2015 جىلعى 28 ءساۋىر, استانا قالاسى
دەنساۋلىق ساقتاۋ سالاسىنداعى تاۋەلسىز ساراپشىلاردى تارتۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 14-بابىنىڭ 4 - تارماعىنا سايكەس بۇيىرامىن:
1. قوسا بەرىلىپ وتىرعان دەنساۋلىق ساقتاۋ سالاسىنداعى تاۋەلسىز ساراپشىلاردى تارتۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمدارىندا جانە «ادىلەت» اقپاراتتىق–قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە ءمينيسترى ا.ۆ. تسويعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 28 ءساۋىر №274 بۇيرىعىمەن بەكىتىلگەن
دەنساۋلىق ساقتاۋ سالاسىنداعى تاۋەلسىز ساراپشىلاردى تارتۋ قاعيدالارى
1. جالپى ەرەجەلەر
1. وسى دەنساۋلىق ساقتاۋ سالاسىنداعى تاۋەلسىز ساراپشىلاردى تارتۋ قاعيدالارى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ (بۇدان ءارى – كودەكس) 14-بابىنىڭ 4-تارماعىنا سايكەس ازىرلەنگەن جانە دەنساۋلىق ساقتاۋ سالاسىندا تاۋەلسىز ساراپتامانى جۇزەگە اسىرۋ كەزىندە تاۋەلسىز ساراپشىلاردى تارتۋ ءتارتىبىن ايقىندايدى.
2. تاۋەلسىز ساراپشىلاردى تارتۋدىڭ ماقساتى:
1) دەنساۋلىق ساقتاۋ سۋبەكتىلەرىنىڭ كادرلىق, ماتەريالدىق-تەحنيكالىق رەسۋرستارىن وڭتايلى پايدالانۋ جانە زاماناۋي مەديتسينالىق تەحنولوگيالاردى قولدانۋ نەگىزىندە پاتسيەنتتەردىڭ قاجەتتى كولەمدەگى جانە ءتيىستى ساپاداعى مەديتسينالىق كومەك الۋ قۇقىقتارىن قامتاماسىز ەتۋ;
2) دەنساۋلىق ساقتاۋ سۋبەكتىلەرىنىڭ قىزمەتىن باعالاۋدىڭ اشىقتىعى مەن وبەكتيۆتىلىگىن, مەديتسينا قىزمەتكەرلەرىنىڭ قۇزىرەتىن, مامانداردىڭ بىلىكتىلىك دەڭگەيىن قامتاماسىز ەتۋ;
3) بەلگىلى ءبىر اۋرۋ نەمەسە كلينيكالىق جاعداي كەزىندە مەديتسينالىق كورسەتىلەتىن كومەككە قويىلاتىن جالپى تالاپتاردى قالىپتاستىرۋ كەزىندە ۇسىنىمداردىڭ وزەكتىلىگى مەن نەگىزدىلىگىن قامتاماسىز ەتۋ بولىپ تابىلادى.
