقىلاۋدى جۇزەگە اسىراتىن قر قم مكك مەن قر ۇەم تققك اۋماقتىق بولىمشەلەرى ناۋقاستى نەمەسە ينفەكتسيالىق اۋرۋمەن (پارازيتارلىق) اۋىرادى دەپ كۇدىك تۋدىرعان ادامدى كولىك قۇرالىندا جانە (نەمەسە) وتكىزۋ پۋنكتىندە انىقتاعان جاعدايدا بىرلەسكەن جاريالاۋ سحەماسىن جانە جەدەل ءوزارا ءىس-قيمىل جوسپارىن بەكىتەدى.
7. قر قم مكك اۋماقتىق بولىمشەلەرىنىڭ اۆتوموبيلمەن ءوتۋ پۋنكتتەرىنىڭ لاۋازىمدى تۇلعالارى جانە قر ۇەم تققك-نىڭ اۋماقتىق بولىمشەلەرى مىناداي جاعدايلاردا:
1) اۋرۋ ادامدى نەمەسە ينفەكتسيالىق (پارازيتارلىق) اۋرۋمەن اۋىرادى دەپ كۇدىك تۋدىرعان ادامدى انىقتاعان كەزدە وسى بۇيرىققا 1-قوسىمشاعا سايكەس كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە ءوزارا ءىس-قيمىلدىڭ تەحنولوگيالىق سحەماسىنا (بۇدان ءارى – تەحنولوگيالىق سحەما) سايكەس سانيتاريالىق-ەپيدەمياعا قارسى (الدىني الۋ) ءىس-شارالاردى ۋاقتىلى وتكىزۋ ءۇشىن;
2) ادام دەنساۋلىعى ءۇشىن ىقتيمال قاۋىپتى باقىلاۋداعى تاۋارلاردى (جۇكتەردى) اكەلۋ قاۋىپى بولعان كەزدە;
3) كەدەن وداعىنا مۇشە مەملەكەتتەردە جانە باسقا مەملەكەتتەردە ەپيدەميولوگيالىق جاعداي ناشارلاعان كەزدە;
4) كونسۋلتاتيۆتىك جانە ادىستەمەلىك كومەك كورسەتۋ قاجەت بولعان جاعدايدا ءوزارا ءىس-قيمىلدا بولادى.
8. قر ۇەم تققك-مەن ءوزارا ءىس-قيمىلدى قامتاماسىز ەتۋ ماقساتىندا, مەملەكەتتىك ورگانداردىڭ بىرىڭعاي كولىكتىك ورتاسىنىڭ ارنالارى ارقىلى اۆتوموبيلمەن ءوتۋ پۋنكتتەرىندە سانيتاريالىق-كارانتيندىك باقىلاۋدى جۇرگىزۋ تۋرالى اقپاراتپەن الماسۋ ۇيىمداستىرىلادى.
9. ينفەكتسيالىق جانە پارازيتارلىق اۋرۋلاردى, سونداي-اق ادام ءومىرى ءۇشىن ىقتيمال قاۋىپتى زاتتار مەن ونىمدەردى (تاۋارلاردى) اكەلۋدىڭ ناقتى قاۋىپى تۋىنداعان جاعدايلاردا, قر ۇەم تققك قر قم مكك-عا ينفەكتسيالىق جانە جاپپاي ينفەكتسيالىق ەمەس اۋرۋلاردى اكەلۋدىڭ (ۋلانۋدىڭ) جانە تارالۋدىڭ, ادام دەنساۋلىعى ءۇشىن ىقتيمال قاۋىپتى ونىمدەردى (تاۋارلاردى) اكەلۋدەن الدىن الۋعا باعىتتالعان ءتيىستى شارالار (بۇدان ءارى – پروفيلاكتيكالىق شارالار) قابىلداۋ قاجەتتىلىگى تۋرالى حابارلايدى.
