استانا. 19 ءساۋىر. ميانما مەملەكەتىندە تيندجان فەستيۆالى كەزىندە توتەنشە جاعدايلاردىڭ سالدارىنان 36 ادام قازا تاۋىپ, 316 تۇرعىن زارداپ شەكتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
فەستيۆالدىڭ العاشقى بەس كۇنىندە 46 ءتۇرلى دەڭگەيدەگى قايعىلى جاعداي تىركەلگەن. پوليتسيا قىزمەتكەرلەرىنىڭ ايتۋىنشا, وڭتۇستىك-شىعىس ازيا ەلىندە كوبىنە جۇرگىزۋشىلەر ماس كۇيىندە كولىك جۇرگىزگەن.
تيندجان مەرەكەسىنىڭ باستى شارتى – ءبىر-بىرىنە سۋ شاشۋ. جەرگىلىكتى حالىقتىڭ نانىم-سەنىمى بويىنشا وسى ارقىلى ولار كۇنا ىستەرىنەن تازارىپ, اۋرۋلارىنان ايىعادى. سونداي-اق, ونىڭ ورنىنا قۋانىش پەن ساتتىلىك كەلەدى دەپ سەنەدى. بۇل مەرەكەنى ميانما ەلىمەن شەكارالاس تايلاند, كامبودجا جانە لاوس مەملەكەتتەرى دە اتاپ وتەدى.
ايان ءابدۋالي.
دەرەك: تاسس.
فوتو: tpg.ua.