3. وسى قاعيدالاردا قولدانىلاتىن نەگىزگى ۇعىمدار:
1) دەنساۋلىق ساقتاۋ سۋبەكتىسى – حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قىزمەتتى جۇزەگە اسىراتىن ۇيىمداردى قوسپاعاندا, دەنساۋلىق ساقتاۋ ۇيىمدارى, سونداي-اق جەكە مەديتسينالىق پراكتيكامەن جانە فارماتسەۆتيكالىق قىزمەتپەن اينالىساتىن جەكە تۇلعالار;
2) زاڭدى تۇلعا – جەكە مەنشiك, شارۋاشىلىق جۇرگiزۋ نەمەسە جەدەل باسقارۋ قۇقىعىنداعى وقشاۋ مۇلكi بار جانە سول مۇلiكپەن ءوز مiندەتتەمەلەرi بويىنشا جاۋاپ بەرەتiن, ءوز اتىنان مۇلiكتiك جانە مۇلiكتiك ەمەس جەكە قۇقىقتار مەن مiندەتتەرگە يە بولىپ, ولاردى جۇزەگە اسىرا الاتىن, سوتتا تالاپكەر جانە جاۋاپكەر بولا الاتىن ۇيىم;
3) مەديتسينالىق كورسەتىلەتىن قىزمەتتەر ساپاسىنىڭ ساراپتاماسى – مەديتسينالىق كورسەتىلەتىن قىزمەتتەر تيىمدىلىگىنىڭ, تولىقتىعىنىڭ جانە ستاندارتتارعا سايكەستىگىنىڭ كورسەتكىشىن كورسەتەتىن ينديكاتورلاردى پايدالانا وتىرىپ, جەكە جانە زاڭدى تۇلعالار ۇسىناتىن مەديتسينالىق كورسەتىلەتىن قىزمەتتەر ساپاسىنىڭ دەڭگەيى بويىنشا قورىتىندى شىعارۋ ءۇشىن جۇزەگە اسىرىلاتىن ۇيىمداستىرۋ, تالداۋ جانە پراكتيكالىق ءىس-شارالار جيىنتىعى;
4) ساراپتامالىق قورىتىندى – دەنساۋلىق ساقتاۋ سالاسىنداعى زاڭنامادا بەلگىلەنگەن تالاپتاردىڭ ساقتالۋى ءۇشىن تاۋەلسىز ساراپشىنىڭ الدىنا قويىلعان ماسەلەلەر بويىنشا نەگىزدەمەسى بار قورىتىندى;
5) تاۋەلسىز ساراپتاما – مەديتسينالىق كورسەتىلەتىن قىزمەتتەردىڭ تيىمدىلىگىنىڭ, تولىقتىعىنىڭ جانە ستاندارتتارعا سايكەستىگىنىڭ كورسەتكىشىن كورسەتەتىن ينديكاتورلاردى پايدالانا وتىرىپ, دەنساۋلىق ساقتاۋ سۋبەكتىلەرى مەديتسينالىق كورسەتىلەتىن قىزمەتتەر ساپاسىنىڭ دەڭگەيى تۋرالى قورىتىندى شىعارۋ ماقساتىندا, سونداي-اق مامانداردىڭ بىلىكتىلىك دەڭگەيىن ايقىنداۋ ماقساتىندا وتكىزىلەتىن ءراسىم;
6) تاۋەلسىز ساراپشى – دەنساۋلىق ساقتاۋ سۋبەكتىلەرىنىڭ قىزمەتىنە تاۋەلسىز ساراپتاما جۇرگىزۋ ءۇشىن بەلگىلەنگەن تارتىپپەن اككرەديتتەلگەن جەكە تۇلعا.
4. دەنساۋلىق ساقتاۋ جانە الەۋمەتتىك دامۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10735 بولىپ تىركەلگەن «دەنساۋلىق ساقتاۋ سالاسىنداعى اككرەديتتەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 10 ناۋرىزداعى № 127 بۇيرىعىمەن بەكىتىلگەن دەنساۋلىق ساقتاۋ سالاسىنداعى اككرەديتتەۋ قاعيدالارىنا سايكەس تاۋەلسىز ساراپشىلاردى اككرەديتتەيدى جانە ولاردىڭ دەرەكقورىن قالىپتاستىرادى.
2. تاۋەلسىز ساراپشىلاردى تارتۋ ءتارتىبى
5. تاۋەلسىز ساراپشىلار:
1) ۋاكىلەتتى ورگان جانە ونىڭ اۋماقتىق بولىمشەلەرى;
2) دەنساۋلىق ساقتاۋ سۋبەكتىلەرى;
3) جەكە تۇلعالار دەنساۋلىق ساقتاۋ سۋبەكتىلەرىنىڭ قىزمەتىنە تاۋەلسىز ساراپتاما جۇرگىزۋ ءۇشىن تارتىلادى.