قر قم مكك الىنعان اقپاراتتى قر قم مكك-نىڭ اۋماقتىق بولىمشەلەرىنە پروفيلاكتيكالىق ءىس-شارالاردى ۇيىمداستىرۋ ءۇشىن جولدايدى.
سانيتاريالىق-كارانتيندىك باقىلاۋدى جۇزەگە اسىراتىن مەملەكەتتىك كىرىستەر ورگاندارىنىڭ لاۋازىمدى تۇلعالارى اۆتوموبيلمەن ءوتۋ پۋنكتتەرىندە قر ۇەم تققك اۋماقتىق بولىمشەلەرىمەن بىرلەسىپ كەدەن وداعىنىڭ كەدەندىك شەكاراسىنا سانيتاريالىق كۇزەتۋدى قامتاماسىز ەتۋ ءۇشىن تالاپ ەتىلەتىن پروفيلاكتيكالىق ءىس-شارالاردى جۇرگىزەدى.
10. قازاقستان رەسپۋبليكاسىنىڭ زاڭناماسىن ساقتاۋ جانە كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە ءتيىستى سانيتاريالىق-كارانتيندىك باقىلاۋدى جۇرگىزۋ ماقساتىندا قر ۇەم تققك:
1) كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە تۇرعان اۋدانداردا جانە شەكارالاس اۋماقتاردا, ادامداردىڭ ينفەكتسيالىق اۋرۋلارى پايدا بولعان وشاقتارى تۋرالى, سونداي-اق شەكارالاس اۋماقتاردا, سول نەمەسە وزگە ونىمدەردىڭ لاستانعانى نەمەسە ينفەكتسيالانعانى تۋرالى اقپاراتتى الۋ كەزىندە قابىلدانۋى قاجەت شارالار, سونداي-اق ەپيدەميولوگيالىق قاۋىپتىڭ جويىلعانى تۋرالى ۋاقتىلى حابارلايدى;
2) قر قم مكك-نى قازاقستان رەسپۋبليكاسىنىڭ مەملەكەتتىك سانيتاريالىق باس دارىگەر قاۋلىسىنىڭ كۇشىن توقتاتۋ نەمەسە جويۋ تۋرالى ۋاقتىلى اقپاراتتاندىرادى.
11. قازاقستان رەسپۋبليكاسىنىڭ زاڭناماسىن ساقتاۋ جانە كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە ءتيىستى سانيتاريالىق-كارانتيندىك باقىلاۋدى ءتيىستى جۇرگىزۋ ماقساتىندا قر قم مكك:
1) وسى قاعيداعا 2-قوسىمشاعا سايكەس اي سايىن قر ۇەم تققك-عا مالىمەتتەردى ۇسىنادى;
2) سانيتاريالىق-كارانتيندىك باقىلاۋدى جۇزەگە اسىراتىن مەملەكەتتىك كىرىستەر ورگاندارىنىڭ لاۋازىمدى تۇلعالارىنىڭ كوك شەشىمىنە سايكەس سانيتاريالىق-كارانتيندىك باقىلاۋ بويىنشا ەسەپكە الۋ قۇجاتتاماسىنىڭ جۇرگىزىلۋىن قامتاماسىز ەتەدى;
3) كوك شەشىمىمەن بەكىتىلگەن نىسان بويىنشا, سونداي-اق كەدەن وداعىنىڭ سىرتقى شەكاراسىنداعى اۆتوموبيلمەن ءوتۋ پۋنكتتەرى بولىگىندە جيىنتىق اقپاراتتى قر ۇەم تققك-عا ۇسىنۋدى قامتاماسىز ەتەدى;
4) اۋرۋ ادامدى نەمەسە تەحنولوگيالىق سحەماعا سايكەس اۋماقتىڭ سانيتاريالىق كۇزەتى بويىنشا ءىس-شارالاردىڭ وتكىزىلۋىن تالاپ ەتەتىن اۋرۋمەن اۋىرادى دەپ كۇدىك تۋدىرعان ادامدى انىقتاعان كەزدە كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە قر ۇەم تققك مەن قر قم مكك اۋماقتىق بولىمشەلەرىنىڭ جەدەل ءوزارا ءىس-قيمىلىن قامتاماسىز ەتەدى.
كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە سانيتاريالىق-كارانتيندىك باقىلاۋدى جۇزەگە اسىرۋ قاعيداسىنا 1-قوسىمشا
كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە ءوزارا ءىس-قيمىلدىڭ
تەحنولوگيالىق سحەماسى
1. كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە مەملەكەتتىك كىرىستەر ورگاندارىنىڭ لاۋازىمدى تۇلعالارى ناۋقاستى نەمەسە ينفەكتسيالىق اۋرۋمەن (پارازيتارلىق) اۋىرادى دەپ كۇدىك تۋدىرعان ادامدى انىقتاعان كەزدەگى ارەكەتى:
1) كەدەن وداعىنىڭ كەدەندىك شەكاراسى ارقىلى اۋماقتىق مەملەكەتتىك كىرىستەر ورگانىنىڭ اۆتوموبيلمەن ءوتۋ پۋنكتىنىڭ باسشىسىن كەدەن وداعىنىڭ كەدەندىك اۋماعىنا كەلگەن ادامداردىڭ اۋرۋمەن اۋىراتىنىنا كۇدىگى تۋرالى حابارلايدى;
2) جاريالاۋ سحەماسىنا سايكەس سانيتاريالىق كۇزەت بويىنشا الدىن الۋ ءىس-شارالارىن جۇرگىزۋدى تالاپ ەتەتىن اۋرۋلاردىڭ جاعدايلارى تۋرالى تققك اۋماقتىق بولىمشەلەرىنە حابارلاندىرۋ;
3) كەدەن وداعىنىڭ كەدەندىك شەكاراسى ارقىلى اۋماقتىق مەملەكەتتىك كىرىستەر ورگانىنىڭ اۆتوموبيلمەن ءوتۋ پۋنكتى باسشىسىنىڭ شەشىمى بويىنشا كولىك قۇرالىن سانيتاريالىق الاڭعا ورنالاستىرۋدى ۇيىمداستىرادى;
4) كولىك قۇرالى بويىنشا وتكىزۋدى جانە جۇرگىزۋشىنىڭ, جولاۋشىلاردىڭ شىعۋىن, باگاجدىڭ, جۇكتەردىڭ ءتۇسۋىن توقتاتا تۇرۋ;
5) شەكارالىق جانە كەدەندىك باقىلاۋ جۇرگىزۋدى توقتاتا تۇرۋ;
6) ەپيدەميولوگياعا قارسى ءىس-شارالاردىڭ وتكىزىلۋى اياقتالعانعا دەيىن كولىك قۇرالىنىڭ جانە ونداعى ادامداردىڭ كۇزەتىن قامتاماسىز ەتۋدى ۇيىمداستىرادى;
7) ناۋقاستى نەمەسە ينفەكتسيالىق اۋرۋمەن (پارازيتارلىق) اۋىرادى دەپ كۇدىك تۋدىرعان ادامدى انىقتاۋ ورنى بويىنشا نەمەسە ودان ءارى ەمدەۋ-پروفيلاكتيكالىق كومەك كورسەتۋمەن اينالىساتىن مەكەمەگە (ۇيىمعا) اۋرۋ دياگنوزىن جويۋعا قاجەتتى مەرزىمگە, ول راستالعان كەزدە تولىق ەمدەلگەنگە دەيىن ەمدەۋگە جاتقىزۋدى ۇيىمداستىرۋمەن ۋاقىتشا وقشاۋلاۋعا ارنالعان ءۇي-جايعا دەرەۋ ۋاقىتشا وقشاۋلاۋ;
