«ورمەكشى ادام» – الماتىدا

Esentai Tower عيماراتىنا ءبىر ساعاتتا ورمەلەپ شىقتى سەنبى كۇنى ەسەنتاي وزەنىنىڭ بويىنا سالىنعان الماتىداعى ەڭ بيىك Esentai Tower عيماراتىنىڭ اينالاسىنا حالىق وتە كوپ جينالدى. ءۇش كۇن بۇرىن عانا جۋرناليستەرمەن ءباسپاسوز ءماسليحاتىن وتكىزگەن – الەمگە «ورمەكشى ادام» اتى­مەن جاقسى تانىس, ەسىمى گين­نەس­تىڭ رەكوردتار كىتابىنا ەنگەن فرانتسۋز الەن روبەر حالىق­تىڭ كوز الدىندا شىنىدان قۇيىل­عان بيىكتىگى 168 مەتر بولاتىن عيما­راتقا ورمەلەپ شىعاتىنى تۋرالى جاريا ەتكەن... سوندىقتان دا شىعار, بالكىم, وزىنە قانشا سەنىمدى بولعانىنا قاراماستان 53 جاستاعى فرانتسۋز سپورتشىسى الماتىدا الپينيستىك قۇرالداردى پايدالاندى. اتاپ ايتقاندا, ول ورمەلەيتىن جولاققا الەننىڭ قاۋىپسىزدىگى ءۇشىن جەردەن ءۇيدىڭ توبەسىنە دەيىن تەمىر ارقان تارتىلدى. ال الەن روبەر بولسا, قاۋىپ­سىزدىك بەلدەۋىن العاشىندا كوز قىرىن دا سالماستان, جوعارى قاراي ورمەلەي جونەلدى. مىڭ­داعان الماتىلىقتار مەن قالا قوناق­تارىنىڭ كوز الدىندا ءبىر ساعاتتىڭ ىشىندە, ارا-اراسىندا تىنىستاپ الىپ, ءتىپتى, كوز ۇشىنداعى كورەرمەندەرمەن قايتا-قايتا سەلفي جاساي وتىرىپ, دىتتەگىن جەرىنە جەتتى. الەن روبەر الداعى ۋاقىتتا قىتاي, ۇلىبريتانيا جانە فران­تسيا مەملەكەت­تەرىندەگى ەڭ بي­ىك عيماراتتى باعىندىرماق وي­دا. بۇعان دەيىن ول دۇنيەجۇزى ەلدەرىندەگى بارلىعى 70-كە جۋ­ىق بيىك عيماراتقا ورمەلەپ شىق­قان. ولاردىڭ ىشىندە IBM باس عيماراتى, Hilton, Framatome, كۋالا-لۋمپۋرداعى پەتروناس مۇ­ناراسى, بارسەلوناداعى توررە اگبار, مəسكەۋدەگى ممۋ عيماراتى بار. ال دۋبايداعى 828 مەترلىك «بۋردج حاليفا» عيماراتىنا الەن 6 ساعاتتا شىققان. ايتا كەتەيىك, ول شىنى قا­بىرعامەن قازىرگى زاماندا الەم­گە اسا تانىمال بولعان قى­تاي­لىق Huawei اقپاراتتىق-كوم­مۋ­نيكاتسيالىق تەحنولوگياعا بەيىم­دەلگەن كومپانياسىنىڭ سپورت­تىق كيىمىن كيىپ الىپ ءور­مەلەدى. كوم­پانيا تۋىن عي­ما­راتتىڭ توبەسىنە جەلبىرەتىپ تىگىپ كەتتى... تالعات ءسۇيىنباي, «ەگەمەن قازاقستان» الماتى