وقۋ-اعارتۋ مينيسترلىگى حالىقارالىق وليمپيادالار مەن عىلىمي جوبالار بايقاۋلارىنىڭ جەڭىمپازدارىنا جانە ولاردىڭ ۇستازدارىنا بەرىلەتىن بىرجولعى سىياقى تولەۋ ءتارتىبىن جاڭارتتى. ءتيىستى بۇيرىق 2026 جىلعى 30 ناۋرىزدا قابىلدانىپ, 21 ساۋىردەن باستاپ كۇشىنە ەنەدى, دەپ حابارلايدى Egemen.kz.
جاڭا ەرەجەگە سايكەس, تولەمدەردى تاعايىنداۋشى ورگان رەتىندە وقۋ-اعارتۋ مينيسترلىگى بەلگىلەندى. سىياقى تەك اعىمداعى جىلدىڭ جەتىستىكتەرى ءۇشىن بەرىلەدى جانە ءبىر جىل ىشىندە قايتا تاعايىندالمايدى. تولەمدى تەك قازاقستان رەسپۋبليكاسىنىڭ ازاماتتارى الا الادى.
سىياقىعا حالىقارالىق پاندىك وليمپيادالاردىڭ جەڭىمپازدارى مەن جۇلدەگەرلەرى, سونداي-اق حالىقارالىق عىلىمي جوبالار بايقاۋلارىنىڭ قاتىسۋشىلارى جانە ولاردىڭ جەتەكشى پەداگوگتارى ۇمىتكەر بولا الادى. قاتىسۋ ءۇشىن ارنايى انكەتا تولتىرىلادى, ال كامەلەتكە تولماعانداردىڭ دەرەكتەرىن زاڭدى وكىلدەرى راستايدى.
اكادەميك اسقار جۇمادىلداەۆتىڭ مەرەيتويىنا وراي جاس ماتەماتيكتەر اراسىندا وليمپيادا ءوتتى
تولەم مولشەرى جەتىستىك دەڭگەيىنە قاراي بەلگىلەنگەن. ءى دارەجەلى ديپلوم مەن التىن مەدال يەگەرلەرى 1500 اەك, ياعني 2026 جىلى 6 487 500 تەڭگە الادى. ءىى دارەجەگە – 1000 اەك (4 325 000 تەڭگە), ءىىى دارەجەگە – 500 اەك (2 162 500 تەڭگە) قاراستىرىلعان.
سونىمەن قاتار حالىقارالىق عىلىمي جوبالار بايقاۋلارىنىڭ جەڭىمپازدارىنا دا 1500 اەك كولەمىندە سىياقى بەرىلەدى.
جەڭىمپازداردى دايىنداعان پەداگوگتارعا دا قوسىمشا تولەم قاراستىرىلعان: التىن مەدال يەگەرى ءۇشىن – 26,5 بدو, كۇمىس ءۇشىن – 17,5 بدو, قولا ءۇشىن – 8,5 بدو كولەمىندە.