8) ەپيدەميولوگيالىق كورسەتكىشتەر بويىنشا سانيتاريالىق-كارانتيندىك باقىلاۋدى جۇزەگە اسىراتىن مەملەكەتتىك كىرىستەر ورگاندارىنىڭ لاۋازىمدى تۇلعالارىنا شۇعىل جەكە پروفيلاكتيكانى جۇرگىزەدى;
9) قر ۇەم تققك اۋماقتىق بولىمشەلەرىنە جانە ەمدەۋ-الدىن الۋ مەكەمەلەرىنە (بۇدان ءارى - ەپم) شۇعىل حابارلاۋ جانە شاقىرتۋدى ۇيىمداستىرادى;
10) دەزينفەكتسيانى, جاندىكتەر نەمەسە كەمىرگىشتەر انىقتالعان كەزدە – كولىك قۇرالداردىڭ, جۇكتەردىڭ جانە باگاجدىڭ دەراتيزاتسياسىن, دەزينسەكتسياسىن ۇيىمداستىرادى;
11) شەتەل ازاماتتارى ەمدەلۋگە جاتقىزۋدان باس تارتقان جاعدايدا ودان كەيىنگى شارالار قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى;
12) كەدەن وداعىنىڭ كەدەندىك شەكاراسىن كەسىپ وتەتىن كولىك قۇرالىنداعى ادامدا اۋرۋ انىقتالعان, نە اۋرۋلاردىڭ قوزدىرعىشتارىمەن لاستانۋىنا كۇدىگى بار جۇكتى تاپقان جاعدايدا مەملەكەتتىك كىرىستەر ورگاندارىنىڭ لاۋازىمدى تۇلعاسى باسقا ەلدىڭ ازاماتتارىنىڭ (ناۋقاس جانە ولارمەن بايلانىستا بولعان ادامداردىڭ) كىرۋىنە, ترانزيتپەن وتۋىنە, نە ءوز اۋماعىنا باقىلاۋعا جاتاتىن تاۋارلاردى (ونىمدەردى) اكەلۋگە تىيىم سالۋ تۋرالى شەشىم قابىلدايدى;
13) حالىقتىڭ سانيتاريالىق-ەپيدەميولوگيالىق سالاۋاتتىلىعىن قامتاماسىز ەتۋ سالاسىنداعى بۇزۋشىلىقتاردى انىقتاعان كەزدە, سونداي-اق ينفەكتسيالىق اۋرۋلاردىڭ جانە جاپپاي ينفەكتسيالىق ەمەس اۋرۋلاردىڭ (ۋلانۋلاردىڭ) ناقتى تۋىنداۋ جانە تارالۋ قاۋپى كەزىندە وتكىزۋ پۋنكتتەرىن مونيتورينگتەۋدىڭ وڭىرلىك باسقارماسىنا (بۇدان ءارى – ءوپموب) دەرەۋ حابارلايدى.
2. كولىك قۇرالدارىنا جانە جەكە تۇلعالارعا سانيتاريالىق-كارانتيندىك باقىلاۋ, سونداي-اق قاجەتتىلىك بولعان كەزدە سانيتاريالىق-ەپيدەميولوگياعا قارسى ءىس-شارالار اياقتالعاندا, ءوز فۋنكتسيالارىن جۇزەگە اسىرۋ ءۇشىن باسقا مەملەكەتتىك باقىلاۋ ورگاندارىنىڭ لاۋازىمدى تۇلعالارىنا كىرۋگە بولادى.
