استانا. 19 ءساۋىر. اۋعانستاننىڭ استاناسى كابۋل قالاسىندا جانكەشتىنىڭ ءوزىن ءوزى جارىپ جىبەرۋىنەن 20 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
رەسمي مالىمەتتەر بويىنشا جانكەشتى مىنگەن كولىكتە جارىلعىش زات ورناتىلعان. مەملەكەتتىڭ ورتالىعىندا ورنالاسقان ۇلتتىق قاۋىپسىزدىك باسقارماسىنىڭ شتاب-پاتەرىنە جاقىنداعاندا بومبا ىسكە قوسىلعان.
AP اگەنتتىگى بۇل ءىستى جەرگىلىكتى اۋعان تاليبتەرىنىڭ ءوز موينىنا العانىن حابارلادى. قازىر وقيعا ورنىندا تەرگەۋ امالدارى ءجۇرىپ جاتىر. سونداي-اق, زارداپ شەككەندەرگە جەدەل جاردەم قىزمەتكەرلەرى كومەك كورسەتۋدە. دارىگەرلەردىڭ ايتۋىنشا, مەرت بولعانداردىڭ سانى ءالى دە ارتۋى مۇمكىن.
ايان ءابدۋالي.
دەرەك, فوتو: تاسس.