استانا. 27 ءساۋىر. قازاقستان پرەزيدەنتى نۇرسۇلتان نازارباەۆ «ەلباسى جولى: جۇلدىزدار توعىسقاندا» كينوەپوپەياسىنىڭ پرەمەرالىق كورسەتىلىمىنە باردى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
فيلم 1984 جىل مەن 1991 جىل ارالىعىنداعى كەزەڭدى قامتيدى. تۋىندى جاڭا تاۋەلسىز مەملەكەتتەردىڭ قۇرىلۋى, سونىڭ ىشىندە قازاقستان رەسپۋبليكاسى تۋرالى باياندايدى.
بۇدان بولەك, كارتينا قازاقستاننىڭ تۇڭعىش پرەزيدەنتىنىڭ ەلدى رەفورمالاۋداعى ءرولى, سونداي-اق ونىڭ بۇگىندە جاھاندىق اۋقىمداعى جوبالارعا اينالعان باستامالارى جونىندە اڭگىمەلەيدى.
فيلم رەجيسسەرى – رەسەي فەدەراتسياسى مەملەكەتتىك سىيلىعىنىڭ لاۋرەاتى, رەسەيدىڭ حالىق ءارتىسى سەرگەي سنەجكين. كينو الماتىدا جانە الماتى وبلىسىندا, استانادا, قاراعاندىدا, ماسكەۋ مەن سانكت-پەتەربۋرگتە تۇسىرىلگەن. كارتينانى سومداۋ جۇمىسىنا جالپى سانى 10 مىڭعا جۋىق ادام قاتىسقان.
«جۇلدىزدار توعىسقاندا» كارتيناسى 2016 جىلعى 28 ساۋىردە جالپىۇلتتىق پروكاتقا شىعارىلادى.
تالعات رايىمبەك.
دەرەك, فوتو: akorda.kz.