3. كەدەن وداعىنىڭ كەدەندىك شەكاراسىنداعى وتكىزۋ پۋنكتتەرىنە سانيتاريالىق كۇزەت بويىنشا ءىس-شارالار وتكىزۋدى تالاپ ەتەتىن اۋرۋدان قايتىس بولعان كولىك قۇرالى كەلگەن كەزدە سانيتاريالىق-كارانتيندىك باقىلاۋدى جۇزەگە اسىراتىن لاۋازىمدى تۇلعا:
اۋماقتىڭ سانيتاريالىق كۇزەت بويىنشا ءىس-شارالار وتكىزۋدى تالاپ ەتەتىن اۋرۋلاردىڭ وقيعالارى تۋرالى جاريالاۋ سحەماسىن, جانە سانيتاريالىق-ەپيدەميولوگياعا قارسى ءىس-شارالاردىڭ جەدەل جوسپارىن قولدانادى;
جاريالاۋ سحەماسىنا سايكەس تاسىمالداۋدىڭ ەرەكشە شارتتارىن ساقتاي وتىرىپ, ءمايىتحانادان ءمايىتتى الۋدى جانە تاسىمالداۋدى ۇيىمداستىرۋ ءۇشىن ءتيىستى قىزمەتكە حاباردار ەتەدى;
وسى تەحنولوگيالىق سحەمانىڭ 1-تارماعىندا كورسەتىلگەن ءىس-شارالاردى جۇرگىزەدى.
4. قر ۇەم تققك اۋماقتىق بولىمشەلەرىنىڭ ارەكەتى:
1) اۋرۋدىڭ ەپيدەميالىق وشاعى تۋىنداۋىنىڭ سەبەپتەرى مەن جاعدايلارىن بەلگىلەۋ, سونداي-اق ناۋقاسپەن بايلانىستا بولعان جانە (نەمەسە) اۋرۋعا (زالالدانۋ) كۇدىگى بار ادامداردى انىقتاۋ ماقساتىمەن ەپيدەميولوگيالىق تەرگەۋ جۇرگىزەدى;
2) كەلۋ نەمەسە وقشاۋلاۋ ساتىنەن باستاپ اۋرۋدىڭ ينكۋباتسيالىق كەزەڭى ىشىندە جولاۋشىلاردى, كولىك قۇرالىنىڭ جۇرگىزۋشىلەرىن, وتكىزۋ پۋنكتتەرىنىڭ مەملەكەتتىك باقىلاۋ ورگاندارىنىڭ لاۋازىمدى تۇلعالارىن قوسا العاندا, ناۋقاسپەن بايلانىستا بولعان ادامدارعا مەديتسينالىق قاداعالاۋدى انىقتايدى, وقشاۋلايدى جانە (نەمەسە) ۇيىمداستىرادى. وقشاۋلاۋ جانە قاداعالاۋ دياگنوزدى العان جاعدايدا جويىلۋى مۇمكىن;
3) ناۋقاسپەن بايلانىستا بولعان ادامداردى كەيىننەن كولىك قۇرالىنان ۋاقىتشا يزولياتورعا ەۆاكۋاتسيالاۋ ءۇشىن ساۋالناما جۇرگىزەدى;
4) زەرتحانالىق زەرتتەۋلەر جۇرگىزۋ ءۇشىن ناۋقاستاردان (اۋرۋمەن اۋىراتىن كۇدىگى بار) جانە ناۋقاستارمەن (كورسەتكىشتەر بويىنشا) بايلانىستا بولعان ادامداردان بيولوگيالىق ماتەريالداردىڭ الۋىن ۇيىمداستىرادى;
5) كەمىرگىشتەردىڭ ولىكتەرى انىقتالعان كەزدە زەرتتەۋ ءۇشىن زەرتحاناعا ىرىكتەۋدى جانە جەتكىزۋدى جۇرگىزەدى;
