الماتى قالاسىنداعى اۋەزوۆ اۋدانىنداعى دەمالىس كۇنگى جارمەڭكە ۋاقىتشا باسقا ورىنعا كوشىرىلدى. جارمەڭكە الاڭى جاڭعىرتۋ جۇمىستارىنا بايلانىستى ەندى رىسقۇلبەكوۆ كوشەسى بويىندا, ششەپكين كوشەسىنە دەيىنگى ارالىقتا ورنالاسقان قازبسقا ۋنيۆەرسيتەتىنە قاراما-قارسى اۆتوتۇراق اۋماعىندا وتەدى, دەپ حابارلايدى Egemen.kz.
بۇعان دەيىن ساۋدا الاڭى وتەگەن باتىر كوشەسى مەن اباي داڭعىلىنىڭ قيىلىسىندا جۇمىس ىستەپ كەلگەن.
قالاداعى باسقا اۋداندارداعى جارمەڭكەلەر ءوز ورىندارىندا جالعاسادى:
بوستاندىق اۋدانى – «قازاقفيلم» شاعىناۋدانىنداعى الاڭ; مەدەۋ اۋدانى – مەڭدىقۇلوۆ جانە بەكتۇروۆ كوشەلەرى; المالى اۋدانى – ماسانچي كوشەسى, ايتەكە بي مەن گوگول كوشەلەرىنىڭ ارالىعى.جارمەڭكەلەردە 300-دەن استام وتاندىق ءوندىرۋشى مەن فەرمەردىڭ 1000-نان اسا ءونىم ءتۇرى ۇسىنىلادى. ونىڭ ىشىندە ەت, ءسۇت ونىمدەرى, كوكونىس, جەمىس-جيدەك جانە بال ونىمدەرى بار. باعالار تىكەلەي جەتكىزىلىمنىڭ ارقاسىندا نارىقتاعىدان شامامەن 15-20% ارزان بولادى.
15%-دىق مەجەدەن اسقان: ازىق-ت ۇلىك باعاسىن نەگىزسىز كوتەرگەن كاسىپكەرگە ايىپپۇل سالىندى
جارمەڭكە ءار سەنبى جانە جەكسەنبى كۇندەرى ساعات 09:00-دەن 18:00-گە دەيىن جۇمىس ىستەيدى.
جاڭعىرتۋ اياقتالعاننان كەيىن پاۆيلوندار جاڭارتىلىپ, سانيتارلىق جاعداي جاقسارتىلىپ, اۆتوتۇراقتار مەن جالپى ينفراقۇرىلىم اباتتاندىرىلماق.
اباي وبلىسىندا ازىق-ت ۇلىك باعاسىن نەگىزسىز كوتەرگەن كاسىپكەرلەر جازاعا تارتىلدى