قاراعاندى. 19 ءساۋىر. قاراعاندى وبلىسىندا اتاسىنىڭ اۆتوكولىگىن ايداپ اكەتكەن ءجاسوسپىرىم جول اپاتىنا ۇشىراپ, قازا تاپتى. بۇل تۋرالى قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قايعىلى وقيعا اباي اۋدانىنداعى اقباستاۋ ەلدى مەكەنىندە بولدى. اتاسىنىڭ «موسكۆيچ-412» جەڭىل ماشيناسىن رۇقساتسىز ءمىنىپ كەتكەن 10-سىنىپ وقۋشىسى رۋلگە يە بولا الماي, جولدا اۋدارىلىپ مەرت بولدى. ونىڭ جانىندا بولعان جولداسى اۋىر جاراقاتتارمەن اۋرۋحاناعا جەتكىزىلدى.
قازىر سوتقا دەيىنگى تەرگەۋ امالدارى جۇرگىزىلۋدە.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپارتامەنتى.
فوتو: autostan.kz.