6) حالىقتىڭ سانيتاريالىق-ەپيدەميولوگيالىق سالاۋاتتىلىعىن قامتاماسىز ەتۋ سالاسىنداعى كەدەن وداعىنا مۇشە مەملەكەتتەردىڭ زاڭناماسىنىڭ بۇزۋشىلىقتارىن انىقتاعان كەزدە, سونداي-اق ينفەكتسيالىق اۋرۋلاردىڭ جانە جاپپاي ينفەكتسيالىق ەمەس اۋرۋلاردىڭ (ۋلانۋلار) ناقتى تۋىنداۋ جانە تارالۋ قاۋپى كەزىندە, سانيتاريالىق-كارانتيندىك باقىلاۋدى جۇزەگە اسىراتىن لاۋازىمدى تۇلعا جاساعان زەرتتەۋ اكتىسىنىڭ نەگىزىندە كەدەن وداعىنا مۇشە مەملەكەتتىڭ ۋاكىلەتتى ورگانىنىڭ نەمەسە ونىڭ اۋماقتىق بولىمشەنىڭ باسشىسى (ونىڭ ورىنباسارى) 24 ساعاتتان كەشىكتىرمەي جاۋاپتى تۇلعالارعا بەلگىلەنگەن مەرزىمدە ونى مىندەتتى ورىنداۋى ءۇشىن:
حالىقتىڭ سانيتاريالىق-ەپيدەميولوگيالىق سالاۋاتتىلىعىن قامتاماسىز ەتۋ سالاسىنداعى انىقتالعان زاڭنامانىڭ بۇزۋشىلىقتارىن جويۋ تۋرالى;
ينفەكتسيالىق اۋرۋلارمەن اۋىرعان ناۋقاستارمەن بايلانىستا بولعان ادامدارعا زەرتحانالىق زەرتتەۋ جانە مۇنداي تۇلعالارعا مەديتسينالىق قاداعالاۋ جۇرگىزۋ تۋرالى;
جاپپاي ينفەكتسيالىق ەمەس اۋرۋلاردى (ۋلانۋلاردى) تۋدىرتۋى مۇمكىن باقىلاۋعا جاتاتىن تاۋارلاردىڭ باعالاۋىن جۇرگىزۋ تۋرالى;
قوسىمشا سانيتاريالىق-ەپيدەميولوگياعا قارسى (الدىن الۋ) ءىس-شارالاردى جۇرگىزۋ تۋرالى;
وتكىزۋ پۋنكتىندەگى كولىك قۇرالىنا دەزينفەكتسيا, دەزينسەكتسيا جانە دەراتيزاتسيا بويىنشا جۇمىستار جۇرگىزۋ تۋرالى ۇيعارىمداردى بەرەدى.
كەدەن وداعىنىڭ كەدەندىك شەكاراسى ارقىلى اۆتوموبيلمەن ءوتۋ پۋنكتتەرىندە سانيتاريالىق-كارانتيندىك باقىلاۋدى جۇزەگە اسىرۋ قاعيداسىنا 2-قوسىمشا
قر ۇەم تققك-عا قر قم مكك ۇسىناتىن مالىمەتتەر
1. جونەلتۋشى كەدەن ورگانىنىڭ اتاۋى.
2. كەدەن بەكەتىندە دەكلاراتسيالانعان كۇنى.
3. كولىك قۇرالىنىڭ ءنومىرى.
4. وتكىزۋدىڭ ءتۇرى (يمپورت).
5. مەجەلى كەدەن ورگانىنىڭ اتاۋى.
6. تاۋارلاردى جونەلتۋشى ەلدىڭ اتاۋى.
7. تاۋاردى جونەلتۋشىنىڭ اتاۋى.
8. وداق ەلدەرى تاۋارلارىنىڭ مەجەلى ەل اتاۋى.
9. تاۋارلاردى الۋشىنىڭ اتاۋى.
10. جۇك تاۋارلارىنىڭ سالماعى.
11. تاۋارلار ورىندارىنىڭ سانى.
12. سىرتقى ەكونوميكالىق قىزمەتتىڭ تاۋار نومەنكلاتۋراسى بويىنشا تاۋاردىڭ كودى.
13. تاۋاردىڭ سيپاتتاماسى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10915 بولىپ ەنگىزىلدى.