6. تاۋەلسىز ساراپشىلار تاۋەلسىز ساراپتاما جۇرگىزۋ ءۇشىن:
1) نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10880 بولىپ تىركەلگەن «مەديتسينالىق قىزمەتتەر كورسەتۋ ساپاسىنىڭ ىشكى جانە سىرتقى ساراپتامالارىن ۇيىمداستىرۋ مەن جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 27 ناۋرىزداعى № 173 بۇيرىعىنا سايكەس مەديتسينالىق قىزمەتتەردىڭ ساپاسىنا سىرتقى ساراپتاما جۇرگىزۋ;
2) نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10735 بولىپ تىركەلگەن «دەنساۋلىق ساقتاۋ سالاسىنداعى اككرەديتتەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 10 ناۋرىزداعى № 127 بۇيرىعىنا سايكەس مەديتسينالىق ۇيىمداردى اككرەديتتەۋدى جۇرگىزۋ كەزىندە;
3) جەكە تۇلعالار مەملەكەتتىك مەديتسينالىق ساراپتاما قورىتىندىسىمەن كەلىسپەگەن كەزدە تارتىلادى.
7. ۋاكىلەتتى ورگان نەمەسە ونىڭ اۋماقتىق بولىمشەلەرى – مەملەكەتتىك ساتىپ الۋدى ۇيىمداستىرۋشىلار جىل سايىن مەديتسينالىق قىزمەتتەردىڭ ساپاسىنا سىرتقى ساراپتاما جۇرگىزۋ جانە دەنساۋلىق ساقتاۋ سۋبەكتىلەرىن اككرەديتتەۋ كەزىندە تارتىلاتىن تاۋەلسىز ساراپشىلاردىڭ قىزمەتتەرىنە مەملەكەتتىك ساتىپ الۋدى جۇزەگە اسىرادى.
8. جەكە تۇلعالار مەملكەتتىك مەديتسينالىق ساراپتاما قورىتىندىسىمەن كەلىسپەگەن جاعدايدا, سونداي-اق دەنساۋلىق ساقتاۋ سۋبەكتىلەرى تاۋەلسىز ساراپشىلاردى شارت نەگىزىندە تارتادى.
تاۋەلسىز ساراپشىلار تۋرالى مالىمەتتەردى جەكە تۇلعالار مەن دەنساۋلىق ساقتاۋ سۋبەكتىلەرى دەنساۋلىق ساقتاۋ سالاسىنداعى اككرەديتتەلگەن تاۋەلسىز ساراپشىلار دەرەكقورىنان الادى.
9. تاۋەلسىز ساراپشى ساراپتاماعا ونىڭ نەگىزگى مەديتسينالىق, فارماتسەۆتيكالىق ماماندىعى ەسكەرىلە وتىرىپ تارتىلادى.
10. تاۋەلسىز ساراپتاما جۇرگىزۋ قىزمەتتەرىنە اقى تولەۋ ورىندالعان جۇمىستار اكتىسى نەگىزىندە جۇزەگە اسىرىلادى.
3. قورىتىندى ەرەجەلەر
11. ەگەر:
1) تەكسەرىلەتىن دەنساۋلىق ساقتاۋ سۋبەكتىسىمەن ەڭبەك نەمەسە شارتتىق قارىم-قاتىناستا بولسا;
2) ساراپتاما جۇرگىزۋ كەزىندە ولارمەن تۋىستىق نەمەسە وزگە دە قارىم-قاتىناستاعى تۇلعالاردىڭ مۇددەلەرى قوزعالسا;
3) ءوتىنىش يەسى ءوزىنىڭ العاشقى ءوتىنىشى بويىنشا تەكسەرۋگە بۇرىن قاتىسپاعان تاۋەلسىز ساراپشىنى تارتا وتىرىپ, قايتادان ساراپتاما جۇرگىزۋ تۋرالى ءوتىنىش بىلدىرسە, ساراپتاماعا تاۋەلسىز ساراپشىلار تارتىلمايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11207 بولىپ ەنگىزىلدى.